ᐱᕙᓪᓕᐊᔪᖅ ᓴᖅᑭᑎᑕᐅᔪᖅ
2023-07-17
ᐃᖅᑲᐃᑎᑦᑎᔾᔪᑎ ᐊᑐᖅᑐᐊᖅᑐᓄᑦ ᐃᒡᓗᕐᔪᐊᒥ ᐊᓯᔾᔨᖅᑕᐅᓂᐅᔪᓂ ᐊᑐᐊᒐᖅ
ᓄᓇᕗᒻᒥ ᐃᒡᓗᓕᕆᔨᕐᔪᐊᒃᑯᑦ ᐃᖅᑲᐃᑎᑦᑎᔪᒪᔪᑦ ᐊᑐᖅᑐᐊᖅᑐᑦ ᐃᓪᓗᖃᖅᑐᑦ ᐃᓄᓐᓄᑦ ᐃᓪᓗᓂᑦ ᐅᕝᕙᓘᓐᓃᑦ ᐃᖅᑲᓇᐃᔭᖅᑎᓄᑦ ᐃᓪᓗᓂᑦ ᐅᔾᔨᕈᓱᓪᓗᑎ ᒪᓕᑦᑕᐅᔭᕆᐊᓕᓐᓂᑦ ᐃᓂᖓᓃᑦᑐᓂᑦ ᐊᓯᔾᔨᖅᑕᐅᓂᐅᔪᓂᑦ ᐃᓪᓗᖏᓐᓄᑦ, ᓲᕐᓗ ᐋᖅᑭᔅᓯᓂᖅ ᑐᓴᒪᔾᔪᑎᓕᕆᔾᔪᑎᓂᑦ.
ᐊᖏᖅᑕᐅᓂᖏᑦ ᐊᓯᔾᔨᖅᑕᐅᓂᐅᔪᓂᑦ ᐃᓪᓗᒧᑦ ᐱᑕᖃᕆᐊᖃᖅᑎᑕᐅᔪᑦ ᓯᕗᓂᐊᒍᑦ ᐃᖅᑲᓇᐃᔮᖑᓚᐅᖅᑎᓐᓇᒍ. ᐊᓯᔾᔨᖅᑕᐅᓂᐅᔪᑦ ᐱᖃᓯᐅᔾᔨᔪᓐᓇᖅᑐᑦ ᓲᕐᓗ ᖁᒻᒧᐊᑦᑎᑕᐅᓯᒪᔪᓄᑦ ᐊᓃᕐᕕᖏᓐᓂ, ᐅᐊᔭᐃᑦ ᐃᒐᓛᒃᑰᖅᑐᑦ, ᐳᑑᐱᓂᖅᐊᒻᒪᔪᓕᐅᕐᓂᖅ, ᐅᕝᕙᓘᓐᓃᑦ ᓴᓇᓂᕐᒥᑦ ᐃᓛᒃᑰᖅᑐᒥᑦ ᓴᓇᓯᒪᔪᒥᑦ ᓄᓇᒋᔭᖓᓂ.
ᐱᓗᓂ ᐊᖏᖅᑕᐅᓂᕐᒧᑦ, ᐊᑐᖅᑐᐊᖅᑐᑦ ᐱᔭᕇᖅᓯᖁᔭᐅᔪᑦ ᐊᒻᒪ ᑐᓂᓯᓗᑎ ᐊᖏᖅᑕᐅᓂᕐᒧᑦ ᑕᑕᑎᕆᐊᓕᒻᒥᑦ, ᐅᕙᓃᑦᑐᑦ www.nunavuthousing.ca/publications?&lang=iu, ᑎᑎᖅᑲᑎᒍᑦ ᐅᕝᕙᓘᓐᓃᑦ ᖃᕋᓴᐅᔭᒃᑯᑦ ᐱᖁᑎᓄᑦ ᐊᐅᓚᑦᑎᔨᒧᑦ (ᐃᖅᑲᓇᐃᔭᖅᑎᓄᑦ ᐃᓪᓗᓕᕆᔨᒃᑯᓐᓄᑦ) ᐅᕝᕙᓘᓐᓃᑦ ᓄᓇᓕᒻᒥ ᐃᓪᓗᓕᕆᔨᒃᑯᑦ ᑲᑐᔾᔨᖃᑎᒋᖏᓐᓄᑦ (ᐃᓄᓐᓄᑦ ᐃᓪᓗᒋᔭᐅᔪᓄᑦ).
ᖃᓄᐃᑦᑐᑐᐃᓐᓇᐃᑦ ᐊᓯᔾᔨᖅᑕᐅᔪᑦ ᐃᓪᓗᒧᑦ ᐊᖏᖅᑕᐅᓯᒪᖏᓪᓗᑎ ᓱᒪᒋᔭᐅᔪᓐᓇᖅᑐᑦ ᒪᓕᓐᓂᖃᖏᓪᓗᑎ ᐊᑐᖅᑐᐊᓂᕐᒧᑦ ᐊᖏᕈᒻᒥᑦ. ᐊᑐᖅᑐᐊᖅᑐᑦ ᑐᔅᓯᕋᕐᕕᐅᔪᓐᓇᖅᑐᑦ ᐊᑭᓖᓗᑎ ᐊᑭᖏᓐᓂ ᐊᑦᑐᐊᒥᓕᓐᓄᑦ ᐲᖅᑕᐅᓂᖏᓐᓄᑦ ᐋᖅᑭᑦᑕᐅᓯᒪᔪᓂᑦ ᐅᕝᕙᓘᓐᓃᑦ ᓴᓇᔭᐅᓂᖏᓐᓄᑦ ᐊᓯᔾᔨᖅᑕᐅᓂᐅᔪᑦ.
ᐃᒡᓗᕐᔪᐊᒥ ᐊᓯᔾᔨᖅᑕᐅᓂᐅᔪᓂ, ᖃᖓᑦᑕᖅᑎᑕᐅᓯᒪᔪᓂ ᐱᔪᓐᓇᐅᑎᖓᓂ ᐊᒻᒪ ᐅᐊᔭᖓᓐᓂ ᐊᑐᐊᒐᐃᑦ ᑐᑭᒧᐊᖅᑎᑎᒃᑲᓂᖅᑐᑦ ᐊᑐᖅᑐᐊᖅᑐᓂᑦ ᐋᖅᑭᔅᒥᓯᔪᒪᔪᓂᑦ ᐊᒻᒪ ᐱᓯᒪᑦᑎᓗᑎᑐᓴᐅᒪᔾᔪᑎᓕᕆᔾᔪᑎᓂᑦ ᐃᓪᓗᖏᓐᓄᑦ ᐱᓕᕆᐊᖑᓯᒪᓗᑎ ᐊᑦᑕᓇᖏᑦᑐᒥᑦ ᐊᒻᒪ ᑲᒪᒋᔭᖃᑦᑎᐊᓂᕐᒥᑦ.
ᐅᖃᓕᒫᕐᓗᒍ ᐊᑐᐊᒐᖅ ᐊᑕᖏᕐᓗᒍ, ᖃᐅᔨᒋᐊᕐᕕᒋᓗᒍ www.nunavuthousing.ca/publications?&lang=iu.
