Nunavut Housing Corporation

ᐃᓄᑐᖃᕐᓄᑦ ᐊᒻᒪᓗ ᑎᒥᒥᒍᑦ ᐊᔪᕈᑎᓕᖕᓄᑦ ᓱᕋᓗᐊᖅᑕᐃᓕᑎᑦᑎᓂᕐᒧᑦ ᐃᑲᔪᖅᑕᐅᒍᑎᒃᓴᖅ ᐱᓕᕆᐊᒃᓴᖅ

ᓇᐃᓈᖅᓯᒪᔪᑦ

ᐃᓄᑐᖃᐃᑦ (60+) ᐊᒻᒪᓗ ᑎᒥᒥᒍᑦ ᐊᔪᕈᑎᓕᖕᓄᑦ ᓱᕋᓗᐊᖅᑕᐃᓕᑎᑦᑎᓂᕐᒧᑦ ᐃᑲᔪᖅᑕᐅᒍᑎᒃᓴᖅ ᐱᓕᕆᐊᒃᓴᖅ (SPDPMP) ᐃᑲᔪᖅᓱᐃᕗᖅ ᐱᔪᓐᓇᖅᑎᑕᐅᔪᓄᑦ ᐃᒡᓗᒥᑦ ᓇᖕᒥᓂᖃᖅᑎᐅᔪᓄᑦ ᐱᔾᔪᑎᖃᖅᑐᒧᑦ ᐱᓕᕆᓂᕐᒥᑦ ᐱᑎᑦᑎᑦᑕᐃᓕᒪᓂᕐᒧᑦ ᑲᔪᓯᑎᑦᑎᓂᐅᔪᒥᑦ ᐊᒻᒪᓗ ᒥᑭᑦᑑᑎᓄᑦ ᐋᖅᑭᒃᓯᓂᐅᔪᓂ.

ᓄᓇᕗᒻᒥ ᐃᒡᓗᓕᕆᔨᕐᔪᐊᒃᑯᑦ ᑐᓂᓯᓂᐊᖅᐳᑦ ᐃᑲᔫᓯᐊᖓᓂ ᐊᐃᑦᑑᑎᐅᓪᓗᑎᒃ ᐊᑭᓖᓂᕐᒧᑦ ᓱᓇᒃᑯᑖᓂ, ᖃᖓᑦᑕᐅᑎᖓᓂ ᐊᒻᒪᓗ ᓴᓇᔭᐅᓂᖓᓂ, ᐊᖏᓛᖓᓄᑦ ᐊᖏᓂᖓᓂ $3,000-ᒥᑦ ᐊᕐᕌᒍᑕᒫᒥᑦ.

ᓄᓇᕗᒻᒥ ᐃᒡᓗᓕᕆᔨᕐᔪᐊᒃᑯᑦ ᐱᓕᕆᑎᑦᑎᓂᐊᖅᐳᑦ ᐱᑎᑦᑎᑦᑕᐃᓕᒪᓂᕐᒧᑦ ᑲᔪᓯᑎᑦᑎᓂᐅᔪᒥᑦ ᐊᒻᒪᓗ ᒥᑭᑦᑑᑎᓄᑦ ᐋᖅᑭᒃᓯᓂᐅᔪᓂ ᑭᒡᒐᖅᑐᐃᓗᑎᒃ ᐱᔪᓐᓇᖅᑎᑕᐅᔪᓄᑦ ᐃᒡᓗᒥᑦ ᓇᖕᒥᓂᖃᖅᑎᐅᔪᓄᑦ ᐃᒪᐃᑦᑐᓐᓇᕐᓂᐊᕐᓂᕐᒧᑦ:

  • ᓇᓗᓇᐃᖅᓯᓂᕐᒧᑦ ᐱᓕᕆᔾᔪᔾᔭᐅᕙᒃᑐᒧᑦ ᐊᑦᑕᓇᔾᔭᐃᖅᓯᒪᐃᓐᓇᕐᓂᐊᕐᓂᖓᓄᑦ ᐃᒡᓗᖃᕐᓗᓂ
  • ᐅᖓᕙᕆᐊᖅᓯᓂᕐᒧᑦ ᐱᔨᑦᑎᕋᕐᓂᕐᒧᑦ ᐃᓅᓯᖓᓐᓂ ᐃᒡᓘᑉ ᐱᓕᕆᔾᔪᓯᖏᓐᓂ
  • ᒥᒃᖠᒋᐊᖅᑎᑦᑎᓗᓂ ᐅᓄᕐᓂᐅᔪᓂ ᑐᐊᕕᕐᓇᖅᑐᓂ ᐋᖅᑭᒃᓱᖅᑕᐅᔭᕆᐊᓕᖕᓂ ᐱᔭᕆᐊᓕᖏᓐᓂ ᐱᑕᖃᙱᓗᐊᕐᓂᖓᓂ ᐱᑎᑦᑎᑦᑕᐃᓕᒪᓂᕐᒧᑦ ᑲᔪᓯᑎᑦᑎᓂᐅᔪᒥᑦ
  • ᐃᑲᔪᖅᓱᐃᓗᑎᒃ ᐃᓄᑐᖃᕐᓂ ᐊᒻᒪ ᐃᓄᖕᓂᑦ ᑎᒥᒥᒍᑦ ᐊᔪᕈᑎᓕᖕᓂ ᖄᖏᐅᔾᔨᓂᕐᒥᑦ ᐊᒡᕕᐊᕈᑕᐅᔪᓂᑦ ᐃᒡᓗᒥᒃ ᓇᖕᒥᓂᖃᕐᓂᐅᖏᓐᓇᖅᑐᒧᑦ

ᐱᔪᓐᓇᖅᑎᑕᐅᔪᓄᑦ ᐱᓕᕆᔾᔪᔾᔭᐅᕙᒃᑐᓂᑦ

  • ᐊᑕᐅᓯᖅ ᐃᒡᓗᒥᑦ ᓇᖕᒥᓂᖃᖅᑎᐅᔪᒥᑦ ᐊᕐᕌᒍᖃᕆᐊᖃᖅᐳᖅ 60-ᒥᑦ ᐅᖓᑖᓄᓪᓘᓐᓃᑦ, ᐱᕙᒃᑐᒥᓪᓘᓐᓃᑦ ᑎᒥᒥᒍᑦ ᐊᔪᕈᑎᓕᖕᓂ ᐃᑲᔫᓯᐊᒥᑦ.
  • ᑕᒪᓐᓇ ᐱᓕᕆᐊᒃᓴᖅ ᒪᓕᖕᓂᖃᖅᐳᖅ ᑮᓇᐅᔾᔭᒃᓴᓂᕐᒧᑦ ᐱᔪᓐᓇᖅᑎᑕᐅᔪᓄᑦ ᑭᒡᓕᐅᔪᓂᑦ ᐋᖅᑭᒃᑕᐅᓯᒪᓂᖓᓄᑦ ᐃᒡᓗᒥᒃ ᓇᖕᒥᓂᖃᕐᓂᕐᒧᑦ ᐱᓕᕆᐊᒃᓴᒧᑦ ᑮᓇᐅᔾᔭᒃᓴᓂᕐᒥ ᐱᔪᓐᓇᖅᑎᑕᐅᔪᓄᑦ (HPIE) ᓈᓴᐅᑎᓂᑦ.
  • ᑐᒃᓯᕋᖅᑐᖅ(ᑦ) ᐊᑐᖅᑐᐊᕐᓂᕐᒧᑦ ᐅᕝᕙᓘᓐᓃᑦ ᐃᒡᓗᖁᑎᑖᕋᓱᖕᓂᕐᒧᑦ ᐊᑭᓕᒃᓴᓕᖕᓂ ᓇᓕᐊᑐᐃᓐᓇᓂ ᓄᓇᓕᖕᓂ ᐃᒡᓗᓕᕆᔨᒃᑯᓐᓄᑦ ᑲᑐᔾᔨᖃᑎᒌᖑᔪᓄᑦ ᓄᓇᕗᒻᒥ, ᐅᕝᕙᓘᓐᓃᑦ ᓄᓇᕗᒻᒥ ᐃᒡᓗᓕᕆᔨᕐᔪᐊᒃᑯᓐᓄᑦ, ᐅᕝᕙᓘᓐᓃᑦ ᐊᓯᐅᔨᓯᒪᑎᑦᑎᓯᒪᓗᓂ ᓄᓇᕗᒻᒥ ᐃᒡᓗᓕᕆᔨᕐᔪᐊᒃᑯᓐᓄᑦ, ᐱᔪᓐᓇᕋᔭᙱᓚᑦ ᐱᓕᕆᐊᒃᓴᒧᑦ ᑭᓯᐊᓂ ᑖᒃᑯᐊ ᐊᑭᓕᒃᓴᐃᑦ ᐅᕝᕙᓘᓐᓃᑦ ᐊᓯᐅᔨᓂᐅᔪᑦ ᐊᑭᓕᖅᑕᐅᒃᐸᑕ ᑕᒪᒃᑭᕐᓗᒋᑦ. ᑭᓯᐊᓂ, ᓇᓗᓇᐃᖅᓯᒪᔪᓂ ᖃᓄᐃᓐᓂᐅᔪᓄᑦ. ᐃᓱᒪᖅᓲᑕᐅᓗᓂ ᐊᕕᒃᑐᖅᓯᒪᓂᐅᔪᓂ ᑐᑭᒧᐊᖅᑎᑦᑎᔨᒧᑦ, ᑕᒪᓐᓇ ᐱᔭᕆᐊᖃᕐᓂᐅᔪᖅ ᐲᖅᑕᐅᔪᓐᓇᖅᐳᖅ, ᑖᒃᑯᐊ ᑐᒃᓯᕋᖅᑐᑦ ᐊᖏᕈᓂ ᑎᑎᕋᕐᓂᒃᑯᑦ ᐊᑭᓖᓂᐊᕐᓂᖓᓂ ᐊᑭᓕᒃᓴᐅᔪᓂᑦ ᐋᖅᑭᒃᓱᖅᓯᒪᓂᐅᔪᒃᑯᑦ.

ᐱᔪᓐᓇᖅᑎᑕᐅᔪᓄᑦ ᐋᖅᑭᒃᓱᖅᑕᐅᓂᕐᒧᑦ

ᐊᕐᕌᒍᑕᒫᑦ ᐱᑎᑦᑎᑦᑕᐃᓕᒪᓂᕐᒧᑦ ᑕᔪᓯᑎᑦᑎᓂᐅᔪᑦ

  • ᐱᔨᑦᑎᕋᕐᓂᕐᒥᑦ ᐊᓂᐊᑎᑦᑎᕙᓪᓕᐊᔪᓄᑦ ᑭᐊᒃᓴᐅᑎᓂᑦ
  • ᐱᔨᑦᑎᕋᕐᓂᕐᒥᑦ ᐅᖅᓱᐊᓗᖕᒨᖅᑐᖅ ᐆᓇᖅᑐᒥ ᐃᒪᖅᑐᖅ ᑭᐊᒃᓴᐅᑎᓂᑦ
  • ᓴᓗᒻᒪᖅᓴᐃᓂᖅ ᐃᒪᖃᐅᑎᓂᑦ ᖃᑦᑕᓂᑦ, ᐊᒻᒪᓗ ᐱᔨᑦᑎᕋᕐᓂᕐᒥᑦ/ᐋᖅᑭᒋᐊᖅᓯᑦᑎᐊᕐᓂᕐᒥᑦ ᐃᒪᕐᒧᑦ ᐳᓪᓚᒃᓴᐅᑎᓂᑦ
  • ᖃᐅᔨᓴᐃᓂᖅ ᐊᒻᒪᓗ ᐱᔨᑦᑎᕋᕐᓂᖅ ᐆᓇᖅᑐᒥ ᐊᑐᒃᑲᓐᓂᕐᓂᐊᓂᐊᑎᕆᔾᔪᑎᓂᒃ (HRV) ᐱᓕᕆᔾᔪᑎᓂᑦ
  • ᖃᐅᔨᓴᐃᓂᖅ ᐊᒻᒪᓗ ᐆᒃᑐᐃᓂᕐᒥᑦ ᖃᑦᑎᕈᑎᓂᒃ, ᐳᔪᕐᓄᑦ ᖁᖁᐊᕈᑎᑦ CO ᖁᖁᐊᕈᑎᑦ
  • ᐅᐊᔭᓄᑦ ᖃᐅᔨᓴᐃᓂᖅ ᐊᑕᐅᓰᕐᓗᓂ ᐊᒃᕌᒍᓂ ᑕᓪᓕᒪᓂᑦ

ᒥᑭᑦᑑᑎᑦ ᐋᖅᑭᒃᓱᕆᐊᓖᑦ

  • ᐋᖅᑭᒃᓱᐃᓂᖅ ᐃᒐᓛᓄᑦ ᐊᒻᒪᓗ ᐹᒧᑦ ᒪᒃᐱᕈᑎᖏᓐᓂ
  • ᐋᖅᑭᒃᓱᐃᓂᖅ ᐃᒐᓛᕐᓂ ᓱᕋᒃᓯᒪᔪᓂ ᐊᓕᕈᕐᓂ
  • ᐋᖅᑭᒃᓱᐃᓂᖅ ᑯᑐᒃᑐᓂ ᐅᐊᓴᕐᕕᓂᑦ/ᐅᕕᓂᖕᓂᐊᕈᑎᒧᑦ
  • ᐋᖅᑭᒃᓱᐃᓂᖅ ᖃᐅᒻᒪᖅᑯᑎᖃᕐᕕᓄᑦ ᐊᒻᒪᓗ ᐃᑭᑦᑕᖅᑐᖓᓂ
  • ᐃᓕᓯᓂᖅ ᐆᒻᒪᖅᑯᑎᓂᑦ ᐊᑐᓗᐊᙱᓐᓂᖅᓴᐅᓇᖅᑐᓂ ᖃᐅᒻᒪᖅᑯᑎᓂᑦ
  • ᑭᒡᓕᕇᒃᑯᓯᓂᑦ
  • ᐃᓇᖏᖅᓯᓂᑦ ᓱᕕᔾᔭᐃᒃᑯᑎᓂᑦ ᐃᒐᓛᓂᑦ ᐊᒻᒪᓗ ᐹᒥ ᐊᑎᖓᒍᑦ
  • ᐋᖅᑭᒃᓱᐃᓂᖅ ᐃᓚᐃᓐᓇᒍᑐᐃᓐᓇᑦ ᐊᐅᓚᔪᓐᓇᖅᑐᓂ ᐱᖁᑎᓂᑦ, ᓲᕐᓗ ᐃᓇᒋᖅᓯᓂᖅ ᐆᑦᑎᔾᔪᑎᖏᓐᓂ, ᐃᑭᔾᔪᑎᓂᑦ, ᐊᒻᒪᓗ ᐊᐅᓚᔾᔪᑎᓂᑦ
  • ᖃᐅᔨᓴᐃᓂᖅ ᐊᒻᒪᓗ/ᐅᕝᕙᓘᓐᓃᑦ ᐋᖅᑭᒃᓱᐃᓂᖅ ᐱᓕᕆᔾᔪᑎᓄᑦ ᐊᑐᖅᑕᐅᕙᒃᑐᓂ ᐃᓄᖕᒧᑦ ᑎᒥᒥᒍᑦ ᐊᔪᕈᑎᓕᖕᒥᑦ, ᓲᕐᓗ ᐊᔭᐅᕈᑎᓄᑦ ᒪᔪᕐᕖᑦ, ᑎᒍᒻᒥᕕᓖᑦ ᐅᕕᓂᖕᓂᐊᕐᕕᖕᒧᑦ ᖁᕐᕕᖕᒧᓪᓗ. ᐹᒧᑦ ᐃᓯᕈᑎᑦ, ᐱᓕᕆᔾᔪᑎᑦ ᑕᐅᑐᑦᑎᐊᙱᑦᑐᓄᑦ ᑐᓵᑦᑎᐊᙱᑦᑐᓄᓪᓘᓐᓃᑦ