ᓄᓇᕗᑦ 3000
ᐃᒡᓗᓕᐅᖃᑎᒌᖕᓂᐅᑉ ᐅᓂᒃᑳᖓ – ᑲᑐᔾᔨᓪᓗᑎᒃ ᐃᒡᓗᓕᐅᖃᑎᒌᖕᓂᖅ
ᓄᓇᕗᑦ ᐊᖏᕐᕋᕆᔭᐅᔪᖅ ᖃᓂᒋᔮᓄᑦ 36,800 ᐃᓄᑐᐃᓐᓇᕐᓄᑦ, 85 ᐳᓴᓐᑎᑦ ᑖᒃᑯᓇᙵᑦ ᐃᓅᓪᓗᑎᒃ. ᑎᑭᓚᐅᖅᑎᓐᓇᒍ 2043, ᑲᓇᑕᒥ ᑭᒡᓕᓯᓂᐊᖅᑎᒃᑯᑦ ᒥᒃᓴᐅᓴᓚᐅᖅᑐᑦ ᓄᓇᕗᒻᒥᐅᑕᐃᑦ ᐊᒥᓲᑎᒋᓂᖏᑦ ᒪᕐᕈᐃᖅᑐᖅᓯᒪᑲᓴᓛᖅᑐᖅ ᖃᔅᓴᐅᓂᕆᓚᐅᖅᑕᖏᓐᓂᑦ 1999−ᒥ.
ᓇᖕᒥᓂᖅ ᓄᓇᕗᑦᑎᑐᑦ, ᓄᓇᕗᒻᒥᐅᑕᐃᑦ ᒪᒃᑯᒃᑐᖅ. 2021−ᒥ, ᖃᓂᒋᔮᓃᓚᐅᖅᑐᑦ 6,800 ᒪᒃᑯᒃᑐᑦ ᐊᑯᓐᓂᖓᓂ 10 ᐊᒻᒪᓗ 20. ᑖᒃᑯᐊ ᐅᑭᐅᖃᖃᑎᒌᒃᑐᑦ ᐃᓐᓇᕈᖅᐸᓪᓕᐊᑎᓪᓗᒋᑦ, ᐃᒡᓗᖃᕆᐊᖃᓛᖅᑐᑦ ᐱᒋᐊᕐᒋᔪᓐᓇᓛᖅᑕᒥᓂ ᐃᖅᑲᓇᐃᔮᒥᓂᒃ, ᕿᑐᕐᖓᕐᒥᓂᒃ ᐱᕈᖅᓴᐃᕝᕕᒋᓗᓂᐅᒃ, ᐊᒻᒪᓗ ᓄᓇᓕᖕᒥᓂᒃ ᐱᕈᖅᓴᐃᓗᑎᒃ.
ᐃᒡᓗᖃᕐᓂᖅ ᐃᓄᑐᐃᓐᓇᓗᒃᑖᕐᓄᑦ ᐱᔪᓐᓇᐅᑎᐅᒐᓗᐊᖅᑎᓪᓗᒍ ᑐᙵᕕᒋᔭᐅᓪᓗᓂᓗ ᐃᒡᓗᖃᕆᐊᖃᖅᑐᐃᓐᓇᐅᓪᓗᑎᒃ, ᐊᖑᓯᐅᔪᒧᑦ ᐋᖅᑭᒃᓯᒪᔪᓂᑦ ᐊᔪᐃᓐᓈᕈᑕᐅᓯᒪᔪᑦ ᓄᓇᕗᒻᒥ ᐃᒡᓗᑭᒃᓴᓗᐊᕈᑕᐅᓯᒪᔪᖅ ᐊᑲᐅᙱᓗᐅᕈᑕᐅᓯᒪᕐᔪᐊᖅᖢᓂ, ᐃᓚᒋᔭᐅᓪᓗᑎᒃ ᓂᕈᐊᕐᕕᒃᓴᖃᙱᓗᐊᕐᓂᖅ ᐃᒡᓗᓕᕆᓂᕐᒧᑦ, ᐱᑐᖃᐅᓗᐊᓕᖅᑐᑦ/ᓈᒻᒪᙱᓗᐊᖅᑐᑦ ᐃᒡᓗᐃᑦ ᖃᔅᐅᓂᖏᑦ ᐊᒻᒪᓗ ᐸᖕᒥᐅᓗᐊᖅᑐᑦ. ᓄᑖᒥᒃ ᑲᒪᒋᔭᖃᕈᓯᖅᑖᖅᑐᖃᙱᑉᐸᑦ, ᐊᒃᓱᕈᕐᓇᕐᓂᖅᓴᐅᓇᔭᕐᓂᖓ ᓂᕆᐅᒋᔭᐅᔪᖅ.
ᑲᒪᒋᔭᐅᓂᖓᓄᑦ ᓄᓇᕗᒻᒥ ᐃᒡᓗᖃᙱᓗᐊᕐᓂᖅ, ᓄᓇᕗᑦ ᒐᕙᒪᖓ ᐱᖃᑎᒋᓪᓗᓂᒋᑦ ᓄᓇᕗᒻᒥ ᐃᒡᓗᓕᕆᔨᕐᔪᐊᒃᑯᑦ ᐱᒋᐊᖅᑎᓚᐅᖅᑖ ᓄᓇᕗᑦ 3000, ᐅᕝᕙᓘᓐᓃᑦ ᐃᒡᓗᓕᐅᖃᑎᒌᖕᓂᖅ ᐊᒃᑑᐸ 2022−ᒥ. ᑐᕌᒐᖅ – ᓴᓇᔭᐅᓂᖏᑦ 3000 ᓄᑖᑦ ᐃᒡᓗᒃᓴᐃᑦ ᓄᓇᕗᒻᒥ ᑎᑭᓚᐅᖅᑎᓐᓇᒍ 2030.
855 ᓄᑖᑦ ᐃᒡᓗᐃᑦ ᓴᓇᔭᐅᔪᑦ ᐱᐊᓂᒃᑕᐅᔪᓪᓘᓐᓃᑦ ᐱᒋᐊᖅᖢᑎᒃ 6−ᖓᓂ ᓄᓇᕗᑦ ᒪᓕᒐᓕᐅᕐᕕᖓ ᑲᑎᒪᓯᒋᐊᓚᐅᖅᑎᓪᓗᒋᑦ
ᑖᒃᑯᐊ 855-ᖑᔪᑦ ᐃᒡᓗᐃᑦ 85-ᐳᓴᓐ ᐅᖓᑎᑦᑎᐊᖓᓃᑉᐳᑦ ᑲᑐᔾᔨᓗᑕᒃᑯᑦ ᐱᓕᕆᐊᒃᓴᖏᓐᓂᒃ 1,000-ᓂᒃ ᓄᑖᓂᒃ ᐃᒡᓗᓕᐅᕈᒪᓪᓗᑎᒃ ᐅᑐᐱᕆ 2025-ᖑᓕᖅᐸᑦ. ᐊᒻᒪᓗ 29-ᐳᓴᓐᑎᖏᓐᓃᒻᒥᔪᑦ ᓄᓇᕗᑦ 3000-ᓂᒃ ᑐᕌᒐᖃᖅᑐᑦ 3,000-ᓂᒃ ᓄᑖᓂᒃ ᐃᓪᓗᓂᒃ ᖃᓄᐃᑦᑐᑐᐃᓐᓇᕐᓂᒃ 2030-ᒥ.
ᓱᑲᓪᓕᒋᐊᖅᑎᑕᐅᔪᖅ ᐃᓪᓗᓕᕆᓂᕐᒧᑦ ᐱᕙᓪᓕᐊᓃᑦ ᐱᔾᔪᑕᐅᕗᖅ ᐊᖏᔪᒥᑦ ᐱᓕᕆᖃᑎᒌᑦ ᑲᑐᔾᔨᖃᑎᒌᓐᓂᕐᒧᓪᓗ ᖁᑦᓯᓐᓂᓕᒫᖏᓐᓂᒃ ᒐᕙᒪᒃᑯᑦ, ᐃᓄᐃᑦ ᑲᑐᔾᔨᖃᑎᒌᖏᑦ, ᓄᓇᓇᓕᓐᓂ ᑲᑐᔾᔨᖃᑎᒌᑦ, ᐃᓪᓗᓕᕆᓂᕐᒧᑦ ᐱᕙᓪᓕᐊᑎᑦᓯᔩᑦ ᐊᔪᙱᑕᖃᕐᓂᕐᓂᓪᓗ ᐊᒻᒪᓗ ᓴᓇᔪᓕᕆᓂᕐᓂᖅ. ᓄᓇᕗᒻᒥ 3,000-ᒥ ᐅᐸᓗᖓᐃᔭᐅᑎᑦ ᐃᓪᓗᓕᐅᕐᓂᕐᒧᑦ ᐊᑕᐅᑦᑎᒃᑯᑦ, ᐃᓪᓗᒋᔭᐅᔪᓕᒫᑦ ᐃᓪᓗᓕᐅᕈᓐᓇᐅᑎᓖᑦ ᓈᓴᖅᑕᐅᖃᑦᑕᖅᐳᑦ ᑐᕌᒐᕆᔭᐅᔪᒧᑦ ᖃᓄᕈᓘᔮᓗᒃ ᑏᓯᒻᕙ 31, 2030-ᒧ ᑎᑭᓪᓗᒍ.
ᑖᒃᑯᐊ ᐃᓚᖃᖅᐳᑦ ᐃᓪᓗᓂᒃ ᐱᓕᕆᐊᖑᕙᓪᓕᐊᔪᓂᒃ ᑕᐃᒃᑯᐊᓗ ᐱᔭᕇᖅᑕᐅᓯᒪᔪᑦ ᐃᓐᓄᑐᐃᓐᓇᕆᐊᖃᓕᖅᓱᑎᓪᓗ.
ᓄᓇᕗᒻᒥ 3000-ᖑᔪᑦ ᑐᕌᖅᑎᑦᑎᕗᑦ ᓄᑖᓂᒃ ᐃᒡᓗᓂᒃ ᑎᓴᒪᐅᓕᖅᑲᖓᔪᓂᒃ ᐃᒡᓗᓂᒃ—ᐃᑲᔪᖅᓱᖅᑕᐅᓪᓗᑎᒃ, ᑭᒃᑯᑐᐃᓐᓇᑦ, ᐊᑭᑐᓗᐊᙱᑦᑐᑦ, ᐊᒻᒪ ᓂᐅᕕᐊᒃᓴᑦ−ᓄᓇᕗᒻᒥ ᐊᑕᖏᖅᖢᒍ ᐊᑭᓕᖅᓱᒐᕐᓂᖅᑐᑦ ᐊᒃᓱᕈᕐᓇᖅᑐᑦ ᐊᒻᒪ ᓂᐅᕕᐊᖑᔭᕆᐊᓖᑦ ᑲᒪᒋᔭᐅᖁᓪᓗᒋᑦ.
ᐸᕐᓇᐅᑎ ᐱᖓᓱᐃᖅᑎᑦᑎᔪᖅ ᖃᔅᓯᐅᖃᑦᑕᕐᓂᖏᓐᓂᒃ ᓄᑖᖑᔪᑦ ᑭᒃᑯᑐᐃᓐᓇᕐᓄᑦ ᐃᒡᓗᒃᓴᓕᐊᕆᔭᐅᔪᑦ ᐊᕐᕌᒍᑕᒫᑦ ᐊᒻᒪᓗ ᐃᑲᔪᖅᓱᖅᖢᓂ ᐱᓕᕆᖃᑎᒌᖕᓂᕐᒥᒃ ᓴᓇᔭᐅᓂᖏᓐᓄᑦ ᐃᒡᓗᒋᔭᐅᓚᐅᑲᒃᑐᑦ, ᐊᑭᑐᓗᐊᙱᑦᑐᑦ, ᐊᒻᒪᓗ ᓂᐅᕕᐊᒃᓴᐅᔭᖅᑐᓕᕐᓗᑎᒃ ᐃᒡᓗᒃᓴᐅᔪᓂᒃ. ᑕᒪᐃᑎᒍᑦ, ᓄᓇᕗᑦ 3000 ᐸᕐᓇᒃᓯᒪᔪᖅ ᐱᕙᓪᓕᐊᑎᑕᐅᓂᖏᑦ:
ᑖᒃᑯᐊ ᐃᒡᓗᐃᑦ ᑕᐅᑐᙳᐊᖅᑕᐅᕗᑦ ᐃᒡᓗᑖᕐᕕᐅᔪᓐᓇᖅᑐᓄᑦ ᐃᓅᖃᑎᒌᓄᑦ ᓴᖅᑭᔮᖅᑎᑦᑎᓪᓗᑎᒃ ᐊᔾᔨᒌᙱᑦᑑᑕᐅᓂᖏᓐᓄᑦ ᐃᒡᓗᐃᑦ, ᓴᐅᒪᒃᖠᕐᒥᑦ ᑕᓕᖅᐱᒃᖠᕐᒧᑦ, ᑮᓇᐅᔭᓕᐅᙱᓐᓄᖅᓴᓄᑦ ᐃᒡᓗᒋᔭᐅᔪᓐᓇᖅᑐᑦ ᓴᐅᒥᒃᖠᐊᓃᖦᖢᑎᒃ ᐊᒻᒪᓗ ᑮᓇᐅᔭᓕᐅᕐᓂᖅᓴᓄᑦ ᐃᒡᓗᒋᔭᐅᔪᓐᓇᖅᑐᓄᑦ ᑕᓕᖅᐱᒃᖠᐊᓃᖦᖢᑎᒃ. ᐃᒡᓗᑖᕐᕕᐅᔪᓐᓇᖅᑐᑦ ᐃᓅᖃᑎᒌᓄᑦ ᓴᖅᑭᔮᖅᑎᑦᑎᖕᒥᔪᖅ ᐃᒡᓗᒋᔭᐅᔪᓐᓇᖅᑐᒥᒃ ᖁᑦᑎᖕᓂᖅᓴᒥᒃ ᐃᑲᔪᖅᓱᖅᑕᐅᓂᕐᒧᑦ ᐱᔨᑦᑎᕋᐅᑎᕈᓐᓇᖅᑐᓂᒃ ᓴᐅᒥᒃᖠᐊᓂ (ᓲᕐᓗ ᑐᐊᕕᕐᓇᖅᑐᒃᑯᑦ ᐊᖏᕐᕋᖃᙱᑦᑐᒃᑯᕖᑦ), ᐃᑲᔪᖅᓱᖅᑕᐅᙱᓐᓂᖅᓴᐅᔪᓄᑦ (ᓲᕐᓗ ᐃᑲᔪᖅᓱᖅᑕᐅᔪᑦ ᐃᓅᓯᕐᒥᓂ ᐃᓐᓇᕐᓄᑦ) ᐃᑲᔪᖅᓱᖅᑕᐅᙱᑦᑐᓄᑦ/ᐃᑲᔪᖅᓱᖅᑕᐅᓗᐊᙱᑦᑐᓄᑦ ᓴᐅᒥᒃᖠᐊᓂ (ᓇᖕᒥᓂᖅ ᐊᑐᖅᑐᐊᖅᑕᐅᔪᑦ/ᐱᒋᔭᐅᔪᑦ).
ᓄᓇᕗᑉ ᐃᒡᓗᑖᕐᕕᐅᔪᓐᓇᖅᑐᑦ ᐃᓅᖃᑎᒌᓄᑦ
ᐃᒡᓗᒋᔭᐅᓚᐅᑲᒃᑐᑦ
ᐃᓄᓕᒫᓄᑦ ᐃᒡᓗᒋᔭᐅᕙᒃᑐᑦ
ᐊᑭᑐᓗᐊᙱᑦᑐᓂ ᐊᑐᖅᑐᐊᕐᓂᕐᒧᑦ ᐃᒡᓗᒃᓴᐃᑦ
ᓄᑖᓂᒃ ᐃᒡᓗᓕᐅᕐᓂᒃᑯᑦ ᑕᒪᐃᓂᓄ ᓄᓇᓕᖕᓂ, ᓄᓇᕗᑦ 3000 ᐱᓂᐊᕐᓇᕋᓚᐅᖅᑕᒥᓂᒃ ᑲᑐᔾᔨᓗᑕ ᐱᓇᓱᐊᒐᕆᔭᕐᒥ ᐊᓂᒍᐃᑎᑦᑎᕗᖅ ᐊᕐᕌᒍᕋᓴᖕᓂ ᐊᒡᒋᖅᑐᓂ ᐊᖏᕐᕋᕆᔭᐅᓂᕋᕈᓐᓇᕐᓂᐊᕐᒪᑦ.
