ᐅᖃᐅᓯᒃᓴᑦ
2025-02-03
ᓄᓇᕗᒻᒥ ᐃᒡᓗᓕᕆᔨᕐᔪᐊᒃᑯᑦ ᐃᑲᔪᖅᓱᐃᕗᑦ ᐃᒡᓗᓕᕆᔨᒃᑯᓐᓂᑦ ᐅᖃᓯᖃᕈᒪᓪᓗᑎᒃ ᐃᖅᑲᓇᐃᔭᖅᑐᓕᕆᓂᕐᒧᑦ ᐱᔾᔪᑕᐅᔪᓂᑦ
ᐸᖕᓂᖅᑑᖅ ᐃᒡᓗᓕᕆᔨᒃᑯᑦ (PHA) ᐊᒻᒪᓗ ᓄᓇᕗᒻᒥ ᐃᒡᓗᓕᕆᔨᕐᔪᐊᒃᑯᑦ (NHC) ᑲᑐᔾᔨᖃᑎᒌᒃᑐᑦ ᑭᐅᔾᔪᑎᒋᓪᓗᒍ ᐸᓴᒋᔭᐅᔪᑦ ᐸᖕᓂᖅᑑᖅ ᐃᒡᓗᓕᕆᔨᒃᑯᑦ ᐃᖅᑲᓇᐃᔭᖅᑎᖏᑦ ᓴᖅᑭᑕᐅᓯᒪᔪᑦ ᐃᓄᖕᓄᑦ ᑐᓴᒐᒃᓴᓕᕆᕝᕕᒃᑯᑦ ᐱᓇᓱᐊᕈᓯᐅᑉ ᓄᙳᐊᓂᐅᓚᐅᖅᑐᒥᑦ.
ᓯᐊᒻᒪᒃᑕᐅᓯᒪᔪᖅ ᑐᓴᒐᒃᓴᖅ ᐊᒻᒪᓗ ᐅᖃᐅᓯᒃᓴᑦ ᐃᓄᖕᓄᑦ ᑐᓴᒐᒃᓴᓕᕆᕝᕕᒃᑯᑦ ᐅᖃᐅᓯᐅᓚᐅᖅᐳᖅ, ᓇᓗᓇᐃᔭᐃᑦᑎᐊᖅᑐᒥᒃ ᐸᖕᓂᖅᑑᖅ ᐃᒡᓗᓕᕆᔨᒃᑯᑦ ᐱᓕᕆᐊᒃᓴᖏᓐᓂᑦ ᐃᖅᑲᓇᐃᔭᖅᑎᓄᑦ ᐊᒻᒪᓗ ᓄᓇᕗᒻᒥ ᐃᒡᓗᓕᕆᔨᒃᑯᑦ ᐃᑲᔪᖅᓱᐃᕗᑦ ᐋᖅᑭᒃᓯᓗᑎᒃ ᐱᔾᔪᑕᐅᔪᒥᑦ.
● ᓄᓇᓕᖕᓂᑦ ᐃᒡᓗᓕᕆᔨᒃᑯᑦ ᑲᑐᔾᔨᖃᑎᒌᖏᑦ (LHOs) ᐸᖕᓂᖅᑑᖅ ᐃᒡᓗᓕᕆᔨᒃᑯᓐᓂᑦ ᐃᒻᒥᒃᑰᖅᑐᑦ ᒪᓕᒐᑎᒍᑦ ᑎᒥᐅᓪᓗᓂ ᑲᒪᒋᔭᖃᖅᑐᖅ ᐃᖅᑲᓇᐃᔭᖅᑎᖏᓐᓄᑦ ᐊᒻᒪᓗ ᐊᐅᓚᑦᑎᓂᕐᒥᑦ ᐃᖅᑲᓇᐃᔭᖅᑎᖁᑎᖏᓐᓂᑦ.
● ᓄᓇᕗᒻᒥᑦ ᐃᒡᓗᓕᕆᔨᒃᔪᐊᒃᑯᑦ ᐊᑐᐃᓐᓇᐅᑎᑦᑎᓲᑦ ᐊᐅᓚᑦᑎᓂᕐᒧᑦ ᐃᑲᔪᕈᑎᒃᓴᓂᑦ ᓄᓇᓕᖕᓂᑦ ᐃᒡᓗᓕᕆᔨᒃᑯᑦ ᑲᑎᒪᔨᖃᑎᒌᖏᑦ ᐱᔭᕆᐊᖃᖅᐸᑦ ᐃᑲᔪᖅᐸᒃᑐᑦ ᑲᔪᓯᓂᖃᑦᑎᐊᖁᓪᓗᒋᑦ ᐱᓕᕆᐊᒃᓴᑦ. ᐅᓇ ᐃᓚᖃᕈᓐᓇᖅᐳᖅ ᐃᑲᔪᕈᑎᒃᓴᓂᑦ ᐃᖅᑲᓇᐃᔭᖅᑐᓕᕆᔨᒃᑯᓐᓄᑦ.
● ᓄᓇᕗᒻᒥ ᐃᒡᓗᓕᕆᔨᕐᔪᐊᒃᑯᑦ ᐊᒻᒪᓗ ᐸᖕᓂᖅᑑᒥᑦ ᐃᒡᓗᓕᕆᔨᒃᑯᑦ ᑲᑎᒪᔨᖏᑦ ᑲᑐᔾᔨᖃᑎᖃᖅᑐᑦ ᐊᓂᒍᑦᑎᐊᖁᓪᓗᒍ ᑭᖑᕙᙱᑦᑐᒥᑦ ᐊᒻᒪᓗ ᓈᒻᒪᒃᑐᒥᑦ ᐋᖅᑭᒋᐊᕈᑎᖃᕐᓗᓂ ᑖᔅᓱᒧᖓ ᐱᔾᔪᑕᐅᔪᒥᑦ.
ᑲᖐᒋᔭᐅᔪᖅ ᐅᖃᐅᓯᐅᔪᑦ ᐃᓱᒫᓗᖕᓇᑦᑎᐊᖅᐳᖅ ᐊᒻᒪᓗ ᐸᖕᓂᖅᑑᒥᑦ ᐃᒡᓗᓕᕆᔨᒃᑯᑦ ᐅᕝᕙᓘᓐᓃᑦ ᓄᓇᕗᒻᒥ ᐃᒡᓗᓕᕆᔨᕐᔪᐊᒃᑯᑦ ᑕᐃᒪᓐᓇ ᐱᐅᓯᖃᙱᖢᑎᒃ.
ᐊᑐᐃᓐᓇᐅᑎᑦᑎᓂᖅ ᐃᓕᖅᑯᓯᕐᒧᑦ ᐊᒃᑐᖅᑕᐅᓴᕋᐃᑦᑐᓂᒃ ᐊᒻᒪᓗ ᐊᑦᑕᕐᓇᙱᑦᑐᓂᒃ ᐃᖅᑲᓇᐃᔭᕐᕕᖕᒥᑦ ᐃᒡᓗᓕᕆᔨᒃᑯᑦ ᐃᖅᑲᓇᐃᔭᖅᑎᓕᒫᖏᓐᓄᑦ ᓯᕗᓪᓕᐅᔾᔭᐅᓯᒪᕗᖅ ᓄᓇᕗᒻᒥᑦ ᐃᒡᓗᓕᕆᔨᕐᔪᐊᒃᑯᓐᓄᑦ ᐊᒻᒪᓗ ᐸᖕᓂᖅᑑᒥᑦ ᐃᒡᓗᓕᕆᔨᒃᑯᓐᓄᑦ. ᓄᓇᕗᒻᒥᑦ ᐃᒡᓗᓕᕆᔨᒃᑯᑦ ᐃᑲᔪᓯᑎᑦᑏᓐᓇᕐᓂᐊᖅᑐᑦ ᐃᑲᔪᖅᓱᐃᓐᓇᕐᓗᒋᑦ ᐸᖕᓂᖅᑑᒥᑦ ᐃᒡᓗᓕᕆᔨᒃᑯᑦ ᑲᑎᒪᔩᑦ ᐊᐅᓚᑦᑎᔨᐅᓪᓗᑎᒃ ᑖᓐᓇ ᐱᔾᔪᑕᐅᔪᖅ ᐋᖅᑭᒃᑕᐅᓇᓱᐊᕐᓂᖓᓂ.
ᐅᓇ ᑲᔪᓰᓐᓇᖅᑐᖅ ᐃᖅᑲᓇᐃᔭᖅᑐᓕᕆᔨᒃᑯᓐᓂ ᐱᔾᔪᑕᐅᔪᖅ. ᑐᑭᓯᒋᐊᕈᑎᒃᑲᓐᓂᕈᑏᑦ ᐊᑐᐃᓐᓇᐅᔾᔮᙱᑦᑐᖅ ᐸᖕᓂᖅᑑᖅ ᐃᒡᓗᓕᕆᔨᒃᑯᓐᓂᑦ ᐅᕝᕙᓘᓐᓃᑦ ᓄᓇᕗᒻᒥ ᐃᒡᓗᓕᕆᔨᕐᔪᐊᒃᑯᓐᓂᑦ ᒫᓐᓇᐅᔪᒥᑦ.
