Nunavut Igluliqiyiit Kuapatkut (NHC) quviahukhutik uqarumayut nutaanguktittihimayunik aimaviit iglut aulapkarumayamingnik ikayurumaplugit tahapkua Igluliuqatigiingniq, tahamna Nunavut 3000 tahaffuma “attauttimut igluliuqtugut.”

Nunavut Akituqyuangittunik Iglutigut Piyumayut Piyumayauyukhanik (NAHSI), NHCiip nutaaq takuyalik aulapkaiyut taapkuat igluliuqpaktut tahapkualu napaqtiriyut amigaiqyuumiquyait igluliurutikhat tahapkunuuna akituqyuangittunut iglukhanut, ikayuutauniangmat tahapkunanga Katujjiluta piyumayainnut naupkarumaplugu Nunavut igluliqiyiit auladjutikhaa. Akituqyuangitut iglut talvunga mikhaagut piyuq iglut pittaaqtut tatqiqhiut tatamaat akiliqtuqlugu taimaaluunniin niuviqlugu taimaatut mikitkiyaanik 20%mik ataagut ittuq tuniyaudjutikhaani taimaatut akituqyuangittuq inungmun ilagiinnunluunniin.

Piyumayauyukhanik hivumuuyut akituqyuangittunik aimavingnik taqiqhiutillaani akiligakhanik taimaaluunniin tuniyakhanik, NAHSI pivapkaivaktut atugakhainnik imaatun qulini ukiuni takunnaingniaqtuq atuqtitaat $150,000 tahapkunuuna atauhillaat aimaviit, tahapkualu aippaittut ilagiit aimaviit aimaviitlu amihut attauttimiittut, akituyullu qaliriit iglumi, kuapatkuttigullu, tahapkualu igluinnaillu. Uukturumayut tahapkua Inuinni aulapkaiyut, inmiguuktullu igluliuqpaktut, inillaaniklu aulapkaiyut tahapkualu kiinauyaliungittut aulapkaiyut takuyumayut nauvalliaqublugit akituqyuangitunik igluliurumayut Nunavutmi. Tahamna NAHSI aulapkaiyut NHCiip nutaangukhimayut aimaviit tahapkunani naminiriyumayamingni ikayuutti aulapkainiq haffuminga piqaqtut tahamna piffaaqhugu Nunavut Naminiriliqlugu Ikayuutti Aulapkainiq (HAP 2.0) ikayurumaplugit Nunavutmiut inmikkut igluliuriamingni. Tahapkualu nanminniriyariqaqtut piyumapkaklugit iglutik ihuahiyumagumikku taimaatut amigaikyuumiyuumaaqtut akittuqlugu kiinauyat aturumayunut. Amigaikyuumilugitlu ikayungnikkut pittaangniaqtuq ataani taaffuma Nunavut Akiliriiqlugu Ikayuutikhamun Aulapkaiyuni (NDAP).

“Amigaikyuuminahuaqlutigu qanuqtulliqaa iglut mikhaanut piyakhainnik Nunavutmiunut,” uqaqtuq Minihitaq pipkaiyuq taaffumuunna Nunavut Igluliqiyiit Kuapatkut, Lorne Kusugak. “Tahamna NAHSI aulapkaiyut aullaqtitaat nutaaq atugakhaq piinnarialaqilugu akituqyuangittukkut igluni piinnalimaitkaluangman. NAHSI pipkakpagait igluliuqtullu napaqtiriyullu kiinauyakkut kayumikhipkarumaplugu piqaqublugu akituvallangittunik igluniklu naminiqarumayullu aimavikhamingnik. Nutaangukhimayut iglut nanminiqarumayunit aulapkaiyunut piyumayut tuhaayugut Nunavutmiunit. Tahamna upauyaqqut pipkarumaplugit aulapkaiyukkut illitturipkaklugit Nunavutmiut taimaalu angikliyuumilugu kinauyakkut ikayuutautikhaa. Hamna ikayuutauniaqtuq Nunavunmiunut pittaaliqlugu nanminiriyumayamingnik aullavaliaqlunilu Nunavutmi pimayainun igluliungnikkut atugakhait. Attauttimut hapkuat aulladjutikhavut ikayuutauniaqtut Nunavut piyumayainnut upauyaqqut 3,000nik nutaanik igluqarumayut nungutpat 2030.”

NHC pivaliqtuq tadja maqpiraanik titiraqhimayunik taffumuuna NAHSI kihimi tahapkua maqpiraat nutaanut nanminiriyakhamingnik ikayuut aulapkaiyut angmangniaqtuq hivuniptingni tatqiqhiutini. Qanuq piyakhait takunnangniaqtut talvani NHCiip qarittauyaani, ihuahaqhimayuq ayungnaittumik aturiami ilihimayakhalu, kitulluatlu atugakhat maqpiraat Nunavunmiut atugakhait piyumagumik aulayukhanut hapkunuunna.

Ilitturiyumaguvit qanuq tamaat aimavikkut taaffumani NHC iglutigut aulapkaiyunut pulaaqlugu https://www.nunavuthousing.ca/?&lang=iq