Iqaluit, Nunavut (Hikutirvia 7, 2024) - Nunallaami havagviit qakugunnuaq piinnarialaqijun akitujunun manikhanik ikajuutikhamun nappaqtirinikkut ukuninga nuutirvikhanun iglukhanun, qimaaviit, iglukhainun Inirniqhaat aallaniklu ikajuutikhanun iglukhanik taaffumuuna nutaamun angiqtauhimajamun Ikajuutikhanun Iglukhanun Akitujunun Pinahuarut ukunani Nunavunmi Igluliqijirjirjuat (NHC).

“Havaktugut uqariirutimun tunihijaami amihunik iglukhanik pijakhanun tahapkununga ihariahuktunun aallangaajunik ikajuutikhanun inuujaami inmikkut pilutik,” uqaqtuq Nan’ngarijaujuq Lorne Kusugak, Minista munariqaqtuq ukununga Nunavunmi Igluliqijiirjuatkut (NHC). “Nutaaq ikajuutiqaqtuq iglukhanun najugaqarniaqtun ukunanga Inirniqhaat, arnat, nutaqqan, inuit ajuqhautiqaqtunun, tahapkununga aihimavikhaittunun aallallu ikiniqaqtunun nunallaanun.”

Ikajuutikhanun Iglukhanun Akitujunun Pinahuarut tunihiniaqtun pittaaqtanun havaakhanun kikliqarluni taimaa $150,000 atauhirmun iglukhamun haffumuuna piiqtaunginnariaqaqtumun atukkamik mikitqijamun qulini ukiuni hivituniani. Pittaaqtun havaakhat piinnarialgit:

• $100,000 atauhirmun Igluamun Najugakhamun (SRO) iglukhaq iklikhamulluuniin; unalu/unaluuniin
• $150,000 atauhirmun inmikkut pihimajumun iglumun.

Nunallaani havagviit piinnarialgillu manikhatigun ikajuutikhamik upalungaijariami inmik ikajuutiqaqtumun iglukhanun havaakhanun upalungaijautit uvuuna Nunalingni Piruqpaalirut Manikhaq (NP Growth Fund) hailijuq ukunuuna Community Housing Transformation Centre (CHTC).

“Nutaaq Ikajuutikhanun Iglukhanun Akitujunun Pinahuarut ihuaqutiqaqpiaqtuq paanariirutiptingnun ukununga Community Housing Transformation Centre,” uqaqtuq NHC Angijuqqaap Tuglia Auladjutikhanun, Jimmy Main. “Nunallaani havagviit uuktuinnarialgit ukununga NP Growth Fund ukunani CHTC tipalungaijarlutik inmik ikajuutiqaqtumun iglukhanun havaakhamun upalungaijautit manikhanun uuktuutikhanun NHC-kunun aallanullu kavamatkunnin havagvingnin iglukhanun manikhanik tunihivaktunun.”

NHC-kut pigijaanni GN-kunni paanariiktun uumunga Ikajuutikhanun Iglukhanun Havaqatigiiktun Katimajiit, ilaujun GN-kunni havagviit ukunani Inulirijitkut, Munaqhiliqijitkut Maligaliqijitkullu, qiniqhiajun nutaanik pidjutikhanun piliuriami qanurinnikhainun ihuaqtunun ikajuutiqaqtunun iglukhanun piliuqtaujaanginni, aulalirlutik munarijaulutiklu. Pijumajun nunallaani havagviit ilautqujaujun uqarvigilugu NHC-kunnun ihumagijamingnun talvunga SHCapital@nunavuthousing.ca

Nutaaq pinahuarut ilagijaa uuma Igluliuqatigiingniq unaluuniin Nunavut 3000, hanaqidjutikhaq tukhiqtunun Nunavunmiutanun havaqatigiiklutik ilaliutilugit 3000 nutaat iglukhat nunamun kiklianun 2030. Kangiqhidjutikhaqaqtuq talvani NHC website.