havagutit
Inungnut Iglugiyauyut
NUTAAQ: Aturiaqaqtuq Iglumik Atuqniganik Ahivaijut Kavamat Nunavumi Havaktuni agilraqaqtut Inuit Iglukhaini
Atuliqniaqtuq November 22, 2024-mi, tamaita Kavamat Nunavumi (GN) havaktut agilraqaqtut inuit iglugiyaini aturiaqaliqniaqtut iglup atuqniganik ahivaimutimik, iglumik akiligakhaq ahivagauniaqtuq manikhaanit. Una havauhiq nalaumayuq taja atuqtumi GN-kuni havaktunik agilraqaqtut havaktut iglugiyaini.
Mihiknaitumik iglup atuqnigani ahivaijut ihumaluknaitqiyaq havauhikhaq iglup atuniganik akiligakhat akiliqnariqpagiagani ikayuqturiaganilu Nunami Igluliqiyit Timiuyut munariyaagani ikayuqturiaganilu inuit iglugiyainik havaariyauyut tamaini nunagiyauyuni.
Hivuniqhivaalirumagumik, iglunik atuqtut apiriyauyut uqaqvigiyaagani Nunagiyamikni Igluliqiyit Timiuyuq.
NHC-kut pivikhaqaqtut igluliqiyitkunut Pinahuarutiitni tamainun 25 nunalaanut havaqatigiblugit nunaptingni ilagiyavut. Kiinauyalikiit piqaqniit uvalu ayuitiaqtut ikayuqtut ihagiahuutinik tuniyaanginik ihumagiinaqhugitlu igluliqiyiit hulidjutiitnik (LHO).
Inungnut Iglukhanik Pittaarninga
Iglumik pitinatit pittaarutikhanginik, inuk ilagiitluniin imaa itukhaq mikhaagun ukiuqarnianik, nunaqaqnianun, akiliuhianginutlu, utuqait aturait atturaikhimayukhaq igluminut, allanlu pidjutaulayunutt.
Ihuaqtumik igluniktigiyunik iglunik adjikiiklutik atuqtakhainik tamainun Nunavunmiunun, Nunalaani Igluliqiyitkut Katimayiit havakviit atuqtut angikliyuumiyaaqtumik naunaitkutinik naunagiangani ihagiahuutaa.
Inuk ilagiitluniin piyumagumik iglumik uqaqvigiyakhait nunamingni Igluliqiyitkut Katimayiit havakviit naunaigiangani igluniktaangniagiakhaita, titiraqlugin aulaqtigutihat.
Nunavut ilihimaliqtut iglut ikikliut, tamaitavyak navummiun amigaitunik titirqani iglukhamingnik nutaqiuktun iglukhamingnik.
Qanuq inungnut iglugiyai havagiakhai Nunavutmi
Inungnut Iglukhainik Atyqtakhat auladjutaa ituk akiliuhiangit uuktuqhimayut akiligaqhain auladjutaa ilihimayuq akikhait naunairutit iglumiitunun naunaiyatiaqlugit akiliuhiangit immalu akiliqtaagiakhaini akiliqtakhait.Havaakhaqarnikut uuqtuut maliglugu titiraqhimayuq, pittaarniangnik iglukhaminik ituk naunaiyatiaqlugit akiliuhiangit naunaigiangani nunamini atuqtauvaktunun akiliuhiamingnik.. Manikhaktainut ihuakhakhimayuq atuqtakhaliukhimayuqlu, igluqaqtitaullayut Inuit Iglukhanginnut ihuakhaktauvaktuq manikhaktautainnit nunallaani (Core Need Income Threshold) (CNIT).
Tamaita Igluliqiyiit Nunavunmi atuqtut akikhainut piliuqhimayut, akiliqtuqtait tugaaqhimayun akiliuhiamingnun aulayumik piliuqhimayumik iliugaqhimayuq ihuangningmut iglut akikhait pihimalugit ihuaqtumik akiliinagiaqaqtumiklu.
2014mi NHC-kut atuqtauvaktuq alanguqtitugu ukunga Igluliqiyitkut Iglumut Akikhanik naunaitkut pihimayuq mikhilaaqlugu piyumayungnairutit havaamingnut, ikayuqlugit hivunikhait ilingayut ikikliyumiiyangiangini, ihuaqhilugitlu kititiqtuutait akikhait ihuangningmun akiliqhiunun.
Iglut akikhait ihivgiugiiqhimayut katitigiiqhimayumik akiliuhianginik ($) atauhikmun inukmun malgungnunluuniin Igluqaqluaqtumut iglumi,uvalu katitigiihimayut umunga ukiuqmi.
Akiliqtakhait atungnikut akikhait ukunaniitut akihait ituniitut: Iglut akikhainnut ihivriuqtauvaktut naunaiyautigiplugit hapkuat akiliuhianginut aktilanginik:
Allat akhungnaqtun ilanginik mikhaagun akilitakhanik akiliuhiangitlu naunaiyaqhimayun:
- Tatqiqhiunmi akiligakhaq $60.00 akiliuhianga iglumiitum mikitqiyaukpat $33,280. atauhirmi ukiumi. Mikinikhak Iglum Akikhaanut
- Akituryumidjutaa akiliuhianga angikliyuumirniaqtuq 25% uuma nuttaaq naunaiyaut ukiuq akiligakhaa naunaiyaqtaudjutanit atautimut tikitpan.
- Igluqaqitauyut iglugit ukiuqaqtut 60nik avatkumayumikluuniin (iningnirit) naunaiyaihimayun ilainaani atauhip akiuliuhinganik angitqiyanik nunamini Naunaittuq Maniliukhimaaqnikkut Atuqtauvaktunun Akiliuhiamingnik (CNIT).
- Iglumiitut ilihaqtun akiliqhilimaitun akiligakhamik.
- Akikhilaagutait pitaaqtun hapkua maliklugit:
- Nunalaami naunaitkutaa Upluk Tamaat Atuqtanut Ikayuutit (CLOA)
- Ataani iglumiidjutaa iglumi
- Iglum naunaiyautaanik iglum qanurinnianik ilinganianikluuniit
- Iglu naunaitkutaa idjutaa akikhilaarutaa (utuqaq mikyiyuqlu iglu)
- Akighainnut naunairikhimayunit talvuna Apitilirviami 1st atuqhugu kingugun ukiumi maniliuktut.
- Nunalingni Igluliqiyitkut (LHO) arkihilahuguyaan igluup agkiga tatyainak taimali hivitunikyuamilu tammaini maniit tammaini maniit
- Anginikhaq iglum akikhaa Inuit Igluin , naunaikhimagaluaqtilugin akiliuhiangit Akikhaa Anginiqhaq.
Iglum Akikhanut Akiligaqhait tamainun Nunavunmiunun nunalaani titiraqhimayun hama
Igluangittuq:
$814/tatqiqhiunmi
Atauhirmik igluaqqaqtuq:
$1,140/tatqiqhiunmi
Malruuk igluak:
$1,466/tatqiqhiunmi
Pingahut igluat:
$1,792/tatqiqhiunmi
Hitamat igluat:
$2,118/tatqiqhiunmi
Tallimat igluat:
$2,443/tatqiqhiunmi
Inungnut iglugiyauyut atuqtitni havaktit katutyiqatigitlu
Nunalikni Igluligiyit Timigiyai
Kuapaliisit ilagiiktut nunalaat adjikiikhutik LHO-kunun. Amigaitut LHO-kut katimayiliuqtauhimayut taimatut Katimayiit (Societies) nunaqatigiiktunit niruaqtauhimayut Katimayiuyut Katimayiit; kihimik, ikittut Katimayiuyut katiayiuyut tikkuaqtauhimayut Ministamit. Uvagut nunalaaptingni ilagiit aulapkailuaqtut Igluliqiyitkunik auladjutainik, igluniktittivaktut, akiliqhinirmun, igluniktittinirmut, iglum akikhainik naunaiyaiplutiklu katikhiplutiklu atturainik akiliqtauyukhanik, iglunik munaqhiplutiklu ihuaqhaiplutiklu ahirurangata tamayainik iglut. Taimatullu, havakpaktait ubluq tamaat havaktakhatik turrangayunik atuqtakhanut inungmut ilagiiktunullu.
Nunalaani Havagviit
Havauhiit ikayuutikhanik nunalaanun munariyauvaktut Kuapaliisitkut Nunalaani Havagviini NHC-kut Pingahut Aviktuqhimaniini Havagvingnit. Nunalaani Havaviit ihuaqhaqhimayut nunalaani hivuliuqtuhat havaakhatlu hapkunguna LHO avaliitunun iglumiuyun aulatiaqlugit auladjutait aulatiakublugit maligait atukhugit munagihimaaqhugit naunaiyautait. Nunalaani Havakviit havaluaqtukhat iniqtilugitlu havauhiit naunaiyautaitlu iniqtiqlugitlu nunamingni. Inmingni tiliuqlugitlu ubluq taman uqaqatigiiknik GN-kunun hilataanilu havakviit.
Nutaanguvyaktuinik Ihuaqhainiklu Hapkununga Igluliqiyitkut Igluutainik Igluqparnik
Ilagiplugit tahapkuat ihuaqhautauvaknit pittiaqhimanilu havaktauni Inungnut Iglugiyauyut iglut tahapkunanga LHO-kut katutyiqatiptingnit, NHC-kut piqatiginaqtai nutanguqtigininut ihuaqhatqikhaqnilu tahapkuat inungnut iglugiyauyut piqaqnit. Tahapkuat ilaqalat aglivalliqnit, ikumatyutinut piyuminaqhaqnit nutanguqtigaunit, angiyumiklu nutanguqtaunit, pinahuaqhugit atuqpiaqtitni hunniumaitnit piyuminaqhaqnilu inungnut iglugiyauyut igluqutivut.
Nutat Inungnut Iglugiyauyut Hanayauni
Ukiuk tamaan NHC-kut, ilagiblugit nunalaani tunihiyut kantratigut, hanavaktut nutaanik iglunik tamainun Nunavunmi. Hapkuat tuniyauyun tugaahimayunun ihagiahukluaqtunun nunalaanun. Inungnut iglukhanik hanadjuhiat anginiqaqtuq maniliurutikhanik hanivaivit nunalingni napadjutikhainik avikturniani Nunavunmi. Ihuakhiyuumiutikhanik aanniaraitumik inuuhiringnaqtumiklu inuuhikhanik nunaptingni hanadjutauplunillu nunalingni napadjutikhainik maniliurutikhaniklu angiglivalliadjutikhanik akikhigagutauvalangitut angikliyumiqluni piliurninnganik. Hamalu, iglunik hanayut pipkaiyut nakuuyumik ayuihainikmun imalu havakhanik.
NUTAAQ: Aturiaqaqtuq Iglumik Atuqniganik Ahivaijut Kavamat Nunavumi Havaktuni agilraqaqtut Inuit Iglukhaini
Atuliqniaqtuq November 22, 2024-mi, tamaita Kavamat Nunavumi (GN) havaktut agilraqaqtut inuit iglugiyaini aturiaqaliqniaqtut iglup atuqniganik ahivaimutimik, iglumik akiligakhaq ahivagauniaqtuq manikhaanit. Una havauhiq nalaumayuq taja atuqtumi GN-kuni havaktunik agilraqaqtut havaktut iglugiyaini.
Mihiknaitumik iglup atuqnigani ahivaijut ihumaluknaitqiyaq havauhikhaq iglup atuniganik akiligakhat akiliqnariqpagiagani ikayuqturiaganilu Nunami Igluliqiyit Timiuyut munariyaagani ikayuqturiaganilu inuit iglugiyainik havaariyauyut tamaini nunagiyauyuni.
Hivuniqhivaalirumagumik, iglunik atuqtut apiriyauyut uqaqvigiyaagani Nunagiyamikni Igluliqiyit Timiuyuq.
