NCCD angijuq, nakuujumik pivallialiuqhimajuq havagvigjuanik imaalu igluqaqtunut nanminirijaujunik, ilaujut qanikkut 100-nik igluamik hiniktarvik nappaqtiqtauhimajuq Iqalungni imaalu tadja avugiiktumik aturnikhanik pivalliadjutikhat haniani Nunavunmi Inirnirit Ilihaapaalirviit Iqalungni.

Nunavunmi Igluliqiyiiryuat havaqatigiblugit ukua NCCD tautuktuumiyaaqtait igluqpait hamunga 2,000 iglut ilauyut naamavyaktut 200 ikayuqtauyut iglughat, 925 inuit iglughait, 600 akiliruminaqtunik iglughanik, uvalu 275nik niuvaanikkut iglughanik. Una aadlangurninnga ilauniq pipkaidjutiniaqtuq akhuurutauyumik maniliurninnga pipkaidjutilunilu ikayuutit pigiami pingahuuyut Avikturhimayuni Inuit Katimayiingit pipkaidjutigiyait tamaita Inuit tamainni Nunavunmi munariyullu piumayangit NCCD-mi.

Taamna 10-nik ukiunik aularaaqtughaq Ikayuqtigiigniqmut Angirutit naahurittiaqtaghanik amirnaiyautauyuq angiyunut, avugiighiyaamik pivighanik, atuqtittiyaamiklu havauhittiarnik. Aghuuqhaqpagaat “inuuhirnit utiqtaqtut” havauhirnik parnaiyaiyaamik manighaniklu atuqtaghanik parnaiyaiyaamik, aullaqtittinahuariamik nakuuniqhanik havauhilluanik pihimanahuariamiklu. Ukiuq tamaat angirutitaaqhutik hanayighat kaantulaangit akituvallaanngittullu ikluqpaghanut manighautinut angirutit ilittuqhitivaalliqniaqqut qanurininganiinik, qaffinik, nanilu ikluqpaghaliuqniaqhimayut ukiuq tamaat.

Taamna Ikayuqtigiingniqmut Angirutik ilittuqhitiuyuq ikpigiyauyunik iniqtauyumayuniklu ikayuqtigiingnit taapkualu:

• Inuinnaqnik havaktighaliuriamik inuinnaqniklu havaaghaniktittinahuaqlugit nakuuyunik havaaghanik havaaghaniklu ikluliuqtinit ahiqquiyaiyunilu havaaghainit
• Ihuaqhaitjutighaliuqhutik nakuuniqhanik Nunavunmiunut nakuuriyaukpiaqtunik niuviqtinit ikluqaqtunillu taimaalu
• Pittiaqtumik manighiurniqmit inuuhiqattiarniqmullu utiqtitaghanik ikayuutighallu nunallaarmiut Nunavunmi nunallaarnit.