NAHSI
ᓄᓇᕗᒻᒥ ᐊᑭᑐᓗᐊᖏᑦᑐᓂᒃ ᐃᒡᓗᖃᖅᑎᑦᑎᓂᕐᒧᑦ ᐊᔭᐅᕆᒋᐊᕈᑎᒧᑦ ᐱᓕᕆᐊᒃᓴᖅ
ᐊᑯᑐᓗᐊᙱᑦᑐᓂᒃ ᓂᕈᐊᕐᕕᒃᓴᖅᑕᖃᙱᓐᓂᖅ ᓯᓚᑖᒍᑦ ᑭᒃᑯᑐᐃᓐᓇᕐᓄᑦ ᐊᒻᒪᓗ ᐃᖅᑲᓇᐃᔭᖅᑎᓄ ᐃᒡᓗᒃᓴᖏᑦ ᐊᒻᒪᓗ ᓄᓇᕗᒻᒧᑦ ᐊᔪᐃᓐᓈᕈᑕᐅᖕᒪᑦ. ᓄᓇᕗᒻᒥ ᐊᑭᑐᓗᐊᖏᑦᑐᓂᒃ ᐃᒡᓗᖃᖅᑎᑦᑎᓂᕐᒧᑦ ᐊᔭᐅᕆᒋᐊᕈᑎ (NAHSI) ᓴᓇᔭᐅᓚᐅᖅᑐᖅ ᐃᑲᔪᖅᓱᖅᑕᐅᓂᖓ ᐊᑭᑐᓗᐊᙱᑦᑐᑦ ᐃᒡᓗᒃᓴᐃᑦ ᓴᓇᔭᐅᓂᖏᑕ ᐃᑲᔪᖅᓱᖅᑕᐅᓂᖏᓐᓄᑦ. ᑐᕌᒐᖅ: ᓄᓇᕗᒻᒥᐅᑦ ᐃᒡᓗᒃᓴᓂᑦ ᓂᕈᐊᕐᕕᒃᓴᖃᕐᓂᖅᓴᐅᓗᑎᒃ, ᐱᓗᐊᖅᑐᒥᒃ ᐊᑭᑐᓗᐊᙱᑦᑐᑦ ᐃᒡᓗᒃᓴᐃᑦ.
ᓄᓇᕗᒻᒥ ᐊᑭᑐᓗᐊᖏᑦᑐᓂᒃ ᐃᒡᓗᖃᖅᑎᑦᑎᓂᕐᒧᑦ ᐊᔭᐅᕆᒋᐊᕈᑎ ᑮᓇᐅᔭᖅᑎᒍᑦ ᐃᑲᔪᖅᓱᖅᐸᒃᑐᖅ ᐊᑭᑐᔫᑎᓂᒃ ᐱᕙᓪᓕᐊᑎᑕᐅᓂᖏᓐᓄᑦ ᓄᑖᖑᔪᑦ ᐊᑭᑐᓗᐊᙱᑦᑐᑦ ᐃᒡᓗᒃᓴᐃᑦ ᐊᔭᐅᒋᐊᖅᑎᑕᐅᓪᓗᑎᒃ ᐃᒡᓗᓕᕆᓂᕐᒧᑦ ᐱᕙᓪᓕᐊᑎᑦᑎᔩᑦ ᐊᒥᓱᕈᖅᐹᓪᓕᖅᑎᑕᐅᓂᖏᓐᓄᑦ ᐊᑭᑐᓗᐊᙱᑦᑐᑦ ᐊᑐᖅᑐᐊᖅᑕᐅᔪᓐᓇᖅᑐᑦ ᐊᒻᒪᓗ ᓇᖕᒥᓂᕆᔭᐅᔪᑦ ᐃᒡᓗᐃᑦ. ᐱᓇᔪᒃᑐᑦ ᐱᓇᔪᒍᓐᓇᖅᑐᑦ ᐊᑭᑐᔫᑎᓄᑦ ᐊᕐᕌᒍᓄᑦ 10−ᓄᑦ ᐋᖅᑭᒃᓯᒪᔪᒧᑦ ᐅᑎᕐᕕᐅᔭᕆᐊᖃᙱᑐᒧᑦ ᐊᑐᖅᑐᐊᕐᓂᕐᒥᑦ $150,000−ᓄᑦ ᐊᑐᓂ ᐱᔪᓐᓇᖅᑎᑕᐅᔪᒧᑦ ᐊᑐᖅᑐᐊᖅᑕᐅᓂᐊᖅᑐᒧᑦ ᐅᕝᕙᓘᓐᓃᑦ ᓇᖕᒥᓂᕆᔭᐅᓂᐊᖅᑐᒧᑦᒧ ᐃᒡᓗᒧᑦ ᓴᓇᔭᐅᔪᒧᑦ.
ᑐᙵᕕᒋᓪᓗᒍ ᓄᓇᕗᑦ 3000 ᑎᑭᐅᑎᔭᐅᓇᓱᒃᑐᑦ 900 ᓄᑖᖑᔪᑦ ᐊᑭᑐᓗᐊᙱᑦᑐᑦ ᐃᒡᓗᐃᑦ ᐊᕐᕌᒍᖓ 2030 ᑎᑭᓚᐅᖅᑎᓐᓇᒍ, ᑕᒪᒃᑭᖅᖢᒋᑦ ᕿᑐᕐᖏᐅᕈᑕᐅᓇᓱᐊᕈᓐᓇᖅᑐᑦ ᑖᔅᓱᒥᖓ ᐱᓕᕆᐊᒃᓴᕐᒥ ᓄᓇᕗᒻᒥ ᐃᒡᓗᓕᕆᔨᕐᔪᐊᒃᑯᑎᒍᑦ ᑎᑭᐅᑎᔪᓐᓇᕋᔭᖅᑐᖅ $135 ᒥᓕᐊᓐ ᑖᓚᓄᑦ, ᑖᒃᑯᓇᙵᑦ 100 ᐊᑭᑐᓗᐊᙱᑦᑐᑦ ᐃᒡᓗᐃᑦ ᐃᓚᓕᐅᔾᔭᐅᔪᓐᓇᖅᖢᑎᒃ 2024-2025 ᑮᓇᐅᔭᓕᕆᓂᕐᒧᑦ ᐊᕐᕌᒍᖓᓄᑦ.
ᐊᑭᑐᓗᐊᙱᑦᑐᑦ ᐃᒡᓗᐃᑦ ᐱᔾᔪᑎᖃᖅᐳᖅ ᐃᒡᓗᓂᒃ ᐊᑐᖅᑐᐊᒐᒃᓴᐅᔪᓂᒃ ᐅᕝᕙᓘᓐᓃᑦ ᓂᐅᕕᕋᒃᓴᐅᔪᓂᒃ ᐊᑭᓕᖅᑕᐅᖃᑦᑕᕐᓂᐅᔪᒥᑦ ᐊᑭᑭᓐᓂᖅᓴᐅᓗᑎᒃ ᐊᒻᒪᓗ ᑕᐃᒪᐃᒻᒪᑦ ᐊᑭᑐᓗᐊᙱᖦᖢᑎᒃ ᐃᓄᑐᐃᓐᓇᕐᓄᑦ ᐃᓚᒌᒃᑐᓄᓪᓗ.
ᐊᔪᖅᑎᑕᐅᙱᑦᑐᑦ ᐃᓪᓗᐃᑦ ᐃᓚᖃᖅᐳᑦ ᐃᓄᑐᐊᓄᑦ ᐃᓚᒌᓄᑦ ᐃᓪᓗᐃᑦ, ᐊᑐᖅᑐᐊᖅᐸᑦᑐᓄᑦ ᐃᓪᓗᐃᑦ, ᐃᓪᓗᐃᑦ ᑲᑎᙵᔪᑦ, ᑯᐊᐸᒃᑯᑦ, ᐃᓪᓗᓕᐅᖅᑕᐅᓯᒪᔪᑦ, ᐃᓪᓗᐃᑦ ᓴᓇᔭᐅᓯᒪᒌᖅᑐᑦ ᑲᑎᖅᓱᕆᐊᓖᑦ, ᐊᑐᖅᑐᐊᒐᖅ ᓇᒻᒥᓂᖃᖅᑎᒥᒃ. ᓴᓇᓂᖅ ᓄᓇᓕᕋᓛᖃᕐᕕᓐᓂ, ᑲᒪᒋᔭᐅᙱᓐᓇᖅᑐᒃᑯᕕᒃ, ᐊᔾᔨᐅᙱᑦᑐᓄᑦ ᑲᒪᒋᔭᐅᓂᕐᒧᑦ ᐊᖏᕐᕋᐃᑦ, ᐊᓯᖏᓪᓗ ᐱᔪᓐᓇᐅᑎᖃᖅᑐᑦ ᐃᓂᒋᔭᐅᔪᑦ ᐱᔪᓐᓇᖅᑎᑕᐅᙱᑦᑐᑦ.
ᐱᓇᔪᒍᓐᓇᖅᑎᑕᐅᔪᓄᑦ ᓄᓇᕗᒻᒥ ᐊᑭᑐᓗᐊᖏᑦᑐᓂᒃ ᐃᒡᓗᖃᖅᑎᑦᑎᓂᕐᒧᑦ ᐊᔭᐅᕆᒋᐊᕈᑎᒧᑦ ᐃᓚᒋᔭᐅᔪᑦ ᐃᓄᐃᑦ ᑎᒥᖏᑦ, ᓇᖕᒥᓂᖅ ᐃᒡᓗᓕᐅᕐᓂᕐᒧᑦ ᐱᕙᓪᓕᐊᑎᑦᑎᔩᑦ, ᐃᓄᑐᐃᓐᓇᐃᑦ, ᐊᒻᒪᓗ ᑮᓇᐅᔭᓕᐅᖅᑎᐅᙱᑦᑐᑦ, ᑲᑎᙵᔪᑦ ᑯᐊᐳᕇᓴᑦ ᐊᒻᒪ ᑯᐊᐸᐃᑦ ᓄᓇᕗᒻᒥ ᐊᑭᑐᓗᐊᙱᑦᑐᓂᒃ ᐃᒡᓗᓕᐅᕈᒪᔪᓂᒃ. ᖃᐅᔨᒋᐊᒃᑲᓐᓂᕈᒪᒍᕕᑦ ᑕᑯᒋᐊᕐᓗᒍ ᐱᓇᔪᖕᓂᕐᒧᑦ ᐃᑲᔪᕈᑎᕗᑦ ᐅᕝᕙᓘᓐᓃᑦ ᓄᓇᕗᒻᒥ ᐃᒡᓗᓕᕆᔨᕐᔪᐊᒃᑯᑦ ᑐᓴᖅᑎᓪᓗᒋᑦ.
