Nunavut Housing Corporation

ᐃᓄᓕᒫᓄᑦ ᐃᒡᓗᖃᖅᑎᑦᑎᓂᖅ

ᐃᓪᓗᓕᕆᔨᕐᔪᐊᒃᑯᑦ ᐃᓪᓗᓕᕆᔨᒃᑯᑦ ᐃᓪᓗᖁᑎᖏᑕ ᐱᓕᕆᐊᒃᓴᖓᓂ ᑲᓚᔨᐅᕙᑦᑐᑦ ᑕᒪᐃᓐᓂᒃ 25-ᖑᔪᓂᒃ ᓄᓇᓕᓐᓂ ᓄᓇᕗᒻᒥ ᑲᑐᔾᔨᖃᑎᖃᖅᑐᑎ ᓄᓇᓕᑦᑕ ᑲᑐᔾᔨᖃᑎᒌᒃᑯᖏᓐᓂ. ᑮᓇᐅᔭᖅᑎᒍᑦ ᐃᑲᔪᖅᑕᐅᔭᕆᐊᖃᕐᓂᖏᓪᓗ ᐃᓪᓗᓕᕆᔨᒃᑯᑦ ᐃᓪᓗᖁᑎᖏᓐᓂᒃ ᐱᔨᑦᓯᕋᕐᓂᕐᒧᑦ ᓄᓇᕗᒻᒥᐅᓂᒃ ᐊᑐᐃᓐᓇᐅᑎᑕᐅᔪᑦ ᐊᐅᓚᑦᑎᓂᕐᒧᑦ ᐊᖏᖃᑎᒌᒍᑎᒃᑯᑦ ᑖᒃᑯᓇᙵᑦ ᐃᓪᓗᓕᕆᔨᕐᔪᐊᒃᑯᓐᓂ ᐊᒻᒪ ᓄᓇᓖᑦ ᐃᓪᓗᓕᕆᔨᒃᑯᖏᓐᓂ.

ᐃᓪᓗᓕᕆᔨᒃᑯᑦ ᐃᓪᓗᖁᑎᖏᓐᓂ ᐃᓪᓗᑖᕈᓐᓇᕐᓂᖅ

ᐃᓪᓗᓕᕆᔨᒃᑯᑦ ᐃᓪᓗᖁᑎᖏᓐᓂ ᐃᓪᓗᑖᕈᓐᓇᕐᓗᓂ, ᐃᓄᒃ ᐅᕝᕙᓘᓐᓃᑦ ᐃᓚᒌᖑᔪᑦ ᑎᑭᐅᒪᔭᕆᐊᓖᑦ ᒪᓕᑦᑕᐅᔭᕆᐊᓕᓐᓂᒃ ᑕᒪᒃᑯᓄᖓ ᑐᕌᖓᔪᓂ ᓲᕐᓗ ᐅᑭᐅᖏᑦ, ᓇᒥᕐᒥᐅᑕᐅᓂᖓ, ᑮᓇᐅᔾᔭᒃᓴᕐᓂᖓ, ᐊᑭᓕᒃᓴᖃᕐᓂᖓ, ᐊᓯᖏᓐᓂᓪᓗ.

ᐃᓪᓗᓕᕆᔨᒃᑯᑦ ᐃᓪᓗᖁᑎᖏᑦ ᐃᓐᓄᒃᑕᐅᓇᓱᓐᓂᖏᑦ ᐊᔾᔨᒌᓕᖁᓪᓗᒋᑦ ᓄᓇᕘᓕᒫᒥ, ᓄᓇᓕᓐᓂ ᐃᓪᓗᓕᕆᔨᒃᑯᑦ ᒪᓕᖃᑦᑕᖅᑐᑦ ᓈᓴᐅᑎᑎᒍᑦ ᓇᓗᓇᐃᖅᓯᓇᓱᒃᑐᑎ ᖃᓄᑎᒋ ᐃᓪᓗᑖᕆᐊᖃᕐᒪᖔᑦ.

ᐃᓄᑑᔪᑦ ᐃᓚᒌᖑᔪᓪᓗ ᐃᓪᓗᑖᕋᓱᐊᕈᒪᔪᑦ ᐃᓪᓗᓕᕆᔨᒃᑯᑦ ᐃᓪᓗᖁᑎᖓᓂ ᖃᐅᔨᒋᐊᕈᓐᓇᖅᑐᑦ ᓄᓇᓕᖓᑕ ᐃᓪᓗᓕᕆᔨᒃᑯᖏᓐᓂ ᖃᐅᔨᓴᓪᓗᑎ ᐆᑦᑐᖃᑕᐅᔪᓐᓇᕋᔭᕐᒪᖔᑦ, ᑎᑎᕋᕆᐊᓕᒻᒥᓪᓗ ᐃᓪᓗᑖᕋᓲᑎᒥ ᑎᑎᕋᕐᓗᑎ.

ᓄᓇᕗᑦ ᒫᓐᓇᐅᔪᖅ ᐃᓪᓗᓂ ᐊᒥᒐᓗᐊᖅᑐᖅ, ᓄᓇᓕᓕᒫᑲᓴᑦ ᐅᑕᖅᑭᕕᒻᒦᖁᑎᖃᖅᑐᑦ ᐃᓪᓗᓕᕆᔨᒃᑯᑎᒍᑦ ᐃᓪᓗᑖᕋᓱᐊᖅᑐᓂ.

ᖃᓄᖅ ᐃᓄᓕᒫᓄᑦ ᐃᒡᓗᖃᖅᑎᑦᑎᓂᖅ ᐱᓕᕆᐊᖑᕙᖕᓂᖓᓂ ᓄᓇᕗᒻᒥ

ᐃᓪᓗᓕᕆᔨᒃᑯᑎᒍᑦ ᐃᓪᓗᖁᑎᒋᔭᐅᔪᑦ ᐱᓕᕆᐊᒃᓴᖓ ᑮᓇᐅᔾᔭᒃᓴᓂᕐᒧᑦ ᐊᑭᓖᑎᑦᑎᖃᑦᑕᖅᑐᑦ ᐊᑭᑭᓪᓕᒋᐊᖅᓯᒪᔪᓂ ᐃᓪᓗᖃᖅᑎᑦᑎᓲᖑᓪᓗᑎ ᐃᓪᓗᖃᖅᑎᐅᔪᓄᑦ ᑮᓇᐅᔾᔭᒃᓵᖏᓐᓂᒃ ᑐᙵᕕᖃᖅᑐᑎ ᐊᒻᒪᓗ ᐊᔪᙱᓐᓂᕆᔭᖏᓐᓂᒃ ᐊᑭᓖᔪᓐᓇᕐᓂᕐᒧᑦ. ᑮᓇᐅᔾᔭᕈᑕᐅᔪᑦ ᐱᔾᔪᑎᒋᔭᐅᕙᓐᓂᖏᓐᓄᑦ, ᐃᓪᓗᓕᕆᔨᒃᑯᑎᒍᑦ ᐃᓪᓗᑖᕈᓐᓇᕐᓂᖅ ᐱᔾᔪᑎᖃᓲᖅ ᑮᓇᐅᔾᔭᒃᓴᕈᑕᐅᔪᑦ ᖃᐅᔨᓴᖅᑕᐅᓲᑦ ᑎᑭᐅᒪᖁᓪᓗᒋᑦ ᓄᓇᓕᐅᑉ ᑮᓇᐅᔾᔭᒃᓴᓂᖏᑦᑕ ᐃᓱᖃᕐᓂᖏᓐᓂ.

ᐃᓪᓗᓕᕆᔨᒃᑯᑎᒍᑦ ᐃᓪᓗᖁᑎᒋᔭᐅᔪᓕᒫᑦ ᓄᓇᕗᒻᒥ ᐊᑐᖃᑦᑕᖅᑐᑦ ᐃᓪᓗᓕᕆᔨᒃᑯᑎᒍᑦ ᐃᓪᓗᖁᑎᖏᓐᓄᑦ ᐃᑭᓕᐅᑎᓂᒃ ᐋᖅᑭᒃᓱᖅᑕᐅᓯᒪᔪᒃᑯᑦ, ᑮᓇᐅᔾᔭᕈᑕᐅᔪᓂ-ᒪᓕᓪᓗᑎ-ᐊᑭᓖᑎᑦᑎᓂᕐᒧᑦ ᐊᓯᔾᔨᕈᓐᓇᖅᑐᖅ ᐋᖅᑭᒃᓯᒪᓪᓗᓂ ᐃᓪᓗᓕᕆᔨᒃᑯᑎᒍᑦ ᐃᓪᓗᓂ ᐊᑐᖅᑐᐊᕐᓂᐅᔪᖅ ᓈᒻᒪᖁᓪᓗᒋᑦ ᐊᑭᑐᓗᐊᖁᓇᒋᓪᓗ.

2014-ᒥ, ᐃᓪᓗᓕᕆᔨᕐᔪᐊᒃᑯᑦ ᐊᓯᔾᔩᓚᐅᖅᓯᒪᔪᑦ ᐃᓪᓗᓕᕆᔨᒃᑯᑎᒍᑦ ᐃᓪᓗᖁᑎᒋᔭᐅᔪᑦ ᐊᑭᖏᓐᓂᒃ ᐃᖅᑲᓇᐃᔭᕈᒪᒍᓐᓃᖁᔨᓇᑎ, ᐃᑲᔪᖅᓱᕈᒪᓪᓗᑎ ᑐᕌᒐᕆᔭᐅᔪᓂᒃ ᐊᔪᖅᓴᕈᓐᓃᖅᐹᓪᓕᑎᑦᑎᓂᕐᒧᑦ, ᐊᑭᓕᐅᑏᓪᓗ ᓈᒻᒪᓂᖅᓴᐅᖁᓪᓗᒋᑦ ᐊᑐᖅᑐᐊᖅᑎᓄᑦ.

ᐃᓪᓗᓕᕆᔨᒃᑯᑎᒍᑦ ᐃᓪᓗᓂ ᐊᑐᖅᑐᐊᕐᓂᕐᒧᑦ ᐊᑭᓕᐅᑎᑦ ᑐᙵᕕᖃᓲᖅ ᑮᓇᐅᔾᔭᕈᑕᐅᔪᑦ ᐲᔭᐃᕝᕕᐅᓚᐅᕐᓇᓂ/ᐲᔭᐃᕝᕕᐅᓚᐅᕐᓇᑎ ᐊᑕᐅᓯᕐᒧᑐᐊᖅ ᒪᕐᕉᓐᓄᓘᓐᓃᑦ ᐊᑐᖅᑐᐊᖅᑎᓪᓗᐊᑕᕆᔭᐅᔪᓄᑦ ᐃᓪᓗᒥ, ᑐᙵᕕᖃᖅᑐᓂᓗ ᐊᕐᕌᒍᑕᒫᑦ ᑮᓇᐅᔾᔭᕈᑕᐅᔪᓂ ᖃᐅᔨᓴᖅᑕᐅᓂᖏᓐᓂ. ᐊᑐᖅᑐᐊᕐᓂᕐᒧᑦ ᐊᑭᓕᐅᑎᒃᓴᑦ ᑐᙵᕕᖃᓲᑦ ᑖᒃᑯᓂᖓ ᑮᓇᐅᔾᔭᕈᑕᐅᔪᓂ:

  • ᐊᑭᑭᓐᓂᖅᐹᒥ ᐊᑐᖅᑐᐊᕈᑎᒧᑦ ᐊᑭᓕᖅᓲᑕᐅᔪᓐᓇᖅᑐᖅ $60.00−ᖑᕗᖅ ᑕᖅᑭᑕᒫ $22,880 ᑐᖔᓂ ᐊᕐᕌᒍᓕᒫᖅ ᑮᓇᐅᔭᓕᐅᖅᑐᓄᑦ ᐊᒻᒪᓗᑦᑕᐅᖅ;
  • 20% ᐊᕐᕌᒍᓕᒫᒧᑦ ᑮᓇᐅᔭᓕᐊᖏᑦ ᑖᒃᑯᐊ ᐊᑯᓐᓂᖓᓃᑉᐸᑦ $22,000 ᐊᒻᒪ $40,000;
  • 25% ᐊᕐᕌᒍᓕᒫᒧᑦ ᑮᓇᐅᔭᓕᐊᖏᑦ ᑖᒃᑯᐊ ᐊᑯᓐᓂᖓᓃᑉᐸᑦ $40,000 ᐊᒻᒪ $80,000;
  • 30% ᐊᕐᕌᒍᓕᒫᒧᑦ ᑮᓇᐅᔭᓕᐊᖏᑦ $80,000 ᐅᖓᑖᓅᖓᑉᐸᑕ

ᐊᓯᖏᑦ ᐱᒻᒪᕆᐅᔪᑦ ᐃᓪᓗᒧᑦ ᐊᑭᓕᐅᑕᐅᓂᐊᖅᑐᓄᑦ ᐊᒻᒪ ᑮᓇᐅᔭᓕᐊᓂᒃ ᖃᐅᔨᓴᕐᓂᕐᒧᑦ:

  • ᑕᖅᑭᑕᒫᑦ ᐊᑭᓕᖅᑕᐅᔭᕆᐊᓕᒃ $60.00 ᐃᓪᓗᓄᑦ ᑮᓇᐅᔾᔭᕐᓂᖏᑦ ᑲᑎᓪᓗᒋᑦ ᐊᑐᖅᑐᐊᖅᑎᓪᓗᐊᑕᒧᑦ(ᓄᑦ) $22,880 ᑐᖔᓃᑉᐸᑦ ᐊᕐᕌᒍᒧ. (ᐊᑦᑎᓂᖅᐹᖅ ᐃᓪᓗᒧ ᐊᑭᓕᐅᑎ)
  • ᐃᓪᓗᒧᑦ ᐊᑭᓕᐅᑎᑦ ᐃᓚᒋᐊᖅᑕᐅᓂᖏᑦ ᑮᓇᐅᔾᔭᕐᓂᖅᓴᐅᓂᖅ ᐱᔾᔪᑎᒋᓪᓗᒍ ᑭᒡᓕᖃᖅᑎᑕᐅᔪᖅ 25%-ᒥᒃ ᓄᑖᒧᑦ ᐊᑭᓕᐅᑎᒧᑦ ᖃᐅᔨᓴᖅᑕᐅᔪᒥ ᐊᕐᕌᒍᑕᒫᑦ ᐊᑭᓕᐅᑎᑦ ᖃᐅᔨᓴᖅᑕᐅᓂᖏᑦ ᑎᑭᑕᐅᓇᓱᓐᓂᖏᓐᓂ.
  • ᐃᓪᓗᒥ ᐊᑐᖅᑐᐊᖅᑎᓪᓗᐊᑕᑦ 60ᓂ ᐅᑭᐅᓖᑦ ᐅᖓᑖᓄᓗ (ᐃᓐᓇᑐᖃᐃᑦ) ᖃᐅᔨᓴᖅᑕᐅᓲᑦ ᐃᒻᒥᒃᑯᑦ ᑮᓇᐅᔭᓕᐊᖏᓐᓂᒃ ᐅᖓᑖᓅᖓᑉᐸᑕ ᓄᓇᓕᐅᑉ ᑮᓇᐅᔾᔭᒃᓴᓂᖏᑦᑕ ᐃᓱᖃᕐᓂᖏᓐᓂ.
  • ᐃᓪᓗᒥ ᐊᑐᖅᑐᐊᖅᑎᓪᓗᐊᑕᑦ ᐅᓪᓗᓕᒫᒧᑦ ᐃᓕᓐᓂᐊᖅᑎᐅᔪᖅ ᑭᑭᑕᐅᑐᐃᓐᓇᕆᐊᓖᑦ ᐃᓪᓗᒥ ᐊᑭᓕᖅᓱᐃᓂᕐᒧᑦ.
  • ᐃᓪᓗᒧᑦ ᐊᑐᖅᑐᐊᖅᑕᒧᑦ ᐲᖅᑕᐅᑐᐃᓐᓇᕆᐊᖃᖅᐳᑦ ᐅᑯᓂᖓ ᐱᔾᔪᑎᖃᑐᐊᖅᐸᑕ:
    • ᓄᓇᓕᓐᓂ ᑐᕌᖓᔪᑦ ᐊᑭᖏᓐᓄᑦ ᐃᓅᓇᓱᐊᕐᓂᕐᒧᑦ ᑮᓇᐅᔭᓕᐊᓄᑦ
    • ᐃᓪᓗᒥᐅᖃᑎᒌᑦ ᒥᑭᒃᓴᓗᐊᖅᐸᑕ ᐃᒡᓗᒥ
    • ᐃᓪᓘᑉ ᖃᓄᐃᓕᖓᓂᕆᔭᖓ
    • ᐃᓪᓗᒧᑦ ᑐᕌᖓᔪᑦ ᓇᔪᖅᑕᐅᔪᓐᓇᕐᓂᖓᓄᑦ ᐊᑭᑭᓪᓕᒋᐊᕈᑎ (ᐃᓪᓗᑐᖃᐅᓂᖅᓴᓄᑦ ᒥᑭᓐᓂᖅᓴᓄᑦ)
  • ᐊᑭᑐᓛᒥᒃ ᐊᑭᓕᖅᓱᖅᑎᑕᐅᔪᑦ ᐊᑐᖅᑕᐅᓲᖑᔪᖅ ᓄᓇᕘᒥ ᓄᓇᓕᓕᒫᓂᒃ, ᐊᑖᓂᓪᓗ ᓇᓗᓇᐃᖅᓯᒪᓪᓗᑎᒃ.
  • ᐃᒡᓗᒧᑦ ᐊᑐᖅᑐᐊᕈᑏᑦ ᐋᖅᑭᒃᑕᐅᖃᑦᑕᖅᐳᑦ ᓯᑎᐱᕆ 1−ᒥᑦ ᐊᕐᕌᓂ ᑮᓇᐅᔭᓕᐊᕆᓚᐅᖅᑕᖓ ᒪᓕᒃᑕᐅᓪᓗᓂ.
  • ᓄᓇᓕᖕᓂ ᐃᒡᓗᓕᕆᔨᒃᑯᑦ ᑲᑎᒪᔨᖏᑦ ᐃᒡᓗᒧᑦ ᐊᑐᖅᑐᐊᕈᑎᒥᒃ ᒥᒃᖠᒋᐊᖅᑎᑦᑎᑲᐅᑎᒋᔪᓐᓇᖅᐳᑦ ᐃᖅᑲᓇᐃᔮᕆᑯᑖᒃᑕᒥᓄᑦ ᑮᓇᐅᔾᔭᒃᓴᔪᓐᓃᖅᑐᖃᖅᐸᑦ
    ᐃᓪᓗᕈᓯᖃᙱᑦᑐᑦ ᐊᑕᐅᓯᕐᒥ ᐃᓪᓗᕈᓯᓖᑦ ᒪᕐᕉᓐᓂᒃ ᐃᓪᓗᕈᓯᓖᑦ ᐱᖓᓱᓂᒃ ᐃᓪᓗᕈᓯᓖᑦ ᑎᓴᒪᓂᒃ ᐃᓪᓗᕈᓯᓖᑦ ᑕᓪᓕᒪᓂᑦ ᐃᓪᓗᕈᓯᓖᑦ
    $814/ᑕᖅᑭᑕᒫᑦ $1,140/ᑕᖅᑭᑕᒫᑦ $1,466/ᑕᖅᑭᑕᒫᑦ $1,792/ᑕᖅᑭᑕᒫᑦ $2,118/ᑕᖅᑭᑕᒫᑦ $2,443/ᑕᖅᑭᑕᒫᑦ

*ᐃᓪᓗᓕᕆᔨᒃᑯᑦ ᐃᓪᓗᖏᓐᓂᑦ ᐊᑐᖅᑐᐊᖅᑏᑦ ᐃᓱᒫᓘᑎᓕᓐᓂᑦ ᐊᑐᖅᑐᐊᖅᓂᕐᒧᑦ ᐊᑭᓖᒋᐊᖃᕐᓂᕐᒥᑦ ᖃᐅᔨᒃᑲᐅᑎᒋᐊᓖᑦ ᓄᓇᓕᓐᓂᑦ ᐃᓪᓗᓕᕆᔨᒃᑯᓐᓂᑦ ᒫᓐᓇᑦᓴᐅᑎᒋ.

ᐃᓄᓕᒫᓄᑦ ᐃᒡᓗᖃᖅᑎᑦᑎᓂᖅ ᑐᓂᓯᔨᐅᔪᑦ ᐱᔨᕆᔨᖏᑦ ᐊᒻᒪᓗ ᐱᓕᕆᖃᑎᒋᕙᒃᑕᖏᑦ

ᓄᓇᓕᖕᓂ ᐃᒡᓗᓕᕆᔨᒃᑯᑦ ᑲᑐᔾᔨᖃᑎᒌᑦ

ᐃᒡᓗᓕᕆᔨᕐᔪᐊᒃᑯᑦ ᐱᓕᕆᔨᐅᖃᑎᖃᖅᐳᑦ ᓄᓇᓕᖕᓂ ᐃᒡᓗᓕᕆᔨᒃᑯᓐᓂ. ᐃᒡᓗᓕᕆᔨᒋᔭᐅᔪᑦ ᑲᑐᔾᔨᖃᑎᒌᖑᓪᓗᑎᒃ ᐋᖅᑭᒃᑕᐅᓯᒪᓲᖑᕗᑦ ᓄᓇᖅᑲᑎᒌᓂᒃ ᓂᕈᐊᖅᑕᐅᓯᒪᔪᓂᒃ ᑲᑎᒪᔨᖃᖅᖢᑎᒃ, ᑭᓯᐊᓂ, ᖃᔅᓰᓐᓇᑯᓗᐃᑦ ᐱᔪᓐᓇᕐᓂᖃᓲᖑᕗᑦ ᑲᑎᒪᔨᖏᑦ ᑎᒃᑯᐊᖅᑕᐅᓯᒪᓪᓗᑎᒃ ᒥᓂᔅᑕᒧᑦ. ᓄᓇᓕᖕᓂ ᐱᓕᕆᔨᐅᖃᑎᕗᑦ ᐱᓕᕆᐊᒃᓴᖃᓲᖑᕗᑦ ᑲᒪᒋᔭᖃᕆᐊᖃᖅᖢᑎᒃ ᐃᒡᓗᓂᒃ ᐊᑐᖅᑐᐊᖅᑕᐅᔪᓂᒃ ᐱᓕᕆᐊᒃᓴᖏᓐᓂᒃ, ᐃᒡᓗᑖᖅᑎᑦᑎᓂᕐᒥᒃ, ᐃᒡᓗᓂᒃ ᐊᑭᓕᖅᓱᕆᐊᓕᖕᓄᑦ ᖃᐅᔨᓴᖅᑕᐅᔾᔪᑎᓄᑦ ᐊᒻᒪ ᓄᐊᑕᐅᕙᓪᓕᐊᔾᔪᑎᓄᑦ, ᐃᒡᓗᓂᒃ ᐋᖅᑭᐅᒪᔾᔪᑎᓂᒃ ᓴᓇᔭᐅᒃᑲᓐᓂᕆᐊᓕᖕᓄᓪᓗ. ᐊᒻᒪᓗ, ᐱᓕᕆᓲᖑᔪᑦ ᖃᐅᑕᒫᖅᓯᐅᑎᓂᒃ ᐊᒃᑐᐊᔪᓂᒃ ᐱᓕᕆᐊᕆᔭᐅᔪᒃᓴᓄᑦ ᐃᓄᖕᓄᑦ ᖃᑕᙳᑎᒌᓄᓪᓗ.

ᐊᕕᒃᑐᖅᓯᒪᔪᓂ ᑎᑎᕋᕐᕕᖏᑦ

ᓄᓇᓖᑦ ᐱᔨᑦᓯᕋᖅᑕᐅᕙᒃᑐᑦ ᐃᑲᔪᖅᑕᐅᕙᒃᑐᑎᓪᓗ ᐃᓪᓗᓕᕆᔨᕐᔪᐊᒃᑯᑦ ᐊᒡᒍᖅᑐᖅᓯᒪᔪᑦ ᑎᑎᕋᕐᕕᖏᓐᓂᒃ ᐱᖓᓲᓕᖅᑲᖓᔪᓂ. ᐊᒡᒍᖅᓯᒪᔪᑦ ᑎᑎᕋᕐᕖᑦ ᑲᒪᒋᔭᖃᓲᑦ ᓯᕗᓪᓕᐅᔾᔭᐅᔭᕆᐊᓕᓐᓂᒃ ᐱᓕᕆᖃᑎᖃᓲᖑᓪᓗᑎ ᓄᓇᓕᓐᓂ ᐃᓪᓗᓕᕆᔨᒃᑯᓐᓂ ᐃᒻᒥᒃᑰᖓᔪᓂᓪᓗ ᐱᓕᕆᐊᒃᓴᑦ ᑲᔪᓯᑎᑕᐅᑦᑎᐊᕋᓗᐊᕐᒪᖔᑦ ᓈᒻᒪᒋᔭᐅᔪᒃᑯᑦ ᖃᐅᔨᓴᕐᓂᒃᑯᑦ. ᑎᑎᕋᕐᕕᒃ ᐱᔭᒃᓴᖃᕐᒥᔪᖅ ᐃᒡᓗᓕᐅᕐᓂᕐᒧᑦ ᐱᓕᕆᐊᒃᓴᖅ ᑲᔪᓯᑎᑕᐅᑦᓯᐊᕋᓗᐊᕐᒪᖔᑦ ᓄᓇᕗᒻᒥ ᐊᕕᑦᑐᖅᓯᒪᓂᐅᔪᓂ. ᐱᔭᒃᓴᖃᕐᒥᔪᑦ ᖃᐅᑕᒫᖅᓯᐅᑎᓂᒃ ᑐᓴᐅᒪᖃᑎᒌᓂᕐᒥᑦ ᓄᓇᕗᑦ ᒐᕙᒪᒃᑯᖏᓐᓂ ᓯᓚᑖᓂᓗ ᐱᓕᕆᕝᕕᐅᔪᓂ.

ᓄᑖᙳᕆᐊᖅᑎᑦᑎᓂᖅ ᐊᒻᒪ ᐱᐅᓯᒋᐊᖅᑎᑦᑎᓂᖅ ᐃᒡᓗᓂᒃ ᐊᑐᖅᑐᐊᕈᑎᓕᕆᔾᔪᑎᓄᑦ

ᖄᒃᑲᓐᓂᐊᒍᑦ ᑲᔪᓯᑎᑕᐅᒐᔪᖕᓂᖓᓂ ᐊᒻᒪᓗ ᐋᖅᑭᒋᐊᖅᑕᐅᕙᓪᓕᐊᓂᖓᓂ ᐱᓕᕆᐊᖑᕙᒃᑐᓂ ᐃᓄᓕᒫᓄᑦ ᐃᒡᓗᖃᖅᑎᑦᑎᓂᕐᒧᑦ ᐃᒡᓗᓄᑦ ᓄᓇᓕᖕᓂ ᐃᒡᓗᓕᕆᔨᒃᑯᓐᓂ ᑲᑐᔾᔨᖃᑎᒌᖑᔪᓄᑦ ᐱᓕᕆᖃᑎᒋᕙᒃᑕᑦᑎᓐᓄᑦ, ᓄᓇᕗᒻᒥ ᐃᒡᓗᓕᕆᔨᕐᔪᐊᒃᑯᑦ ᐱᓕᕆᖃᑎᖃᐃᓐᓇᖅᐳᑦ ᒫᓐᓇᒨᖓᓕᖅᑎᑦᑎᓂᕆᓂᕐᒥᑦ ᐊᒻᒪᓗ ᐋᖅᑭᒋᐊᖅᓯᓂᕐᓂ ᓄᑖᙳᕆᐊᖅᑎᑦᑎᓂᕐᒧᑦ ᐃᓄᓕᒫᓄᑦ ᐃᒡᓗᖃᖅᑎᑦᑎᓂᕐᒧᑦ ᐃᒡᓗᖁᑎᑦᑎᓐᓂ. ᑕᒪᒃᑯᐊ ᐃᓚᖃᕈᓐᓇᖅᐳᑦ ᐊᖏᒡᓕᒋᐊᕐᓂᐅᔪᓂᑦ, ᐆᒻᒪᖅᑯᑎᓂᑦ ᐊᑐᑦᑎᐊᕐᓂᖅᓴᐅᔪᓐᓇᕐᓂᕐᒧᑦ ᐋᖅᑭᒋᐊᖅᓯᓂᕐᓂ, ᐊᒻᒪᓗ ᐱᒻᒪᕆᐅᔪᓂ ᐋᖅᑭᒋᐊᖅᓯᓂᐅᔪᓂᑦ, ᓇᓗᓇᐃᖅᓯᔪᓐᓇᕐᓂᕐᒧᑦ ᐃᖏᕐᕋᐃᓐᓇᖅᑐᒥ ᐊᑲᐅᑦᑎᐊᕐᓂᖓᓂ ᐊᒻᒪᓗ ᓈᒻᒪᑦᑎᐊᕐᓂᖓᓂ ᐃᓄᓕᒫᓄᑦ ᐃᒡᓗᖃᖅᑎᑦᑎᓂᕐᒧᑦ ᐃᒡᓗᖁᑎᑦᑎᓐᓂ.

ᓄᑖᑦ ᐃᓄᓕᒫᓄᑦ ᐃᒡᓗᖃᖅᑎᑦᑎᓂᕐᒧᑦ ᓴᓇᔭᐅᓂᖏᑦ

ᐊᒻᒪᓗ ᐋᖅᑭᐅᒪᔪᓕᕆᓂᖅ ᐱᓕᕆᐊᖑᓲᑦ ᐃᒡᓗᓂᒃ ᐊᑐᖅᑐᐊᖅᑕᐅᔪᓂᒃ ᓄᓇᓕᖕᓂ ᐃᒡᓗᓕᕆᔨᒃᑯᓐᓂ ᐱᓕᕆᖃᑎᒋᕙᒃᑕᑦᑎᓐᓂ, ᓄᓇᕗᒻᒥ ᐃᒡᓗᓕᕆᔨᕐᔪᐊᒃᑯᑦ ᐱᓕᕆᖃᑕᐅᖏᓐᓇᓲᑦ ᓄᑖᙳᕆᐊᖅᑎᑦᑎᔪᓂᒃ ᐊᒻᒪ ᐃᒡᓗᓂᒃ ᓄᑖᙳᕆᐊᖅᑎᑦᑎᔪᓂᒃ ᐱᐅᓯᒋᐊᖅᑕᐅᖁᓪᓗᒋᑦ ᐃᒡᓗᓂᒃ ᐊᑐᖅᑐᐊᖅᑐᓕᕆᔾᔪᑏᑦ. ᒪᑯᐊᖑᔪᓐᓇᖅᖢᑎᒃ ᐃᒡᓗᐃᑦ ᐊᖏᒡᓕᒋᐊᖅᑕᐅᔪᑦ, ᐆᒻᒪᖅᑯᑎᑐᓗᐊᓇᙱᑦᑐᒧᑦ ᐱᐅᓯᒋᐊᖅᑕᐅᔾᔪᑏᑦ, ᐊᒻᒪ ᐱᕐᔪᐊᖑᓪᓗᑎᒃ ᓄᑖᙳᕆᐊᖅᑕᐅᔪᓄᑦ, ᖃᐅᔨᒪᔭᐅᔪᓐᓇᖁᓪᓗᒍ ᐋᖅᑭᑦᑎᐊᖅᓯᒪᓕᕐᓗᓂ ᐃᖏᕐᕋᐃᓐᓇᖅᑎᓐᓇᓱᒃᑕᕗᑦ ᐊᒻᒪ ᓈᒻᒪᒃᑎᓐᓇᓱᒃᑕᕗᑦ ᐃᒡᓗᓂᒃ ᐊᑐᖅᑐᐊᖅᑕᐅᔪᒃᓴᓂᒃ ᐃᒡᓗᓂᒃ.