Nunavut Housing Corporation

ᐊᖏᕐᕋᒥ ᓄᑖᙳᕆᐊᖅᑎᑦᑎᓂᕐᒧᑦ ᐱᓕᕆᐊᒃᓴᖅ

ᓇᐃᓈᖅᓯᒪᔪᑦ

ᐊᖏᕐᕋᒥ ᓄᑖᙳᕆᐊᖅᑎᑦᑎᓂᕐᒧᑦ ᐱᓕᕆᐊᒃᓴᖅ (HRP) ᑐᓂᓯᕗᖅ ᐃᑲᔪᖅᓱᐃᓂᕐᒥᑦ ᐃᒡᓗᒥᑦ ᓇᖕᒥᓂᖃᖅᑎᐅᔪᓄᑦ ᐱᓕᕆᔪᒪᔪᓄᑦ ᐊᖏᔪᓂᑦ ᐋᖅᑭᒋᐊᖅᓯᓂᐅᔪᓂ, ᓄᑖᙳᕆᐊᖅᑎᑦᑎᓂᕐᒥᑦ ᐊᒻᒪᓗ ᐃᓚᒋᐊᖅᓯᓂᕐᓄᑦ ᐊᖏᕐᕋᖓᓄᑦ ᐊᑭᓖᓂᕐᒧᑦ ᐊᑭᓂᒃ ᐱᔾᔪᑎᓕᖕᓂᑦ ᐋᖅᑭᒃᓱᖅᑕᐅᓂᖓᓂ ᐊᒻᒪᓗ/ᐅᕝᕙᓘᓐᓃᑦ ᓄᑖᙳᕆᐊᖅᑎᑕᐅᓂᖓᓂ ᐃᓚᖃᕐᓗᓂ ᓱᓇᒃᑯᑖᒃᓴᓄᑦ, ᖃᖓᑦᑕᐅᑎᖓᓄᑦ, ᐊᒻᒪᓗ ᓴᓇᔭᐅᓂᖓᓄᑦ. ᐃᑲᔪᖅᓱᐃᓂᖅ ᑐᓂᔭᐅᔪᖅ ᐃᓚᖃᕈᓐᓇᖅᐳᖅ ᑮᓇᐅᔭᖅᑖᖅᑎᑕᐅᓂᕐᒧᑦ, ᐱᓕᕆᐊᒃᓴᒥᑦ, ᐊᒻᒪᓗ ᐱᔭᕆᑐᔪᓄᑦ ᐃᑲᔪᖅᓱᐃᓂᕐᒥᑦ ᓯᕗᓂᐊᓂ ᐊᒻᒪᓗ ᐱᓕᕆᑎᓪᓗᒋᑦ ᐋᖅᑭᒃᓱᖅᑕᐅᓂᖓᓂ/ᓄᑖᙳᕆᐊᖅᑎᑕᐅᓂᖓᓂ ᐱᓕᕆᔾᔪᔾᔭᐅᕙᒃᑑᑉ ᐊᖏᕐᕋᖓᓂ. ᓄᓇᕗᒻᒥ ᐃᒡᓗᓕᕆᔨᕐᔪᐊᒃᑯᑦ (NHC) ᑐᓂᓯᔪᓐᓇᕆᕗᑦ ᐱᓕᕆᐊᒃᓴᒧᑦ ᐊᒻᒪᓗ ᐱᔭᕆᑐᔪᓄᑦ ᐃᑲᔪᖅᓱᐃᓂᕐᒥᑦ ᓯᕗᓂᐊᓂ ᐊᒻᒪᓗ ᐱᓕᕆᔭᐅᑎᓪᓗᒍ ᓴᓇᔭᐅᓂᖓᓂ ᐱᓕᕆᔾᔪᓯᐅᔪᒥᑦ.

ᓄᓇᕗᒻᒥ ᐃᒡᓗᓕᕆᔨᕐᔪᐊᒃᑯᑦ ᑐᓂᓯᓂᐊᖅᐳᑦ ᐃᑲᔫᓯᐊᖓᓂ ᐋᖅᑭᒃᓯᒪᔪᒥ ᐃᓱᒪᒋᔭᐅᔪᓐᓃᓲᒥᑦ ᐊᑐᖅᑐᐊᖅᑎᑕᐅᓂᕐᒥᑦ ᐊᑭᓖᓂᕐᒧᑦ ᐊᑭᖓᓂ ᓱᓇᒃᑯᑖᓄᑦ, ᖃᖓᑦᑕᐅᑎᖓᓄᑦ ᐊᒻᒪᓗ ᓴᓇᔭᐅᓂᖓᓄᑦ, ᐊᖏᓛᖓᓂ ᐊᖏᓂᐅᔪᒥᑦ $65,000-ᒥᑦ, ᒪᓕᒃᖢᒍ ᐃᒡᓗᖃᖅᑎᐅᔪᓄᑦ ᑮᓇᐅᔾᔭᒃᓴᓂᖏᓐᓄᑦ, ᐊᒻᒪᓗ ᐃᒪᐃᓪᓗᓂ ᐊᖏᓂᐅᔪᑦ ᖄᖏᐅᑎᔪᓂ $50,000-ᒥ ᐊᑐᖅᑕᐅᓂᐊᕐᓗᓂ ᑐᕌᖓᓂᖃᕐᓗᓂ ᐆᒻᒪᖅᑯᑎᓄᑦ ᐊᑐᑦᑎᐊᕈᓐᓇᐅᑎᐅᔪᓄᑦ ᐱᐅᓯᒋᐊᕈᑎᓄᑦ. ᑮᓇᐅᔭᖃᖅᑎᑕᐅᓂᖅ ᑐᓂᔭᐅᓂᐊᖅᐳᖅ ᐃᒡᓗᒥᑦ ᓇᖕᒥᓂᖃᖅᑎᐅᔪᓄᑦ ᑐᙵᕕᖃᖅᑐᒥᑦ ᖁᑦᑎᖕᓂᓕᕇᒃᑐᑦ. ᐊᖏᓛᖓ ᐃᑲᔫᓯᐊᖓᓐᓂ ᐊᖏᓂᖓᑦ ᐋᖅᑭᒃᑕᐅᓂᐊᖅᐳᖅ ᒪᓕᒡᓗᓂ ᐃᒡᓗᖃᖅᑎᓄᑦ ᑮᓇᐅᔾᔭᒃᓴᓂᖏᓐᓂᑦ ᐳᓴᓐᑎᐅᓗᓂ ᐃᒡᓗᒥᒃ ᓇᖕᒥᓂᖃᕐᓂᕐᒧᑦ ᐱᓕᕆᐊᒃᓴᖅ ᑮᓇᐅᔾᔭᒃᓴᓂᕐᒧᑦ ᐱᔪᓐᓇᖅᑎᑕᐅᔪᓄᑦ ᑭᒡᓕᐅᔪᓂᑦ ᓄᓇᓕᖏᓐᓄᑦ.

ᑐᒃᓯᕋᖅᑎᒥᑦ ᐱᐊᓂᒃᓯᒪᓐᓂᕈᓂ ᐊᖏᕐᕋᒥ ᓄᑖᙳᕆᐊᖅᑎᑦᑎᓂᕐᒧᑦ ᐱᓕᕆᐊᒃᓴᒧᑦ ᐃᑲᔪᖅᓱᐃᓂᕐᒥᑦ ᓄᑖᙳᕆᐊᖅᑎᑦᑎᓂᕐᒧᑦ ᐊᖏᕐᕋᖓᓂ, ᑐᒃᓯᕋᕈᓐᓇᖅᐳᑦ ᖄᒃᑲᓐᓂᐊᒍᑦ $15,000-ᒥ ᐱᐅᓯᒋᐊᖅᑎᑦᑎᓂᕐᒧᑦ ᐆᒻᒪᖅᑯᑎᖓᑕ ᐊᑐᙱᓐᓂᖅᓴᐅᔪᓐᓇᕐᓂᖓᓄᑦ ᐃᒡᓗᖁᑎᖓᓐᓄᑦ.

ᐱᓕᕆᔾᔪᔾᔭᐅᕙᒃᑐᑦ ᑲᒪᒋᔭᖃᕆᐊᖃᖅᐳᑦ:

  • ᐋᖅᑭᒃᓱᐃᓂᕐᒥ ᐊᒻᒪᓗ ᐃᓯᖃᑎᖃᕐᓂᕐᒧᑦ ᑳᓐᑐᕌᒃᒥᑦ ᑕᒪᐃᑎᒍᑦ ᑳᓐᑐᕌᒃᑎᐅᔪᒧᑦ ᐊᖏᖅᑕᐅᓯᒪᔪᒥ ᓄᓇᕗᒻᒥ ᐃᒡᓗᓕᕆᔨᕐᔪᐊᒃᑯᓐᓄᑦ. ᐱᓕᕆᔾᔪᔾᔭᐅᕙᒃᑐᑦ ᐱᔪᓐᓇᖅᑎᑕᐅᔪᓐᓇᖅᐳᑦ ᐃᒻᒥᖕᓂᑦ ᐱᓕᕆᓗᑎᒃ ᐱᔭᕆᐊᓕᖕᓂ ᐊᔪᙱᓐᓂᖃᑐᐊᕈᑎᒃ ᓇᓗᓇᐃᖅᑕᐅᓯᒪᔪᓂᑦ ᓄᓇᕗᒻᒥ ᐃᒡᓗᓕᕆᔨᕐᔪᐊᒃᑯᓐᓂᑦ.
  • ᐊᑭᓖᓗᑎᒃ ᑕᒪᒃᑭᓂᑦ ᐊᑭᐅᔪᓂᑦ ᐅᖓᑖᓅᕈᔾᔨᔪᓂᒃ ᐊᖏᖅᑕᐅᓯᒪᔪᒥᑦ ᐊᖏᓂᖓᓂ ᐃᑲᔪᖅᓱᐃᓂᕐᒧᑦ.

ᐱᔪᓐᓇᖅᑎᑕᐅᔪᓄᑦ ᐱᓕᕆᔾᔪᔾᔭᐅᕙᒃᑐᓂᑦ

ᑐᒃᓯᕋᖅᑐᖅ(ᑦ) ᐊᕐᕌᒍᖃᕆᐊᖅᐳᖅ 19-ᓂᑦ ᐊᒻᒪᓗ ᓄᓇᖃᖅᓯᒪᓗᓂ ᓄᓇᕗᒻᒥ ᐊᕐᕌᒍᓪᓗᐊᓄᑦ ᒪᕐᕉᖕᓄᑦ.

  • ᑕᒪᓪᓇ ᐱᓕᕆᐊᒃᓴᖅ ᒪᓕᒃᐳᖅ ᑮᓇᐅᔾᔭᒃᓴᓂᕐᒧᑦ ᐱᔪᓐᓇᖅᑎᑕᐅᔪᓄᑦ ᑭᒡᓕᐅᔪᓂᑦ ᐋᖅᑭᒃᑕᐅᓯᒪᔪᓂ ᐃᒡᓗᒥᒃ ᓇᖕᒥᓂᖃᕐᓂᕐᒧᑦ ᐱᓕᕆᐊᒃᓴᒧᑦ ᑮᓇᐅᔾᔭᒃᓴᓂᕐᒧᑦ ᐱᔪᓐᓇᖅᑎᑕᐅᔪᓄᑦ (ᐃᒡᓗᒥᒃ ᓇᖕᒥᓂᖃᕐᓂᕐᒧᑦ ᐱᓕᕆᐊᒃᓴᒧᑦ ᑮᓇᐅᔾᔭᒃᓴᓂᕐᒧᑦ) ᓈᓴᐅᑎᖏᑦ (ᑕᑯᒍᒃ ᓄᓇᕗᒻᒥ ᐃᒡᓗᓕᕆᔨᕐᔪᐊᒃᑯᑦ VOI ᒪᓕᒋᐊᓕᖏᓐᓂ).
  • ᑐᒃᓯᕋᖅᑎᐅᔪᑦ ᐊᑐᖅᑐᐊᕐᓂᕐᒧᑦ ᐅᕝᕙᓘᓐᓃᑦ ᐃᒡᓗᖁᑎᑖᕋᓱᖕᓂᕐᒧᑦ ᐊᑭᓕᒃᓴᓕᖕᓂ ᓇᓕᐊᑐᐃᓐᓇᓂ ᓄᓇᓕᖕᓂ ᐃᒡᓗᓕᕆᔨᒃᑯᓐᓄᑦ ᑲᑐᔾᔨᖃᑎᒌᖑᔪᓄᑦ ᓄᓇᕗᒻᒥ, ᐅᕝᕙᓘᓐᓃᑦ ᓄᓇᕗᒻᒥ ᐃᒡᓗᓕᕆᔨᕐᔪᐊᒃᑯᓐᓄᑦ, ᐅᕝᕙᓘᓐᓃᑦ ᐊᓯᐅᔨᓯᒪᑎᑦᑎᓯᒪᓗᓂ ᓄᓇᕗᒻᒥ ᐃᒡᓗᓕᕆᔨᕐᔪᐊᒃᑯᓐᓄᑦ, ᐱᔪᓐᓇᕋᔭᙱᓚᑦ ᐱᓕᕆᐊᒃᓴᒧᑦ ᑭᓯᐊᓂ ᑖᒃᑯᐊ ᐊᑭᓕᒃᓴᐃᑦ ᐅᕝᕙᓘᓐᓃᑦ ᐊᓯᐅᔨᓂᐅᔪᑦ ᐊᑭᓕᖅᑕᐅᒃᐸᑕ ᑕᒪᒃᑭᕐᓗᒋᑦ. ᑭᓯᐊᓂ, ᐃᓱᒪᖅᓲᑕᐅᓗᓂ ᐊᖓᔪᖅᑲᐅᕕᖓᑦᑕ ᐊᐅᓚᑦᑎᔨᖏᑕ ᑲᑎᒪᔨᕋᓛᖏᓐᓂᑦ ᑕᒪᓐᓇ ᐱᔭᕆᐊᖃᕐᓂᐅᔪᖅ ᐲᖅᑕᐅᔪᓐᓇᖅᐳᖅ, ᑭᓯᐊᓂ ᑖᓐᓇ ᐱᓕᕆᔾᔪᔾᔭᐅᕙᒃᑐᖅ(ᑦ) ᐊᖏᕈᓂ ᑎᑎᕋᕐᓂᒃᑯᑦ ᐊᑭᓖᓂᐊᕐᓂᖓᓂ ᐊᑭᓕᒃᓴᐅᔪᓂᑦ ᐋᖅᑭᒃᓱᖅᓯᒪᓂᐅᔪᒃᑯᑦ.
  • ᑐᒃᓯᕋᖅᑐᖅ(ᑦ) ᐱᓯᒪᔭᕆᐊᖃᖅᐳᑦ ᑎᒍᒥᐊᖅᓯᒪᓂᐅᔪᒥ (ᐅᕝᕙᓘᓐᓃᑦ ᐊᑐᖅᑐᐊᒐᒧᑦ ᑎᒍᒥᐊᕐᓂᕐᒥᑦ) ᓇᖕᒥᓂᐅᔪᒧᑦ. ᐱᑕᖄᓂᒃᑐᓂ ᓄᓇᕗᒻᒥ ᐃᒡᓗᓕᕆᔨᕐᔪᐊᒃᑯᑦ ᐃᒡᓗᒥ ᓇᖕᒥᓂᖃᖅᑎᐅᔪᒧᑦ ᐱᓕᕆᔾᔪᔾᔭᐅᕙᒃᑐᑦ ᐱᓯᒪᑦᑎᖏᑦᑐᓂ ᐊᑐᖅᑐᐊᒐᒧᑦ ᑎᒍᒥᐊᕐᓂᕐᒥᑦ ᓇᖕᒥᓂᕆᔭᐅᔪᒧᑦ, ᑭᓯᐊᓂ ᐃᒡᓗᖃᕐᓗᓂ ᐃᒡᓗᖓᓂ ᐅᕘᓇ ᐃᒡᓗᖃᕐᓂᕐᒧᑦ ᐊᖏᕈᑎᒃᑯᑦ ᐱᔪᓐᓇᖅᑎᑕᐅᔪᓐᓇᑦᐳᑦ ᐊᖏᕐᕋᒥ ᓄᑖᙳᕆᐊᖅᑎᑦᑎᓂᕐᒧᑦ ᐱᓕᕆᐊᒃᓴᒧᑦ ᑭᓯᐊᓂ ᑕᒪᒃᑭᓕᒫᑦ ᐊᓯᖏᑦ ᐱᔪᓐᓇᖅᑎᑕᐅᔪᓄᑦ ᐱᔭᕆᐊᓕᖏᓐᓂ ᑭᐅᒪᔭᐅᒍᑎᒃ.

ᖁᑦᑎᖕᓂᓕᕇᒃᑐᑦ ᑮᓇᐅᔭᖃᖅᑎᓂᐅᕙᒃᑐᑦ

ᑮᓇᐅᔭᖃᖅᑎᑕᐅᓂᖅ ᑐᓂᔭᐅᓂᐊᖅᐳᑦ ᐃᒡᓗᒥᑦ ᓇᖕᒥᓂᖃᖅᑎᐅᔪᓄᑦ ᑐᙵᕕᖃᕐᓗᓂ ᖁᑦᑎᖕᓂᓕᕇᒃᑐᒥᑦ. ᐊᖏᓛᖓ ᐃᑲᔫᓯᐊᖓᓐᓄᑦ ᐊᖏᓂᖓ ᐋᖅᑭᒃᓯᒪᓂᐊᖅᐳᖅ ᐃᒡᓗᖃᖅᑎᓄᑦ ᑮᓇᐅᔾᔭᒃᓴᓂᖓᓂ ᐳᓴᓐᑎᐅᓗᓂ ᐃᒡᓗᒥᒃ ᓇᖕᒥᓂᖃᕐᓂᕐᒧᑦ ᐱᓕᕆᐊᒃᓴᒧᑦ ᑮᓇᐅᔾᔭᒃᓴᓂᕐᒧᑦ ᑭᒡᓕᐅᔪᒥᑦ ᓄᓇᓕᖓᓐᓄᑦ, ᐃᒪᐃᓪᓗᓂ:

ᑮᓇᐅᔾᔭᒃᓴᓂᖅ %-ᖑᓗᓂ ᓄᓇᓕᖕᓂ ᐃᒡᓗᒥᒃ ᓇᖕᒥᓂᖃᕐᓂᕐᒧᑦ ᐱᓕᕆᐊᒃᓴᒧᑦ ᑮᓇᐅᔾᔭᒃᓴᓂᕐᒧᑦ ᑭᒡᓕᐅᔪᒥᑦ ᐊᖏᓛᖓ ᐃᑲᔫᓯᐊᖓᓂ ᐊᖏᓂᖓ
0% ᑎᑭᓪᓗᒍ 80%-ᒧᑦ 100% ᐋᖅᑭᒃᓱᖅᑕᐅᓂᖓᓄᑦ ᐊᖏᓛᖓᓂ $ 65,000-ᒧᑦ
>80%-ᒥᑦ ᑎᑭᓪᓗᒍ 85% 80% ᐋᖅᑭᒃᓱᖅᑕᐅᓂᖓᓄᑦ ᐊᖏᓛᖓᓂ $ 52,000-ᒧᑦ
>85%-ᒥᑦ ᑎᑭᓪᓗᒍ 90% 60% ᐋᖅᑭᒃᓱᖅᑕᐅᓂᖓᓄᑦ ᐊᖏᓛᖓᓂ $ 39,000-ᒧᑦ
>90%-ᒥᑦ ᑎᑭᓪᓗᒍ 95% 40% ᐋᖅᑭᒃᓱᖅᑕᐅᓂᖓᓄᑦ ᐊᖏᓛᖓᓂ $ 26,000-ᒧᑦ
>90%-ᒥᑦ ᑎᑭᓪᓗᒍ 100% 20% ᐋᖅᑭᒃᓱᖅᑕᐅᓂᖓᓄᑦ ᐊᖏᓛᖓᓂ $ 13,000-ᒧᑦ
>90%-ᒥᑦ ᑎᑭᓪᓗᒍ 100%