ᐱᕙᓪᓕᐊᔪᖅ ᓴᖅᑭᑎᑕᐅᔪᖅ
2023-06-23
ᐃᖅᑲᐃᓯᔾᔪᑎ ᓄᓇᕗᒻᒥ ᐃᒡᓗᓕᕆᔨᕐᔪᐊᒃᑯᑦ ᐃᖅᑲᓇᐃᔭᖅᑎᓄᑦ ᐃᒡᓗᖁᑎᖏᓐᓃᑦᑐᓄᑦ ᖃᐅᔨᒃᑲᐃᕙᒃᓗᑎᒃ ᕿᒪᕉᑎᓕᕌᖓᒥᒃ
ᒫᓐᓇ ᐃᖅᑲᓇᐃᔭᖅᑎᓄᑦ ᐃᒡᓗᖁᑎᖓᓃᑉᐲᑦ ᐱᑎᑕᐅᕙᒃᑐᓂ ᓄᓇᕗᒻᒥ ᐃᒡᓗᓕᕆᔨᕐᔪᐊᒃᑯᓐᓄᑦ ᐸᕐᓇᒃᖢᑎᓪᓗ ᕿᒪᕉᑎᓂᐊᕐᓂᕐᒥᒃ ᓄᓇᓕᒋᔭᕐᓂ ᐊᓂᓂᐊᕐᓗᑎᓪᓘᓐᓃᑦ ᑐᓂᔭᐅᓯᒪᔪᒥᒃ ᐃᒡᓗᒦ?
ᓄᓇᕗᒻᒥ ᐃᒡᓗᓕᕆᔨᕐᔪᐊᒃᑯᑦ ᐃᖅᑲᓇᐃᔭᖅᑎᓄᑦ ᐃᒡᓗᖁᑎᖏᓐᓃᑦᑐᓄᑦ ᐃᖅᑲᓇᐃᔭᕐᕕᖓ ᐃᖅᑲᐃᓯᑎᑦᑎᔪᒪᔪᑦ ᐊᑐᖅᑐᐊᖅᑎᓂᒃ ᓅᓐᓂᐊᕐᑐᓄᑦ ᖃᐅᔨᑎᑦᑎᕙᒃᓗᑎᒃ ᐊᑐᖅᑐᐊᖅᑎᑦᑎᓕᕆᔨᒥᒃ ᐅᕝᕙᓘᓐᓃᑦ ᓄᓇᕗᒻᒥᑦ ᐃᒡᓗᓕᕆᔨᕐᔪᐊᒃᑯᑦ ᐃᒡᓗᒋᔭᐅᔪᓕᕆᔨᖓᓂ ᐊᒃᓱᓪᓘᓐᓃᑦ ᐱᓇᓱᐊᕉᓰᒃ ᒪᕐᕉᒃ ᕿᒪᕉᑎᕝᕕᒃᓴᖓᓂ. ᑖᓐᓇ ᐱᔭᕆᐊᖃᖅᑐᖅ ᐱᕕᖃᖁᓪᓗᒋᑦ ᐋᖅᑭᒃᓯᓗᑎᒃ ᐊᓂᓂᕐᒧᑦ ᖃᐅᔨᓴᖅᑕᐅᓂᕐᒥᒃ ᓄᓇᕗᒻᒥ ᐃᓪᓗᓕᕆᔨᕐᔪᐊᒃᑯᑦ ᐃᖅᑲᓇᐃᔭᖅᑎᖓᓄᑦ. ᖃᐅᔨᒃᑲᐃᑎᑦᑎᓗᑎᒃ ᐃᕐᖐᓐᓈᖅᑕᐅᒃᑯᑦ ᓄᓇᓕᔅᓯᓐᓂ ᐃᒡᓗᒋᔭᐅᔪᓕᕆᔨᒧᑦ ᐊᑐᖅᑐᐊᖅᑎᑦᑎᓕᕆᔨᒧᓪᓘᓐᓃᑦ ᐅᖃᓘᑎᒃᑰᕈᓐᓇᕐᒥᔪᑦ ᐱᔭᕆᐊᖃᖅᐸᑦ.
ᐱᑎᑦᑕᐃᓕᒋᐊᕐᓗᒍ ᓴᓗᒻᒪᖅᓴᖅᑕᐅᔾᔪᑎᓄᑦ ᐊᑭᓕᒐᒃᓴᓕᐊᑦ, ᐊᑐᖅᑐᐊᖅᑎᑦ ᑎᓕᐅᕆᔭᐅᔪᑦ ᒪᓕᒃᓗᒋᑦ ᓴᓗᒻᒪᖅᓴᐃᓂᕐᒧᑦ ᐱᔭᕆᐊᖃᖅᑎᑕᑦ ᑎᑎᕋᖅᓯᒪᔪᑦ ᓴᓗᒻᒪᖅᓴᐃᓂᕐᒧᑦ ᑎᑎᕋᖅᓯᒪᔪᓂ, ᐊᑐᐃᓐᓇᐅᔪᑦ ᐃᓚᒋᓪᓗᒍ ᓄᓇᕗᒻᒥ ᒐᕙᒪᒃᑯᑦ ᐃᖅᑲᓇᐃᔭᖅᑎᓄᑦ ᐃᒡᓗᖁᑎᖏᓐᓃᑦᑐᓄᑦ ᐊᑐᐊᒐᒥ ᐅᕙᓂ www.nunavuthousing.ca/staffhousing.
ᐊᑭᓕᖅᓱᕈᑎᑦ ᓄᖅᑲᖅᑎᑕᐅᓇᔭᖅᑐᑦ ᐸᓚᙵᖅᑎᕈᑦ ᐅᑎᖅᑎᑕᐅᒃᐸᑕ ᐃᒡᓗᒧᑦ, ᐱᔭᕇᖅᑕᐅᓚᐅᖅᑎᓪᓗᒍᓗ ᐊᓂᓂᕐᒧᑦ ᖃᐅᔨᓴᖅᑕᐅᔾᔪᑎ. ᐸᓚᙵᖅᑎᕈᑎᓕᒫᑦ ᐅᑎᖅᑎᑕᐅᙱᑉᐸᑕ, ᑮᒍᑎ ᐊᓯᔾᔨᖅᑕᐅᓇᔭᖅᑐᖅ ᐊᑭᓕᒐᒃᓴᓕᐊᖑᓗᓂ ᐊᑐᖅᑐᐊᖅᑎᐅᓚᐅᖅᑐᒧᑦ.
ᑐᑭᓯᒋᐊᒃᑲᓐᓂᕈᒪᒍᕕᑦ, ᖃᐅᔨᒋᐊᕈᓐᓇᖅᐳᑎᑦ ᓄᓇᓕᔅᓯᓐᓂ ᐃᒡᓗᒋᔭᐅᔪᓕᕆᔨᒧᑦ. ᖃᐅᔨᒋᐊᕐᕕᒃᓴᒧᑦ ᓇᓗᓇᐃᔭᐅᑎ ᐊᑐᓂ ᐃᒡᓗᓕᕆᔨᒃᑯᓐᓂ ᐱᓕᕆᔨᓄᑦ ᑕᑯᔭᐅᔪᓐᓇᖅᑐᑦ ᐊᑕᔪᒦᑦᑐᑦ.
