Pangnirtung Igluliqijikkut Katimajiita (PHA) Nunavunmilu Igluliqijirjuatkut (NHC) havaqatigiiktut kiujut ihuinaarutainnik talvuuna PHA havakti nuipkaqtauhimajunik inungnun tuhaumapkaitjutinin havangnaitillugu.

Tamainni-uqaqatigiiknikkut uqautaujutlu inungnun tuhaumapkaitjutinin pidjutigijaat uuma uqaurijaujumik, naunaijaqhugu PHA kut havaagutainnik havaktipkaijiupluni NHC kutlu ikajuqpaktain ihuarhainikkut uuminnga ihumagijaujumut.

● Nunallaani Igluliqijitkut Timiqutait (LHO kut) imaatut PHA tutigut inmikkut maligatigut havagviujut munarijaqaqhutik havaktipkainirmun munarinirmiklu havaktinggit.

● NHC kut tunihivaktut aulapkaidjutikhanik ikajuutinik Nunallaami Igluliqiijitkunnut (LHO kut) ihariagijauqpata ikajuutigiplugit tikiutijaami inmi pijaqhaitigut. Ilauttaaqtuqlu una ikajuut havaktuliriijitkunnut.

● NHC kut PHA Katimajiujut Aulapkaijiujut havaqatigiiktut tikiutijaami tuulliqqihimajut ihuaqtumik ihuarhaidjutiqhamik haffuma ihumagijaujumut.

Uqamagijaujut ihumaalungnaktut tamainnilu PHA NHC kutlu pijaraqhaunggittaaat ihuittumik pidjutijuq.

Tunihimaaqtukhaq pitquhiliqinikkut mihingnautiqaqtunik qajarnaittuqhatlu havagviit tamainnut igluliqiijitkunni havaktiit taamnaulluaqlu hivulliudjutiqhaq NHC kunni PHA kunnilu. NHC kut ikajuutihimmaangniaqtait PHA kut Aulapkaijit Katimajiimi una ihumgaijaujuq ihuarhaqtaukpat kihiani.

Una aulahimaaqtuq havaktuliriijitkut ihumagijaujaqhaat. Aadlanik naunaijautiqhanik tunijaulimaittut PHA kunnit NHC kunniluunniit hadja.