Iqaluit, Nunavut (Imaruqtirvia 6, 2023) – Nunavunmi Igluliqiyiiryuatkut (NHC) tuhaqtitiyut niuvirnikkut angirutit ukualu Sakku Innovative Building Solutions (SIBS) haffumunga 22nik atajunik iglunik ikajuutikhat ihuaqtumik igluqpinikkut uvalu Inuit ilaujaangini nunamingni niuvaanikkut auladjutaini. NCC Development Limited (NCCD) iniqtirniaqtaa iliurarninnga atajunik iglunik tikitpata nunallaamun.

Naamavjaktuq malruk-pingahuni iglughat tujuqtauniaqtut hapkununga Arviat, Kangiqliniq, Qamanittuaq, Ikpiarjuk, Uqhuqtuuq, Taloyoak Ikaluktuutiaqlu. Atuqtauniaqtun atukaffuktukharnik hiniktaqvikharnik talvani NCCDmi napaqtiriliqijunik havaktiit taima iglukpakharnik 132nik nuutaanik nunalaani iglukharnik ukuninga 7nik (7) nunalaani.

Imaalu, iingujut (8) iglut niuviqtauniaqtut haffuminga Sanirajarmun, Kinngait, Sanikiluaqmi Pangnirtuumilu, humi Inulirijitkut (DFS) atungniaqtait iglut ikajuutighat uqautigijaangani ihariagijaujut imaatun nuutirnikkut iglughat uvaluuniin iglughait hapkununga DFSnun ihariagijaujunun havaktinun. NHC-kut havaqatiginiaqtait DFS-kut havagiangani upalungaijautit hapkuninga iglukhanik tikitinagit nunamingnut.

Iglughait pihimaniaqtait NHCkut ihariagijaujungnaiqata atukaffungnikkut napaqtirijut havaktit hiniktarvighaat. NHC-kut ihuaqhainiaqtut iglughanik atugahanik akilirminaqtut akiligahat igluqpat, (qimaaviiluuniin)) uvalu/uvaluuniin DFSkunun turaangajut iglut.

"Taimaangugaluaq NHC-kut ilauhimmaarniaqtun niuvvaanikkut talvuuna atuqtaujukkut idjuhiit-havaktauhimajut uvalu idjuhiit-niuvirahuarnikkut havaktauhimajut iglughat, quviahuktugut pijaghanun niuvirnirmun 22nik akiliruminaqtunik, napaqtiriiqhimajut iglut hapkunanga SIBSkunin, Inuit - nanminirijaat nanminiq, agjaqtaujughat aujami 2023mi," uqaqtuq Juanie Pudluk, Ilauyuq Angiyuqqaaq, Nunavunmi Igluliqijiiqjuatkunun. "Amigaiqjuumirutit iglughat Nunavunmi nunallaanginun qilamik hivuliujughaq hapkununga NHCkunun. Hapkua iglut pidjutigijait tamaita naunaitkutakkut pijaghat, ilaujut ikualaarnirmun ikualaaluangitut, uquuquhiqhimajut Nunavunmi hilaagut."

"Quviahuktugut tapkua SIBSkut havangniaqtait havaaghat havaktiluta mighaanun aghuungnaqtut tikinahuarutit Nunavunmi 3000," uqaqtuq David Kakuktinniq, Angijuqaaq Atangujaqlu hapkununga Sakku Investments Corporation. "Ukpiguhuktugut SIBS-kut angijuq atugahaq qanuriliurutikhanun ikajuutighat iglughailiunirmun Inuit havaaghainun napaqtirinirmun havagviini. Kinguani Arviat igluqpaa angmaqqat, SIBkut igluit napaqtauniaqtut Inuinnarnin, Inuinnarnun. Akimadjutaujuq atugahanun nunamingni-havaktauhimajuq nakuuniaq quviahuutaallu."

Atautimut ahianun akiit tamaat tamajaghaqaqtut iglut akiit imainiaqtut $600 per square foot, kihimi, una akia akighijuumiqniaqtuq imaa akianun tadjakaffuk hiniktarvighat NHCkut akiliqtaghait napaqtirinirmun 132 iglughait inuit. Una nutaaq hivuliqpaami havaaghaq pidjutiqaqtuq attauhirmun quvianaqtumun nutaamun uaputidjunmun pijaangini Igluliuqatigiingniq/Nunavut 3000 nutaat iglut avatiini iglutigut aulahimaaqtut hamunga 2030mun.

Kangiqhittiarumaguvin mighaanun Nunavut 3000 Hanaqidjutaanun, takulugu,

www.Igluliuqatigiingniq.ca