Iqaluit, Nunavut (August 24, 2022) – Uvani Niqiliqivik 18, 2022, ukua Nunavunmi Igluliqijijuatkut (NHC) ukualu NCC Development Limited (NCCD) Angiqatigiiktut Hivunighaliunirmun (AIP) havaliriamingnik havaqatigiingnikkut ilaujut tunihinirmun ihariagijaujut iglughat, inungnun, akiliruminaqtut niuvaalugillu iglut avatiini qviktuqhimajup. Tamangnik timiujuk ilitarijaik aghuunautait pivallianirmun hakugiktumik havaqatigiigutit qitqani Kavamatkut Nunavunmi ukualu Inuit imingnit imaatun NCCD ihuaqhijuumiriangini katitirnirmun hakugingnirit tunihinirmun amigaitunik iglughanik Nunavunmiunun.

NHCkut ukualu NCCDkulu piqaqtut amigaitunik haaqatigiingnirmun aghuurutitik ikajugriangani pivalliadjutighait tughiqtaujut hanaqidjutinun havaqatigiigutighat pijaangini kitunun tikinahuarutinun Nunauvnmun, ilaujut: • Pivallialugit Inuit havangnirmun amigaitilaangit tunihilutiklu Inuinnarnun pijaghanik havaaghanik havaaghaniklu napaqtirirnirmun. • Tunihilutik anginirharmik iglutigut ihuaqhaidjutighanik Nunavunmiunun tapkua pidjutiqaqtut angirnirharmun niuvaajunun igluqaqtununlu nakuunirmun. • Aulapkaliqlugit inuuhiringnaqtut maniliurutit inungnunlu utiqtaqtut, ukualu, ikajuqhugit nunamingni Nunavunmiut nunallaat.

Una angirut pidjutiqaqtuq haffumingae IQ aghuurutainun PiliriQatigiinniq – Havaqatitiingnikkut atauhirmut pinahuarutikhanun unalu Qanuqtuurniq – nutaanguqhimalugit ikajuqhutiklu. Una nutaanun upautidjut katulaaktunun iglunik napaqtirinirmun ihuaqhijuumirutijuq hakugikhijuumiqhugulu havaqatigiigutit ikajuutighat uqautigijaangani igluhailiurutikkut ajuqhautit Nunvunmi.

Uqagijaujut:

“Taimaangugaluaq akituqjuumiqtut akiit mnapaqtirinirmun upalungaijautit, pivallianirit aulahimaaqtumik aghuurutiptingnun uqautigijaangani iglutigut ajuqhautit tamaita iglutigut aulahimaarutait.” uqaqtuq Nan'ngarijaujuq. Lorne Kusugak, Minista Munaqhijuq Nunavunmi Igluliqijurjuatkunik. “Una angirut hivunighaliunirmun tautungnaqtut katitiqlugit piumajavut havaklugit amigaitut akiliruminaqtut iglutigut pijaghat avatiini Nunavunmi tamaita nunallaat nutaatigut upautidjutit idjuhighainik,, niuvaanirmun napaqtirinirmunlu.”

“NCCD tungahuktitait pijaghat havaqatigiingnirmun aghuurutit qitqani Kavamatkut Nunavunmiukualu Inuit Timingits” uqaqtuq Mr. Harry Flaherty, Ighivautaqaqtuq hapkunani NCCD. “Angirut hivunighaliunirmun tutqighaidjutaa NCCDkut pitqujaujut tunihinirmun pivalliadjutinun pijaghanik ihuaqhaidjutighallu ihuaqhilugit havagnirmun havaaghanik aktilaangitigullu havaklugit avatiini pingahut Nunavunmi Aviktungniit.“

Qilamik Kangiqhidjutit:

• Nunavunmi iglunik niuvaadjutit aghut ajuqhautiqaliqtut, anginirhakkut piumanirmik tamajaghailiunirmunlu. Inugiakpalaaqhutik iglullu ilingajut inuqaqtut iglut nakuuluangitut inuuhiinun qanuriniinun. • Ihumagijaujut qitqani 3500 unalu 4000 nutaat iglut ihariagijaujut ipidjutigijaangini iglughailiunirmun ajuqhautit avatiini aviktuqhimajup. • Ikajuutighaq Angirut Hivuliurutighanun, ukua NHC ukualu NCCDkut havaqatigiingniaqtut havagiangini Inuinnarnik havaktitinirmun amigaitilaangit imaa tunihilutik Inuinnat pijaghainik havaanik havaaghaniklu napaqtitirnirmun havavingni. Una ilauniaqtuq atulirnira ilihaidjutit pivallianiamrunlu pinahuarutit. • NCCDkut tamaanun nanminirilugu ilangini hapkua NCCkut Maningnik Atuqtitijunit, imaa Inuit Havagvia naunaijaqhimajut uvani Nunavut Angirutaani tamna 100% Inuit nanminirijaa hapkunanga Nunasi Kuapaliisit, Sakku Maniliunirmun Kuapaliisit, Kitikmeot Corporation ukualu Qikiqtaaluk Kuapaliisit. • Hitamat kuapaliisit titiraqhimajut qulaani imaitut 100% nanminirijaat ukua Kitikmeot Inuit Katimajiit, Kivalliq Inuit Katimajiit ukualu Qikiqtani Inuit katimajiit – timiit ukualu nunataarutikkut angirutit timiujut kivgaqtuqhugit Inuit Nunavunmi ataani haffuma Nunavut Angirutaani.