ᐃᒡᓗᒥᑦ ᓇᖕᒥᓂᖃᕐᓂᖅ
ᐃᒡᓗᒥᒃ ᓇᖕᒥᓂᖃᖅᑎᓄᑦ ᐃᑲᔪᖅᑐᐃᓂᖅ − ᐱᓕᕆᐊᒃᓴᑦᑎᐊᕙᑦ
ᐃᒡᓗᒥᒃ ᓇᖕᒥᓂᖃᖅᑎᑦ ᐃᑲᔪᖅᑐᐃᔾᔪᑎᓪᓗ ᐊᑐᕐᓗᒋᑦ, ᓄᓇᕗᒻᒥ ᐃᒡᓗᓕᕆᔨᕐᔪᐊᒃᑯᑦ ᐃᑲᔪᖃᑦᑕᖅᐳᑦ ᓄᓇᓕᖕᒥᐅᓂᒃ ᐊᑭᓕᖅᓱᐃᔪᓐᓇᖅᑐᓂᒃ ᓇᖕᒥᓂᕐᒥᓂᒃ ᑲᒪᒋᑦᑎᐊᖁᓪᓗᒍ ᐋᖅᑭᐅᒪᑎᓪᓗᒍᓗ ᐃᒡᓗᖁᑎᖓ. ᐊᒻᒪᓗᑦᑕᐅᖅ, ᐃᒡᓗᒥᑦ ᓇᖕᒥᓂᖃᕐᓂᕐᒧᑦ ᐃᓕᓐᓂᐊᖅᑎᑕᐅᓗᑎᑦ ᐅᖃᐅᔾᔪᖅᑕᐅᕙᒡᓗᑎᒡᓗ ᐃᒡᓗᒥᑦ ᓇᖕᒥᓂᖃᖅᑏᑦ. ᑖᒃᑯᐊ ᐱᔨᑦᑎᐅᑎᑦ ᐱᖃᓯᐅᔾᔨᕗᑦ ᐅᖃᖃᑎᒋᔭᐅᔪᓐᓇᕐᓗᑎᒃ ᐊᖏᕐᕋᕆᔭᐅᔪᓂ ᓄᑖᓂᒡᓘᓐᓃᑦ ᐊᖏᕐᕋᒃᓴᖏᑦ ᓂᐅᕕᕐᓂᐊᖅᑐᑦ ᓴᓇᔭᐅᑎᓪᓗᒍ, ᓄᑖᙳᕆᐊᖅᑕᐅᑎᓪᓗᒍ, ᑮᓇᐅᔭᒃᑯᕕᖏᑦ ᐊᒻᒪ ᐆᒻᒪᖅᑯᑎᒥᑦ ᐱᐅᖅᓱᐊᓂᕐᒧᑦ.
NHAP
ᓄᓇᕗᒻᒥ ᓇᖕᒥᓂᖃᕐᓂᕐᒧᑦ ᐃᑲᔪᖅᑕᐅᔾᔪᑎ
ᓄᓇᕗᒻᒥ ᐃᒡᓗᓕᕆᔨᕐᔪᐊᒃᑯᑦ ᓴᖅᑭᑦᑎᒃᑲᓐᓂᖅᐳᑦ ᐃᒡᓗᒥᒃ ᓇᖕᒥᓂᖃᕐᓂᕐᒧᑦ ᐱᓕᕆᐊᒥᒃ ᓄᓇᓕᖕᒥᐅᓄᑦ ᐊᑭᓕᖅᓱᐃᔪᓐᓇᖅᑐᓄᑦ ᓇᖕᒥᓂᖅᑖᕐᓂᕐᒧᑦ ᑲᔪᓯᑎᑦᑎᔪᓐᓇᕐᓗᓂᓗ ᐃᒡᓗᒥᓂᒃ ᓄᓇᕗᒻᒥ. ᑮᓇᐅᔭᑦ ᐃᑲᔫᑎ ᐊᑐᐃᓐᓇᐅᑎᑕᐅᕗᖅ ᐃᒡᓗᒃᓴᑦ ᑲᑎᖅᓱᖅᓯᒪᔪᑦ ᐊᑭᖓᓄᑦ, ᐃᓕᓐᓂᐊᖅᑎᑕᐅᔪᓐᓇᕐᓗᓂᓗ ᐊᒻᒪ ᐅᖃᐅᔾᔪᖅᑕᐅᔪᓐᓇᕐᓗᑎᒃ ᐃᑲᔪᖅᑕᐅᖁᓪᓗᒋᑦ ᐱᔨᑦᑎᕋᖅᑕᐅᔪᑦ ᑮᓇᐅᔭᑎᒍᑦ ᐊᒻᒪ ᐃᒡᓗᓕᐅᖅᑎᓪᓗᒋᑦ ᓇᖕᒥᓂᖅ ᐃᒡᓗᒃᓴᒥᓂᒃ. ᐱᔨᑦᑎᕋᖅᑕᐅᔪᑦ ᓴᖅᑭᑎᑦᑎᓗᑎᒃ ᐸᕐᓇᐅᑎᒥᒃ ᐃᒡᓗᕐᔪᐊᒧᑦ ᓇᓗᓇᐃᖅᓯᓗᑎᒃ ᐃᓗᓕᖏᓐᓂᒃ ᐃᒡᓗᓕᐅᖅᑕᒥᓄᑦ ᓇᖕᒥᓂᖅ ᐱᓕᕆᔭᖏᓐᓂ, ᐃᑲᔪᖅᑕᐅᓗᑎᒃ ᐃᓚᖏᓐᓂ ᐱᖃᓐᓇᕆᔭᖏᓐᓂᒡᓗ.
ᓄᑖᖅ ᓄᓇᕗᒻᒥ ᓇᖕᒥᓂᖃᖅᑎᓄᑦ ᐃᑲᔫᑎ $250,000−ᓂᒃ ᐊᑐᐃᓐᓇᐅᑎᑦᑎᔪᓐᓇᖅᐳᑦ ᐃᓱᒪᒋᔭᐅᔪᓐᓃᒐᒃᓴᐅᓪᓗᓂ ᐊᑐᖅᑐᐊᕐᓂᕐᒥᒃ ᐅᑭᐅᑦ ᖁᓕᑦ ᐅᖓᑖᓄᑦ ᓂᐅᕕᕐᓂᐊᕐᓗᓂ ᐱᖁᑎᓂᒃ ᑲᑎᖅᓱᖅᓯᒪᔪᓂᒃ. ᐃᑲᔫᑎᑦ ᓄᓇᕗᒻᒥ ᐃᒡᓗᓕᕆᔨᕐᔪᐊᒃᑯᓐᓂᑦ ᐃᓚᖃᑐᐃᓐᓇᕆᐊᓕᒃ ᐱᓕᕆᐊᒃᓴᓂᒃ ᐊᐅᓚᑦᑎᓂᕐᒥᒃ, ᑲᒪᔨᐅᓂᕐᒥᒃ, ᑮᓇᐅᔭᓕᕆᓂᕐᒧᑦ ᐅᖃᐅᔾᔪᐃᔨᒥᒃ, ᐊᒻᒪ ᐃᓕᓐᓂᐊᕐᓂᕐᒥᒃ ᐱᓕᒻᒪᒃᓴᕐᓂᕐᒥᒡᓗ. ᓄᓇᖃᕆᐊᖃᕋᔭᖅᑐᖅ ᐱᓕᕆᐊᒧᑦ ᐊᕐᕌᒍᒥ ᐊᑕᐅᓯᕐᒥᑦ (1).
ᐱᓇᔫᑎᑦ ᐱᔭᐅᔪᓐᓇᖅᑐᑦ ᐅᑐᐱᕆ 18, 2024 ᑎᑭᓐᓇᓱᖕᓂᖓᓂ.
NDAP
ᓄᓇᕗᒻᒥ ᐊᑭᓖᕙᓪᓕᐊᓂᕐᒧᑦ ᐃᑲᔪᖅᑕᐅᔾᔪᑎᑦ
ᓄᓇᕗᒻᒥ ᐊᑭᓖᕙᒌᕐᓂᕐᒧᑦ ᐃᑲᔪᖅᑕᐅᔾᔪᑎᑦ ᐊᑐᐃᓐᓇᐅᑎᑦᑎᓲᑦ ᐱᔪᓐᓇᖅᑎᑕᐅᔪᓂᒃ ᓄᓇᕗᒻᒥᐅᓂᒃ $80,000−ᒧᑦ ᑎᑭᓪᓗᒍ ᐊᑭᓖᕙᒌᕐᓂᕐᒧᑦ ᐃᑲᔫᑎᒥᒃ, ᑲᑎᖦᖢᒋᑦ ᖃᔅᓯᐅᓂᕆᔭᖓ ᐊᓂᒍᐃᓪᓗᓂ ᑮᓇᐅᔭᓕᐊᕆᔭᖓ ᒪᓕᒃᖢᒍ. ᓄᓇᖃᕆᐊᖃᕋᔭᖅᑐᑦ ᓄᓇᕗᒻᒥ ᐊᑭᓖᕙᒌᕐᓂᕐᒧᑦ ᐃᑲᔫᑎᒧᑦ ᒫᓐᓇ ᐊᑕᐅᓯᕐᒥᒃ (1) ᐊᕐᕌᒍᒥ.
ᑭᖑᓂᑦᑎᓐᓂ ᑭᓪᓕᖃᖅᑎᑕᐅᓚᐅᖅᑐᖅ $30,000, ᐊᑭᑦᑐᕆᐊᕐᓂᖓ ᑮᓇᐅᔭᑎᒍᑦ ᐃᑲᔫᑎᑦ $80,000-ᒧᑦ ᑎᑭᖦᖢᒍ ᑐᕌᒐᖃᖅᑐᖅ ᓄᓇᕗᒥᐅᑦ ᐃᑲᔪᖅᑕᐅᑦᑎᐊᒃᑲᓐᓂᖁᓪᓗᒋᑦ ᓇᖕᒥᓂᖅ ᐃᒡᓗᑖᕈᒪᔪᑦ, ᐃᓚᒋᔭᐅᓪᓗᓂ ᓄᓇᕗᒻᒥ ᐃᒡᓗᓕᕆᔨᕐᔪᐊᒃᑯᑦ ᐱᒋᐊᖅᑎᑦᑎᒃᑲᓐᓂᕐᓗᑎᒃ ᐃᒡᓗᒥ ᓇᖕᒥᓂᖃᕐᓂᕐᒧᑦ ᐱᓕᕆᐊᓂᑦ.
HRP
ᐃᒡᓗᒥᒃ ᓄᑖᙳᕆᐊᖅᑎᑦᑎᓂᕐᒧᑦ ᐱᓕᕆᐊᒃᓴᑦ
ᐃᒡᓗᒥᑦ ᓄᑖᙳᕆᐊᖅᑎᑦᑎᓂᕐᒧᑦ ᐱᓕᕆᐊᒃᓴᑦ ᐃᑲᔫᑕᐅᓇᓱᒃᑐᑦ ᓄᓇᕗᒻᒥᐅᓄᑦ ᓇᖕᒥᓂᖅ ᐃᒡᓗᖃᖅᑐᓂᑦ ᐃᓂᒋᓪᓗᓂᐅᒡᓗᐃᒡᓗᓂ ᓱᕋᒃᓯᒪᔪᑦ ᐋᖅᑭᒃᓱᕆᐊᖃᓪᓚᕆᒡᓗᑎᒃ/ᓄᑖᙳᕆᐊᖅᑕᐅᔭᕆᐊᖃᕐᓗᑎᒃ.
ᐃᒡᓗᒥᒃ ᓄᑖᙳᕆᐊᖅᑎᑦᑎᓂᖅ ᒪᕐᕉᖕᓂᒃ ᐊᑐᕈᓐᓇᖅᐴᒃ:
• ᐊᑕᐅᓯᐊᖅ ᐃᓱᒪᒋᔭᐅᔪᓐᓃᕈᓐᓇᖅᑐᖅ ᐊᑐᖅᑐᐊᕈᑎᑦ ᐃᓱᖃᖅᖢᓂ $100,000, ᐅᓄᖅᓯᒋᐊᖅᓯᒪᔪᖅ ᑭᖑᓪᓕᕐᒥ ᑭᒡᓕᒋᔭᐅᓚᐅᖅᑐᒧᑦ ᐊᑭᖃᖅᑎᒋᔪᒧᑦ $65,000, ᐃᓱᒪᒋᔪᓐᓇᐃᒐᒃᓴᐅᓪᓗᓂ ᐅᑭᐅᑦ ᖁᓕᑦ ᐊᓂᒍᓚᐅᖅᑎᓪᓗᒋᑦ. • ᐃᒡᓗᒥᒃ ᓇᖕᒥᓂᖃᖅᑏᑦ ᓴᓇᔭᐅᒃᑲᓐᓂᖁᔨᔪᑦ/ᓄᑖᙳᕆᐊᖅᑕᐅᖁᔨᔪᑦ ᐱᐊᓂᒃᓯᔪᒪᔪᑦ ᐃᑲᔪᖅᑕᐅᙱᓪᓗᑎᒃ, ᐊᐃᑦᑑᓯᐊᕐᓗᑎᒃ 50% ᐊᔪᙱᑦᑐᓄᑦ ᐊᑭᖏᓐᓄᑦ, ᑭᒡᓕᖃᕐᓗᒍ $20,000-ᒥ.
ᐃᒡᓗᒥᒃ ᓄᑖᙳᖅᑎᕆᓂᖅ ᐊᑕᐅᓰᓐᓇᒃᑰᖅᑎᑕᐅᕙᒃᐳᖅ ᑐᐊᕕᕐᓇᖅᑐᖅᑕᖃᓕᖅᑎᓪᓗᒍ ᐋᖅᑭᒃᓱᐃᓂᕐᒧᑦ ᐱᓕᕆᐊᖑᔪᒧᑦ.
ᓴᓇᔭᐅᒃᑲᓐᓂᖅᓯᒪᔪᑦ ᐃᓚᓕᐅᔾᔭᐅᓵᓚᐅᖅᑐᑦ ᐅᖅᓱᖃᐅᑎᖃᕐᕖᑦ ᐊᓯᔾᔨᖅᑕᐅᔾᔪᑎᓄᑦ ᐱᓕᕆᐊᑦ ᐃᓱᒪᒋᔭᐅᖃᑦᑕᓕᖅᑐᑦ ᐃᒡᓗᒧᑦ ᓄᑖᙳᕆᐊᖅᑕᐅᒋᐊᓕᖕᓄᑦ.
ERP
ᑐᐊᕕᕐᓇᖅᑐᒃᑯᑦ ᐋᖅᑭᒃᓱᐃᔾᔪᑎᒃᓴᓄᑦ ᐱᓕᕆᐊᑦ
ᑐᐊᕕᕐᓇᖅᑐᓄᑦ ᓴᓇᔭᐅᒃᑲᓐᓂᕆᐊᓕᖕᓄᑦ ᐱᓕᕆᐊᒃᓴᑦ ᐃᑲᔪᓲᖑᕗᑦ ᓄᓇᕗᒥᐅᓂᒃ ᐃᒡᓗᓂᒃ ᓇᖕᒥᓂᖃᖅᑎᓄᑦ, ᐱᓕᕆᔪᓐᓇᕐᓗᑎᒡᓗ ᑐᐊᕕᕐᓇᖅᑐᒃᑯᑦ ᓴᓇᔭᐅᒃᑲᓐᓂᕆᐊᓕᖕᓄᑦ ᓴᖅᑭᔮᖅᑎᑦᑎᔪᓄᑦ ᓯᕘᕋᓇᖅᑐᓂᒃ ᐃᒡᓗᖃᖅᑎᒧᑦ ᖃᓄᐃᙱᑦᑎᐊᕐᓂᕐᒧᑦ ᐊᒻᒪ/ᐅᕝᕙᓘᓐᓃᑦ ᐊᑦᑕᕐᓇᖅᑕᐃᓕᒪᓂᕐᒧᑦ.
ᑐᐊᕕᕐᓇᖅᑐᒃᑯᑦ ᓴᓇᔭᐅᒃᑲᓐᓂᕈᑎᒃᓴᓄᑦ ᐱᓕᕆᐊᑦ ᐊᐃᑦᑑᑎᖃᓲᖑᕗᑦ $15,000-ᒧᑦ ᑎᑭᖦᖢᒍ. ᑐᐊᕕᕐᓇᖅᑐᒃᑯᑦ ᓴᓇᔭᐅᒃᑲᓐᓂᕆᐊᓕᖕᓄᑦ ᐱᓕᕆᐊᑦ ᐃᒡᓗᓂᒃ ᓇᖕᒥᓂᖃᖅᑎᓄᑦ ᐱᓕᕆᐊᓄᑦ. ᐱᓕᕆᐊᒃᓴᒧᑦ ᐱᔪᓐᓇᖅᑎᑕᐅᔪᑦ ᑮᓇᐅᔭᓕᐊᖏᓐᓂ ᒪᓕᒃᐳᑦ. ᐊᑭᑭᓛᖓ ᐋᖅᑭᒃᓱᖅᑕᐅᓂᖓᓄᑦ $1000−ᖑᔭᕆᐊᖃᖅᐳᖅ.
EHP
ᐃᓐᓇᐃᑦ ᐃᒡᓗᖏᓐᓄᑦ ᐱᓕᕆᐊᖅ
ᓄᓇᕗᒻᒥ ᐃᒡᓗᓕᕆᔨᕐᔪᐊᒃᑯᑦ ᐃᓕᑕᖅᓯᐅᒪᖕᒪᑕ ᐱᒻᒪᕆᐅᓂᖓᓂᒃ ᐃᑲᔪᖅᓱᐃᒋᐊᒃᓴᖅ ᐃᓐᓇᕐᓂᒃ ᓇᖕᒥᓂᖅ ᐃᒡᓗᖃᖅᑎᑦᑏᓐᓇᕆᐊᖃᖅᑎᓪᓗᒋᑦ ᐅᑭᐅᖏᓪᓗ. ᐃᓐᓇᕐᓄᑦ ᐃᒡᓗᖃᖅᑎᑦᑎᓂᕐᒧᑦ ᐱᓕᕆᐊᖑᕙᒃᑐᖅ ᑕᒪᐃᓐᓂᒃ ᐅᖃᐅᔾᔪᐃᓂᕐᒥᒃ ᑮᓇᐅᔭᑎᒍᓪᓗ ᐃᑲᔪᖅᑐᐃᖃᑦᑕᖅᐳᑦ ᑐᕌᕆᔭᖃᖅᑎᑕᐅᓪᓗᓂ ᐃᑲᔪᖅᑐᐃᔾᔪᑕᐅᔪᒪᓪᓗᓂ ᐃᓐᓇᐃᑦ ᑲᔪᓯᑎᑦᑎᔪᓐᓇᕐᓂᖏᓐᓂᒃ ᐊᖏᕐᕋᒥᓂᒃ, ᐊᓯᔾᔨᕆᐊᖅᑎᑦᑎᕙᒃᖢᑎᒃ ᓄᑖᙳᕆᐊᖅᑎᑦᑎᕙᒃᖢᑎᒡᓗ ᐃᑲᔪᖅᑐᐃᔪᒪᓪᓗᑎᒃ ᓄᑕᐅᔪᓐᓃᖅᐸᓪᓕᐊᔪᓂᒃ, ᑕᒪᒃᑯᐊ ᓇᖕᒥᓂᖅ ᐃᒡᓗᖃᕐᓂᖅ ᐊᑐᒐᒃᓴᐅᔪᓐᓃᖅᐸᑦ, ᑐᓴᐅᒪᑦᑎᐊᕐᓗᓂᓗ ᓂᕈᐊᕆᔭᖃᕈᓐᓇᕐᓂᕐᒥᒃ ᐊᓯᐊᒍᖔᖅ ᐊᑐᖅᑐᐊᕐᓂᕐᒧᑦ ᐊᑐᖅᑕᐅᔪᓐᓇᖅᑐᓂᒃ.
ᐃᓐᓇᕐᓄᑦ ᐃᒡᓗᖃᖅᑎᑦᑎᒧᑦ ᐊᑕᐅᓰᓐᓇᓕᔪᓐᓇᖅᐳᖅ ᐊᖏᕐᕋᕆᔭᐅᔪᓂ ᓄᑖᙳᕆᐊᖅᑎᑦᑎᓂᕐᒧᑦ ᐱᓕᕆᐊᑎᒍᑦ. ᑖᓐᓇ ᐱᓕᕆᐊᖅ ᐱᔪᓐᓇᖅᑎᑦᑎᕗᑦ ᐊᐃᑦᑑᑎᓂᒃ ᐊᑭᖃᖅᑎᒋᔪᓂᒃ $5,000−ᒧᑦ ᑎᑭᓪᓗᒍ ᓱᕋᒃᓯᒪᔪᓂᒃ ᐋᖅᑭᒃᓱᐃᓂᕐᒧ ᐊᒻᒪ $30,000−ᒧᑦ ᑎᑭᖦᖢᒍ ᓴᓇᔭᐅᒃᑲᓐᓂᕆᐊᓕᖕᓄᑦ. ᐊᖏᓛᒥᒃ ᑮᓇᐅᔭᓕᐅᕐᓂᖅᑕᖃᙱᓚᖅ ᑭᓯᐊᓂ ᖃᓄᖅ ᐊᖏᑎᒋᓂᖓ ᐃᑲᔪᖅᑕᐅᓂᐅᑉ ᑮᓇᐅᔭᓕᐊᒥᓂᒃ ᒪᓕᖃᑦᑕᖅᐳᑦ.
ᐃᓐᓇᕐᓄᑦ ᐃᒡᓗᓕᕆᓂᕐᒧᑦ ᐱᓕᕆᐊᑦ ᐃᓇᖐᔾᔪᑕᐅᕗᑦ ᐃᓐᓇᕐᓂᑦ ᐊᖏᕐᕋᕆᔭᓂᑦ ᐋᖅᑭᒃᓱᐃᔾᔪᑎᒃᓴᓄᑦ ᐱᓕᕆᐊᓂᑦ ᐊᒻᒪᓗ ᐃᓐᓇᕐᓄᑦ ᐃᓄᖕᓄᓪᓗ ᑎᒥᒥᒍᑦ ᐊᔪᕈᑎᓕᖕᓄᑦ ᐃᒡᓗᒋᔭᖏᓐᓄᑦ ᐱᓕᕆᐊᓂᑦ.
REHGP
ᓄᑕᔾᔨᖅᑕᖅᑐᖅ ᐆᒻᒪᖁᑎ ᐊᖏᕐᕋᓂᑦ ᓇᖕᒥᓂᓕᖕᓄᑦ ᐊᐃᑦᑑᓯᐊᓄᑦ ᐱᓕᕆᔾᔪᑎ
ᐱᓕᕆᐊᕆᓇᓱᐋᖅᑕᖓ ᓄᑕᔾᔨᖅᑕᖅᑐᖅ ᐆᒻᒪᖁᑎ ᐊᖏᕐᕋᓂᑦ ᓇᖕᒥᓂᓕᖕᓄᑦ ᐊᐃᑦᑑᓯᐊᓄᑦ ᐱᓕᕆᔾᔪᑎᐅᑉ (REHGP) ᐃᑲᔪᕈᑕᐅᓇᓱᐊᕐᒪᑦ ᐊᖏᕐᕋᓂᑦ ᓇᖕᒥᓂᓕᖕᓄᑦ ᐋᖅᑭᒃᓯᑎᓪᓗᒋᑦ ᓯᕿᓂᖅᒨᖅᑐᒥᑦ ᓄᑕᔾᔨᖅᑕᖅᑐᑦ ᐆᒻᒪᖁᑎᓕᐅᕈᑎ. ᑎᑭᑕᐅᓇᓱᐊᕐᒪᑕ ᒥᑭᓂᖅᓴᐅᓕᖅᑎᑕᐅᓇᓱᐊᕐᓗᑎᒃ ᐊᑐᖅᑕᐅᓂᖓ ᓱᑲᓐᓇᖅᑐᑉ ᐋᖅᑭᒃᓱᖅᓯᒪᕕᖏᑦ ᓄᓇᓕᖕᓂ, ᐊᖏᓂᖅᓴᐅᓕᖅᑎᑕᐅᖁᓪᓗᒍ ᓇᖕᒥᓂᖅ−ᑕᑎᒋᔪᓐᓇᕐᓂᖅ, ᐊᒻᒪᓗ ᒥᑭᓂᖅᓴᐅᓕᖅᑎᑕᐅᓗᓂ ᐅᖅᑰᓯᕙᓪᓕᐊᑎᑕᐅᔪᖅ ᐳᓪᓚᖅ (GHG) ᐳᔪᕐᓗᐋᕿᓂᖅ ᐃᓘᓐᓇᓕᒪᖓᓂ ᓄᓇᓕᖃᕐᕕᐅᔪᓕᒫᒥ.
ᐅᖃᓪᓚᐅᑎᓕᒃ ᐱᓕᕆᔾᔪᑎᒥᑦ
- ᐊᖏᕐᕋᓂᑦ ᓇᖕᒥᓂᓖᑦ ᐱᔪᓐᓇᖅᑎᑕᐅᕗᑦ ᐊᑭᓕᕆᐊᖃᒃᑎᑕᐅᖏᑦᑐᒥᑦ ᐊᐃᑦᑑᓯᐊᕐᒥᑦ ᑎᑭᐅᒪᔪᒥᑦ 50% ᐳᓴᓐᑎᖏᓐᓄᑦ ᐃᓘᓐᓇᓕᒫᖓᓄᑦ ᓴᓇᔭᒃᓴᐅᑉ ᐊᑭᓕᒫᖓᑕ, ᑎᑭᐅᒪᓗᓂ ᐊᒥᓲᓚᖓ ᐃᒪᑎᒋᐅᓗᓂ $30,000, ᓇᓪᓕᐊᑐᐃᓐᓇᖅ ᐊᓄᕐᓂᖓ ᖃᑦᓰᓐᓇᐅᓂᓴᑐᐃᓐᓇᕐᒧᑦ ᑖᒃᑯᓇᓂ ᒪᕐᕉᖕᓂ.
- ᑐᒃᓯᕋᐅᑎᑦ ᐃᓱᒪᒃᓴᖅᓯᐅᕈᑕᐅᓂᐋᖅᑐᑦ ᓯᕗᓪᓕᖅᐸᐅᔪᖅ, ᐱᑎᑕᐅᖄᒃᖠᖅᐸᐅᓗᓂ.
- ᑐᒃᓯᕋᐅᑎᑦ ᕿᒥᕐᕈᔭᐅᓂᐊᖅᑐᑦ ᐊᒻᒪᓗ ᑎᑎᖃᑎᒍ ᑭᐅᔾᔪᑎᑦ ᐱᔭᐅᒃᐸᑕ ᐃᓗᐊᓂ 30 ᐅᓪᓗᐃᑦ ᐱᔭᐅᓚᐅᖅᑎᓪᓗᒋᑦ.
- ᑮᓇᐅᔭᖃᒃᑎᑦᑎᔾᔪᑎᑦ ᐱᔭᐅᑎᑕᐅᓂᐋᖅᑐᑦ ᐱᔭᕇᒃᑕᐅᑎᓪᓗᒍ ᓱᑲᓐᓇᖅᑐᓕᐅᕈᑎ ᐋᖅᑭᒃᑕᐅᓗᓂ.
- ᓱᑲᓐᓇᖅᑐᓕᐅᕈᑎ ᐋᖅᑭᒃᑕᐅᔪᖅ ᐱᔭᕇᒃᑕᐅᓯᒪᔭᕆᐊᓕᒃ ᐃᓗᐊᓂ ᐱᔭᕇᒃᑕᐅᓯᒪᕕᐅᖁᔭᐅᔪᑉ ᐱᔭᐅᑎᑕᐅᖃᓯᐅᑎᔪᒥ ᖁᓪᓕᖅ ᐆᒻᒪᖁᑎᓕᕆᔨᒃᑯᖏᑦᑕ ᑎᒥᖁᑖᓄᑦ (QEC) ᑎᑎᖃᓂ ᐊᖏᖅᑕᐅᔾᔪᑎᓂ.
- ᓄᓇᕗᑦ ᐃᒡᓗᓕᕆᔨᕐᔪᐊᒃᑯᑦ ᑎᒥᖁᑎᑖᓄᑦ (NHC) ᐃᖃᓇᐃᔭᖅᑎᑦ ᐊᑐᐃᓐᓇᐅᑎᑕᐅᕗᑦ ᑭᐅᔪᓐᓇᖁᓪᓗᒋᑦ ᖃᓄᐃᑦᑐᑐᐃᓐᓇᕐᓂᑦ ᐊᐱᖅᑯᑎᓂᑦ ᐱᓕᕆᐊᖑᕙᓪᓕᐊᓂᖏᓐᓂ. - - - ᐃᓕᖕᓂᑦ ᐅᖃᕐᕕᖃᕐᓂᐋᖅᑐᑦ ᓇᓗᓇᖅᓯᖁᔭᐅᓕᕐᓂᕈᕕᑦ ᑐᒃᓯᕋᐅᑎᖕᓃᑦᑐᒥᑦ.
- ᑐᓴᕆᐊᒃᑲᓐᓂᕈᒪᒍᕕᑦ ᑐᒃᓯᕋᐅᑎᑦ ᐱᓕᕆᐊᖑᓂᖏᓐᓂᑦ, ᐊᑏ ᑕᑯᒋᐊᓚᐅᒃᑭᑦ ᐱᓕᕆᔾᔪᑎᒧᑦ ᒪᓕᒃᑕᐅᖁᔭᐅᔪᑦ.
ᐅᓂᒃᑳᓕᐅᕐᓂᕐᒧᑦ ᐱᔭᐅᓯᒪᖁᔭᐅᔪᑦ
ᐅᓂᒃᑳᓕᐅᕐᓂᕐᒧᑦ ᐱᔭᐅᓯᒪᖁᔭᐅᔪᑦ ᐱᔭᕇᒃᑕᐅᓯᒪᓕᑐᐊᖅᐸᑦ, ᑮᓇᐅᔭᖃᒃᑎᑦᑎᔾᔪᑎᓂᑦ ᐱᑎᑕᐅᔪᖅ ᑐᓂᓯᔭᕆᐊᖃᕐᓂᐋᖅᑐᖅ ᒪᑯᓂᖓ ᐅᑯᓄᖓᕐᓗᒋᑦ ᓄᓇᕗᑦ ᐃᒡᓗᓕᕆᔨᕐᔪᐊᒃᑯᑦ ᑎᒥᖁᑖᓄᑦ:
- ᓂᐅᕕᕈᑎᖕᓄᑦ ᓇᓕᖃᑦ ᑕᑯᒃᓴᐅᑎᑦᑎᔪᑦ ᓱᑲᓐᓇᖅᑐᓕᐅᕈᑎᑦ ᐊᑭᓕᖅᑕᐅᓯᒪᓂᖓᓂᑦ ᓈᓗᒍ, ᑕᐃᓐᓇᐅᖏᑦᑐᖅ ᑭᓱᒃᓴᖃᒃᑎᑦᑎᕙᒃᑐᖅ, ᐅᓪᓗᖓ ᓂᐅᕕᐊᖑᓂᖓᑕ ᐊᒻᒪᓗ ᑎᑎᖅᑐᖅᑕᐅᓯᒪᓂᖏᑦ ᑭᓱᒃᓴᖏᑕ ᐊᑭᖏᑦ.
- ᐊᔾᔨᙳᐊᖏᑦ ᒪᑯᐊ ᐋᖅᑭᒃᑕᐅᓯᒪᔪᖅ ᓱᑲᓐᓇᖅᑐᓕᐅᕈᑎᐅᑉ, ᐱᖃᓯᐅᑎᓗᒋᑦ: ᓯᕿᓂᕐᒧᑦ ᓵᙵᓂᖓᓂᑦ ᓇᓕᐊᖕᓄᑐᐃᓐᓇᖅ−ᓱᑲᓐᓇᖅᑐᖃᒃᑎᑦᑎᔪᓐᓇᕐᓂᖓᓂᑦ ᓯᕿᙳᔭᐅᔭᖅ ᕚᑕᓕᓄᑦ ᐊᒻᒪᓗ ᓄᒃᑭᒃᓴᐅᑎᖓᓄᑦ ᐊᐅᓚᑦᑎᔾᔪᑎ (ᐋᖅᑭᒃᑕᐅᓯᒪᒃᐸᑦ)
