ᓄᓇᕗᒻᒥ ᐃᒡᓗᓕᕆᔨᕐᔪᐊᒃᑯᑦ
ᐃᒡᓗᐃᑦ ᑲᑎᙵᔪᑦ ᐱᓕᕆᐊᖅ
ᓄᑖᙳᕆᐊᖅᑕᐅᓯᒪᔪᖅ ᐃᒡᓗᓕᕆᔨᕐᔪᐊᒃᑯᑦ ᐱᓕᕆᐊᕆᔭᖓᑦ ᐃᒡᓗᑖᖅᑎᑦᑎᕙᓪᓕᐊᓂᕐᒧᑦ ᐋᖅᑭᒃᑕᐅᓯᒪᓂᖓᒍᑦ ᐊᑭᑭᑎᑦᑎᓇᓱᐊᕐᒪᑦ ᓇᖕᒥᓂᖅ ᐃᒡᓗᑖᕈᒪᔪᓄᑦ ᐊᓯᐊᒍᓪᓗ ᐱᕕᖃᕈᒪᔪᓄᑦ ᓄᓇᕗᒻᒥᐅᑦ ᐱᓇᔪᖃᑕᐅᔪᓐᓇᕐᓂᐊᕐᒪᑕ ᓇᖕᒥᓂᖅ ᐃᒡᓗᑖᕋᓱᖕᓂᕐᒧᑦ.
ᓯᕗᓪᓕᖅᐹᒥ, ᐃᒡᓗᐃᑦ ᓂᐅᕐᕈᑕᐅᔪᓐᓇᓚᐅᕐᒪᑕ ᑕᒪᐃᓐᓄᑦ ᓄᓇᕗᒻᒥᐅᓄᑦ ᓄᖅᑲᖅᑕᕐᕕᖃᕈᓐᓃᖅᖢᑎᒃ ᓄᓇᕗᑦ ᒐᕙᒪᒃᑯᖏᓐᓄᑦ ᐃᖅᑲᓇᐃᔭᖅᑎᓄᑐᐊᖅ. ᑖᓐᓇ ᐱᓕᕆᐊᖑᔪᖅ ᓯᕗᓪᓕᖅᐸᐅᑦᑎᐅᔾᔨᕙᒃᐳᖅ ᓄᓇᕗᒻᒥ ᐃᓄᖕᓂᒃ, ᐃᑲᔪᖅᑐᐃᓪᓗᓂ ᓄᓇᕗᑦ ᒐᕙᒪᖓᑕ ᐃᓄᖕᓂᒃ ᐃᖅᑲᓇᐃᔭᖅᑎᑦᑎᓂᕐᒧᑦ ᐱᕙᒌᔭᖅᓯᒪᔭᖓᓂᒃ ᐊᒻᒪᓗ ᐃᓛᒃᑰᖅᑐᖅ 23−ᒥ ᓄᓇᕗᒻᒥ ᐊᖏᖃᑎᒌᒍᑎᒥ ᐃᑲᔪᖅᓯᖅᑐᖅ.
ᐱᓇᔪᒍᒪᔪᓄᑦ ᐃᓱᓕᕝᕕᒃᓴᖓ ᓯᑎᐱᕆ 30,2024−ᖑᓚᐅᖅᐳᖅ. ᓄᓇᕗᒻᒥ ᐃᒡᓗᓕᕆᔨᕐᔪᐊᒃᑯᑦ ᓄᑖᓂᒃ ᐱᓇᔫᑎᓂᒃ ᒫᓐᓇ ᐊᖏᖅᓯᑲᑕᙱᑦᑐᑦ.
ᐱᖃᑖᓂ ᐱᓕᕆᐊᖑᔭᕆᐊᓖᑦ:
• ᐱᓇᔪᓚᐅᖅᑐᑦ ᓂᕈᐊᖅᑕᐅᓯᒪᓕᖅᑐᑦ ᓯᕗᒻᒧᐊᒃᐸᓪᓕᐊᖁᔭᐅᓪᓗᑎᒃ ᑭᖑᓪᓕᕐᒥ ᐱᓕᕆᐊᖑᔪᒃᓴᑦ ᐃᒡᓗᓂᒃ ᑲᑎᙵᔪᓂᒃ ᓂᐅᕕᖅᐸᓪᓕᐊᑎᓪᓗᒋᑦ.
• ᖃᐅᔨᒪᔭᐅᖁᓪᓗᒋᑦ ᐊᔾᔨᒌᒥᒃ ᓂᕈᐊᖅᐸᓪᓕᐊᑎᓪᓗᒋᑦ, ᐃᓛᒃᑰᖅᑐᑦ ᓯᓚᑖᓂᙶᖅᑐᑦ ᑕᒻᒪᖅᓯᒪᔪᖅᓯᐅᖅᑎᑦ ᕿᒥᕐᕈᓚᐅᖅᐳᑦ ᐱᔪᓐᓇᕐᓂᕆᔭᐅᔪᓂᒃ ᓴᓂᕐᕙᒃᑕᐅᔪᓂᒃ ᑕᒪᐃᓐᓂᒃ ᐱᓇᔪᒃᑐᓂᒃ ᑕᒻᒪᖅᓯᒪᙱᒻᒪᖔᑕ. ᐱᓇᔪᒃᑐᑦ ᐱᔪᓐᓇᐅᑎᖏᑦ ᓇᓕᒧᒌᒃᑳᖓᑕ, ᐱᓕᕆᔨᑦ ᐊᑐᓚᐅᖅᐳᑦ ᓈᓴᐅᓯᖅᓱᖅᓯᒪᑦᑎᐊᖅᑐᓂᒃ ᖃᕆᑕᐅᔭᓕᕆᔾᔪᓯᕐᓂᒃ ᑭᖑᓪᓕᖅᐹᒥ ᑎᑎᕋᖅᐸᓪᓕᐊᑎᓪᓗᒋᑦ ᓂᕈᐊᖅᑕᐅᔪᓂᒃ ᐱᓇᔪᒃᑐᓂᒃ.
• ᐱᓇᔪᒃᑐᓕᒫᑦ ᑐᓴᖅᑎᑕᐅᓯᒪᓕᖅᑐᑦ ᖃᓄᐃᓕᖓᓕᕐᓂᖏᓐᓂᒃ ᓂᕈᐊᖅᐸᓪᓕᐊᓕᖅᑎᓪᓗᒋᑦ.
ᖃᐅᔨᒪᓂᐊᖅᐳᑎᑦ, ᑕᒪᓐᓇ ᐱᓕᕆᐊᖑᓂᖓ ᑕᖅᑭᒐᓴᖕᓄᑦ ᐱᐊᓂᒃᑕᐅᓇᓱᑐᐃᓐᓇᕆᐊᓕᒃ. ᐱᓇᔪᒃᑐᑦ ᓯᕗᓪᓕᕐᒥ ᓂᕈᐊᖅᑕᐅᙱᑐᐃᓐᓇᕆᐊᓖᑦ ᑐᙵᓱᒃᑎᑕᐅᑐᐃᓐᓇᕆᐊᖃᖅᐳᑦ ᐃᓚᐅᖁᔭᐅᓗᑎᒃ ᖃᑯᒍᒃᑲᓐᓂᖅ ᖃᐃᖁᔭᐅᓯᒪᓚᐅᖅᑐᑦ ᓂᐅᕕᕐᓂᕐᒥᒃ ᑲᔪᓯᙱᑐᐊᖅᐸᑦ.
ᐊᐱᖅᑯᑎᒃᓴᖃᕈᕕᑦ, ᖃᐅᔨᒋᐊᕈᓐᓇᖅᐳᑎᑦ condo.program@nunavuthousing.ca, ᐅᖄᓚᓗᑎᓪᓘᓐᓃᑦ 867-975-7233.
| ᐃᒡᓗᕐᔪᐊᑉ ᓈᓴᐅᑖ | ᐃᓘᑉ ᖃᓄᐃᑦᑑᓂᖓ | ᖃᓄᖅ ᓂᕈᑐᑎᒋᕙᑦ | ᓴᓇᔭᐅᔪᖅ | ᐊᑭᖓ |
|---|---|---|---|---|
| 5196 ᐊᒻᒪ 5196B ᖃᔨᓴᕐᕕᒃ ᐊᖅᑯᑖ | ᒪᕐᕉᖕᓂ ᐃᒡᓗᕈᓯᓕᒃ | 930 sq. ft. | 2012 | $249,900 |
ᑕᖅᑭᑕᒫᑦ ᑲᑎᙵᔪᓄᑦ ᐊᑭᖏᑦ 2024-ᒧᑦ: $1,318
| ᐊᕕᒃᑐᖅᑕᐅᓂᖏᑦ ᑕᖅᑭᑕᒫᑦ ᑲᑎᙵᔪᓄᑦ ᐊᑭᓕᒐᒃᓴᑦ | |
|---|---|
| ᓇᖕᒥᓂᖃᖃᑕᐅᔪᑦ ᐃᒡᓗᐃᑦ ᑲᑎᙵᔪᑦ ᐊᐅᓚᑦᑎᔾᔪᑎᓄᑦ ᐊᑭᓕᖅᓱᕆᐊᓕᖕᓄᑦ | $1,200 |
| ᐃᑲᔫᑏᑦ ᐊᑭᑐᔫᑎᓄᑦ ᑮᓇᐅᔭᑦ ᓴᓂᕐᕙᒃᓯᒪᔪᑦ | $118 |
| ᓇᓚᐅᑦᑖᒐᑦ ᑕᖅᑭᑕᒫᑦ ᐃᒡᓗᒧᑦ ᐊᑭᓕᐅᑎᑦ | $1,407 |
| ᑲᑎᖦᖢᒋᑦ ᐃᒡᓗᖁᑎᑖᕋᓱᖕᓂᕐᒧᑦ ᓄᓇᖁᑎᑖᕋᓱᖕᓂᕐᒧᑦ ᐊᑭᓕᒃᓴᑦ | $2725 |
ᓂᐅᕕᖃᑕᐅᔪᓐᓇᕐᓂᕐᒧᑦ ᐱᓯᒪᔭᕆᐊᓖᑦ
ᐃᓚᐅᖃᑕᐅᔪᓐᓇᕐᓂᕐᒧᑦ ᐃᒡᓗᑖᖅᐸᓪᓕᐊᓗᓂ ᑕᒪᑐᒥᖓ, ᐱᓇᔪᒃᑐᑦ ᐃᒪᐃᑦᑕᕆᐊᓖᑦ:
• 19−ᓂᒃ ᐅᖓᑖᓂᓪᓘᓐᓃᑦ ᐅᑭᐅᖃᕐᓗᓂ.
• ᓄᓇᕗᒻᒥᐅᑕᐅᓗᓂ ᐊᕐᕌᒍ ᐊᑕᐅᓯᖅ ᑐᖔᓂ ᐱᓇᔪᒋᐊᓚᐅᙱᓐᓂᖓᓂ.
• ᐱᓇᔪᒃᑐᑦ ᐅᕝᕙᓘᓐᓃᑦ ᐊᐃᑉᐸᖏᑦ ᐅᕝᕙᓘᓐᓃᑦ ᐊᐃᑉᐸᖏᑦ ᓇᖕᒥᓂᖃᕆᐊᖃᙱᑦᑐᑦ ᐱᓇᔫᑎᒃᑯᑦ.
• ᐃᒡᓗᑖᕋᓱᖕᓂᕐᒧᑦ ᐊᖏᖅᑕᐅᓯᒪᕙᒌᖅᑐᒥᒃ ᑎᑎᖅᑲᐅᑎᖃᕐᓗᓂ ᐅᕝᕙᓘᓃᑦ ᑮᓇᐅᔭᑎᒍᑦ ᖃᓄᖅ ᐊᑭᓖᕙᓪᓕᐊᓂᐊᕐᒪᖔᖅ ᓇᓕᖅᑲᒥᒃ ᐅᕝᕙᓘᓃᑦ ᑎᑎᖅᑲᐅᑎᖃᕐᓗᓂ ᑮᓇᐅᔭᖅᑎᒍᑦ ᐋᖅᑭᒃᓯᒪᔾᔪᑕᐅᓂᐊᖅᑐᒥᒃ ᐱᖃᙱᒃᑲᓗᐊᕐᓗᓂ ᓇᓗᓇᐃᕈᑎᒥᒃ.
• ᐊᑭᓕᒃᓴᖃᙱᑦᑑᔭᕆᐊᓕᒃ ᐅᕝᕙᓘᓐᓃᑦ ᐊᖅᓵᖅᑕᐅᓯᒪᓂᑰᔭᕆᐊᖃᙱᓚᑦ ᓄᓇᕗᒻᒥ ᐃᒡᓗᓕᕆᔨᕐᔪᐊᒃᑯᓐᓄᑦ*.
*ᐱᓇᔪᒃᑐᑦ ᐊᑮᑦᑐᓖᑦ ᐅᕝᕙᓘᓐᓃᑦ ᐊᓯᐅᔨᔪᑦ ᐊᔪᙱᑎᑕᐅᑐᐃᓐᓇᕆᐊᖃᖅᐳᑦ ᑖᔅᓱᒧᖓ ᐱᓕᕆᐊᒧᑦ ᐊᑭᓖᓚᐅᖅᑎᓪᓗᒋᑦ ᖄᖏᐅᑎᓯᒪᔪᓂᒃ ᐊᑭᓕᕆᐊᓕᖕᓂᒃ. ᖃᐅᔨᒋᐊᕐᕕᒋᓗᒋᑦ ᓄᓇᓕᖕᓂ ᐃᒡᓗᓕᕆᔨᒃᑯᑦ ᐊᑭᓕᖅᓱᐃᓂᕐᒧᑦ ᐸᕐᓇᐅᑎᓕᐅᖃᑎᒋᓗᒋᑦ.
ᐱᓇᔪᒃᑐᑦ ᓄᓇᕗᑦ ᒐᕙᒪᒃᑯᓐᓄᑦ ᐃᖅᑲᓇᐃᔭᖅᑎᐅᙱᒃᑲᓗᐊᕐᓗᑎᒃ ᖃᓄᐃᑦᑐᓐᓃᖅᑐᖅ. ᓯᕗᓪᓕᐅᑎᑕᐅᓂᐊᖅᑐᑦ ᐃᓄᐃᑦ ᐊᑎᓕᐅᖅᑕᐅᓯᒪᔪᑦ ᓄᓇᕗᒻᒥ ᐊᖏᕈᑎᒧᑦ, ᑭᖑᓂᐊᒍᓪᓗ ᐃᖃᓗᖕᓂ ᓄᓇᖃᔅᓲᔭᖅᑐᑦ, ᐊᒻᒪ ᓯᕗᓪᓕᖅᐹᒥ ᐃᒡᓗᒥᒃ ᓂᐅᕕᖅᑐᑦ.
ᓯᕗᓪᓕᖅᐸᐅᔾᔭᐅᓯᒪᔪᓄᑦ ᒪᓕᒃᑕᐅᔪᒃᓴᑦ
ᐱᔪᒪᓂᖃᖅᑐᑦ ᐱᓕᕆᐊᒃᓴᒥᑦ ᐅᖓᑖᓅᖅᐸᑕ ᖃᔅᓯᐅᓂᖏᑦ ᐊᑐᐃᓐᓇᐅᔪᑦ ᐃᒡᓗᐃᑦ, ᐱᓇᔫᑎᑦ ᐱᔭᐅᔪᑦ ᐊᕕᒃᓯᒪᓂᐊᖅᑐᑦ ᐊᑖᓃᑦᑐᓄᑦ ᓯᕗᓪᓕᐅᔾᔭᐅᔭᕆᐊᓕᖕᓄᑦ ᐃᓱᒪᓕᐅᕈᑕᐅᓕᕈᓂ ᑭᓇ ᐱᖃᑕᐅᔪᓐᓇᕐᓂᐊᖅᐸ:
- ᓄᓇᕗᒻᒥ ᐃᓄᐃᑦ ᓄᓇᕗᑦ ᒐᕙᒪᒃᑯᓐᓂ ᐃᖅᑲᓇᐃᔭᖅᑎᑦ
- ᓄᓇᕗᒻᒥ ᐃᓄᐃᑦ
- ᐃᓄᓪᓚᕆᐅᙱᑦᑐᑦ ᓄᓇᕗᑦ ᒐᕙᒪᖓᓐᓄᑦ ᐃᖅᑲᓇᐃᔭᖅᑐᑦ
- ᐃᓄᓪᓚᕆᐅᙱᑦᑐᑦ ᓄᓇᕗᒻᒥᐅᑦ
ᑲᔪᓯᑎᑦᑎᓂᖅ ᐊᔪᙱᑎᑕᐅᔪᓂᒃ ᐃᒡᓗᒥᒃ ᓇᖕᒥᓂᖃᕐᓂᕐᒧᑦ
ᓇᓗᓇᐃᖅᓯᓂᕐᒧᑦ ᑲᔪᓯᓂᖃᑦᓯᐊᖅᑐᒥᑦ ᐊᑯᓂᐅᔪᒧᑦ ᓇᒻᒥᓂᖃᕐᓂᕐᒧᑦ, ᓄᓇᕗᒻᒥ ᐃᓪᓗᓕᕆᔨᕐᔪᐊᒃᑯᑦ ᐱᔭᕆᐊᖃᖅᑎᑦᓯᔪᑦ ᓇᒻᒥᓂᖅ ᐊᖏᕐᕋᖃᕐᓂᕐᒥᑦ ᑲᔪᓯᑎᑦᓯᓂᕐᒧᑦ ᐱᔪᓐᓇᓂᕐᒥᑦ ᑲᑎᙵᐅᖅᑐᓂᑦ ᐱᓕᕆᐊᒥᑦ.
• ᓇᖕᒥᓂᖅ ᐃᒡᓗᖃᖅᑏᑦ ᐃᒡᓗᒥᓂᒃ ᐊᑐᕆᐊᖃᖅᐳᑦ ᐅᓪᓗᓕᒫᒧᑦ ᐊᖏᕐᕋᕆᓗᓂᔾᔪᒃ ᑕᖅᑭᓄᑦ 60-ᓄᑦ ᒪᑐᕝᕕᒃᓴᖓᓂ.
• ᑕᖅᑭᓄᑦ 60−ᓄᑦ ᓄᓇᓕᖕᓃᑦᑕᕆᐊᖃᕐᓂᕋᐃᔪᖅ ᓄᖅᑲᖓᑎᑕᐅᓚᐅᑲᒍᓐᓇᖅᑐᖅ ᐊᖏᖅᑕᐅᓯᒪᔪᓄᑦ ᐃᖅᑲᓇᐃᔭᙱᓚᐅᑲᒋᐊᓕᖕᓄᑦ (ᓲᕐᓗ; ᐃᓕᓐᓂᐊᕆᐊᕐᓂᖅ, ᐃᖢᐊᖅᓴᖅᑕᐅᔭᖅᑐᕐᓂᖅ, ᐃᖅᑲᓇᐃᔮᒥᓄᑦ ᓅᓯᒪᔭᕆᐊᖃᓚᐅᑲᖕᓂᖅ) ᐅᑎᖅᓯᒪᓕᖅᐸᑦ ᑲᔪᓯᓇᔭᖅᖢᓂ.
• ᓇᖕᒥᓂᖅ ᐃᒡᓗᖃᖅᑏᑦ ᐊᑐᕆᐊᖃᖅᑎᑕᐅᙱᑦᑐᑦ ᐃᒡᓗᓂᒃ ᑲᑎᙵᔪᓂ ᑮᓇᐅᔾᔭᒃᓴᓂᕐᒧᑦ, ᓲᕐᓗ ᐊᑐᖅᑐᐊᖅᑕᐅᑎᓪᓗᒍ ᐊᓯᖏᓐᓄᑦ ᐅᕝᕙᓘᓐᓃᑦ ᓇᖕᒥᓂᖅ ᐱᓇᓱᐊᕐᕕᒋᔭᕆᐊᖃᙱᓚᐅᒃ ᑮᓐᓇᐅᔾᔭᒃᓴᓇᓱᖕᓂᕐᒧᑦ.
• ᐃᒡᓗᒥᒃ ᓇᖕᒥᓂᖃᖅᑎ ᐃᒡᓗᒥᒃ ᓂᐅᕐᕈᑎᖃᖅᐸᑦ ᑕᖅᑭᑦ 60 ᐊᓂᒍᓚᐅᙱᑎᓪᓗᒍ, ᐊᑭᓖᔾᔪᑕᐅᓂᑯᒥᒃ ᐅᑎᖅᑎᑦᑎᔭᕆᐊᖃᖅᐳᑦ ᐃᒡᓗᓕᕆᔨᕐᔪᐊᒃᑯᓐᓄᑦ ᐊᑭᖓ ᐊᔾᔨᒌᙱᓐᓂᖓ ᓂᐅᕐᕈᑕᐅᓂᖓᑕ ᐊᑭᖓ ᐊᒻᒪ ᓄᑖᖅ ᓂᐅᕐᕈᑕᐅᔪᖅ ᐊᑭᖓ, ᑐᙵᕕᒋᔭᐅᓗᓂ ᐋᖅᑭᒃᑕᐅᓯᒪᔪᑦ ᐳᓴᓐᑎᖓ ᑕᖅᑭᓄᑦ ᐃᒡᓗᒋᓪᓗᐊᑕᓚᐅᖅᑕᖓᓄᑦ.
ᐊᐱᖅᑯᑎᒃᓴᖃᕈᕕᑦ, ᖃᐅᔨᒋᐊᕈᓐᓇᖅᐳᑎᑦ condo.program@nunavuthousing.ca, ᐅᖄᓚᓗᑎᓪᓘᓐᓃᑦ 867-975-7233.
