NHC
Atajut Igluqhat Pidjutia
Ihuaqhaffaaqhimajut NHC kut Atajut Igluqhat Pidjutia piliuqtauhimajuq tunihijaami akittuvallaangnaittumik nanminiqarniqhatigun naliangnik ataani tadja niuvvaanikkut akiit pittaaqtunut Nunavunmiut.
Hivulliqpaami, atajut iglukhat niuvgutigijaujut aangmajun tamainnut Nunavunmiunut kihimi kiqliqangittut Nunavut Kavamangani havaktiinun. Una pinahuarut hivulliutigijait Inuinnait Nunavunmi, ikajuqhugit GN kut Inuit Havaatigut Upalun’ngaijaidjutaa Nakataq 23 Nunavut Angirutaani.
Uuktuutit umikvikhaa Apitilirvik 30,2024. NHC-kut pilimaittait nutaat uuktuutikhat tadja.
Tugliit Pijakhat:
• Uuktuqtut tikuaqtauhimajut hivumuurutikharnik atugahainun uigulikhimajut iglunik niuvingnikkut havauhiit.
• Naunaijaijaangat ihuaqtumik pukugianganik hanaqidjutikharnik, nanminiqaqtuq pingahuujuq ilaujunik ihivriuqtukharnik havakvianik ihivriuqtukharnik naunaitkutikharnik nuutiqtauvakhimajut tamangnun uuktuqtukharnik ihuarutikharnik. Pidjutini humi uuktuqtut ilaujut aadjikiiktunik, havagviit atuqtaujut kitunun qaritaujanik havauhiinik iniqtiriangani titiraqhimajut tikuaqtauhimajut uuktuqtut.
• Tamaita uuktuqtut tuhaqtitaujut qanuriniit tikuaqhinikkut havauhiit.
Ilihimalugu, una pijakhanun hivituniqarniarungnaqhijuq ikittuni tatqiqhiutini iniqhijaangat. Uuktuqtun pijaungittungnaqhijun hivullirmi qaitqujauttaaqtun ilaujaami qakugunguqqan ubluani kinguani qaitqujaujun ilaujun hivumuungitpata niuviriami.
Apiqhuutinun, titiqqilugu condo.program@nunavuthousing.ca hivajarluguluuniin 867-975-7233.
| Igluqpaup Najugaa | Igluqpaup Najugaa | Igluqpaup Aktilaanggit | Nappaqtiqtauhimajuq | Akinga |
|---|---|---|---|---|
| 5196 & 5196B Qajisarvik Apqutaa | Malguungniq iglualik | 930 sq. ft. | 2012 | $249,900 |
Nallautiqhimajuq Tatqiqhiut tamaat Atajuq Igluqhait Akinggit talvuna 2024 mi: $1,318
| Avikturnirit Tatqiqhiut Tamaat Nahautit Atajut Igluqhat Akiit | |
|---|---|
| Avvakhautaa Igluqhat Atajut Aulapkainirmut Akiligakhat | $1,200 |
| Ikayuutit Akitujunun Tutquumajut Manikhat | $118 |
| Itqurnarutaujuq Tatqirhiutimut Akiliktuihimaaqpaktunut Akiliqtaujukhaq | $1,407 |
| Atauttimut Atajut Igluqhat Akinggit Iglumunlu Akiliutiit | $2725 |
Pittaaqtunut Piqaqtuqhaujut
Pittaarnikkut pidjutianut, uuktuqtut imaittuqhat:
• Ukiuqaqtuqhat 19 nik an’ngajuqhitqialuniluunniit.
• Nunaqaqtuqhaq Nunavunmi ubluq tamaat ikiniatigut atauhirmi ukiumi uuktuqtinnani.
• Tukhiraqtut uvaluniit aipariyai uvaluniit inuuqatigiyai nanminiqariaqangittut iglugiyanik talvuna tukhiraqniani.
• Pittaaqluni hivuani-an’ngiqtaujumik akiliraqhamun iglumut imaaluunniit tunihiluni naunaijautkutiqhami piqanggittuutigut maniliqidjutinik pijariaqanggilluni.
• Atugaqanggittuq tammainnituqanggittuqluunniit NHC kunnit*.
*Uuktuqtut atugaqaqtut tangmaijutluunniit pittaaginnariaqaqtut haffuma pidjutianut akiliqtuigumik tuulliiqhimajunut akiqhat. Uqaqvigilugu Nunaffingni Igluqliqiijitkut uqautigijaami akiliqtuiniqhatigun ihuarhaidjutiqhamik.
Uuktuqtut havaaqalluaqtuqhalimaiqtut Nunavut Kavamani. Hivulliutijauniaqtun Inuinnarnun atiliuqhimajut ataani Nunavunmi Angirutimi, maliktauluni hivituniqaqtumiraaluq nunaqaqpaktut Iqalungni, hivulliqpaangguplunilu niuviriami igluqhamik.
Hivulliutigijakhanut Malikhautiqhaq Piumakpata pidjutigijaujumut avatquttugu qaffiuniit hailihimajut igluqhat, uuktuqtut pihimaliqtut ilikkuuqtauniaqtut talvunggaqlugit hivulliuniqhatigun ikajuriami ihumaliuqhamik humi igluniktitauniqhatigut:
- Nunavunmi Inuit GN kunni Havakti
- Nunavut Inuit
- Inuinnaunggituq GN kunni Havakti
- Inuinnaungittuq Nunavunmiut
Pidjutihimmaaqluni Pittaangnikkut Pidjutilluni Nanminiqarnikkut Nakuujumik pijaami hivuniraalurmun nanminiqarniqhatigut, NHC kut pitqujait nanminiqaqtut pidjutihimmaaqlutik pittaangnikkut igluqhainnut talvuuna pinahuarutikkut.
• Nanminiqaqtut atuqtaqhaat igluata atuinnaqhimmaaqlugu iglugilluagilugu 60 ni tatqiqhiutini talvanga umingniatigut ubluata.
• 60 ni tatqiqhiutit nunaqarnikkut piqarnirit nutqakaffuktitaujaaqtuq an’ngirutautiatigut aihimangillakaffukluni (imaakaffuk., ilihariaqtuqtuq, aanniarviliaqtuq, havaakaffuktitauhimajuq himmauhiupluni) utiffaangniaqtuqlu.
• Nanminiqaqtut igluata atuqtaujuqhaun’ngittuq maniliurniqhatigut, taapkuatut atuqtaukaffuktitauluni aadlanut atuqtaulunillut maniliurnirmik.
• Nanminiqaqtuq niuvgutigumiuq iglunga 60 ni tatqiqhiutit naatinnatik nunaqarnia iniqhimajuq, utirutimingnut tunihiuqhat NHC kunnut ilakua niuvrutaunirmin akia nutaaqlu niuviktaudjutaa akia, naunaiqhitilugu ilakua tatqiqhiutinut iglup iglugijaulluaqtaanut.
Aadlanik apikkuutiqaguvit, qaritaujakkuuqvigilugit condo.program@nunavuthousing.ca hivajaqlugitluunniit 867-975-7233.
