Igluliuqatigiingniq
Ayuihangnikkullu Havaaqangnikkullu
Nutaat ikluqpaghat niuvigaghat nunallaarmiunik ilihimattiaqtunik havaktighailliurnaqtuq hanayaamik aulapkaiyaamiklu.
Nunavut 3000 havaaghauyuq ilihaqpaallliqtittaamik Nunavunmiunik aviktuqhimayumi tamaat amigaiqpaalliqlugillu ilihimattiaqtut havaktighat. Hanavalliayut aulapkaiyullu ikayuutinik Nunavunmiunut manighiuriamik ayuiqhatillutik iharianiaqtuq iniqtaghaq Nunavut 3000 parnaiyautainit.
Havaaghait hanayunit Nunavut 3000mit nunallaarnit naatkutigiiktitauniat ikayurahuaqhugit amigaiqpaallirahuat ilihaqtinnatik-havaktut, ilihaqtut, ilihimattiaqtullu hanayit nunallaarni havaktighanit amigaiqpaallirahuaqlugillu ilihimattiaqtut havaktit.
Aulapkarumaplugu hamna ayuihainik titiraqhimayunin kanikhidjutaa (MOU) ilihimayuq naunaitkutikhaa Nunavut Igluliuktikkut Kuapatkut attauttimi NCC Pivallianginnganik Havakvinga tahapkualu ilihaudjiyut tahapkua havaktut ilagiinni ikayuqtut (Havaqatiqaqhuni Ilihaqtuq) taapkualu Nunavut Iningniit Ilihaqvianni (Ayuirumayamingnik Ilihaqtut).
Qanuriliurutikhait titiraqhimayuni kanikhidjutaa: • hivituyumut ayuihangnikkut pilugu • attauttimuklugik ayuihautit atuqtut hivumuudjutikhaat • ikayuklugit piyumayut uuktuqtut, taimaalu • munarilugit hivumuuyut inmingni havagumayut
2023-mi Nunavut 3000 ihagutinahuaqtuq 80-nik inungnik havaktiliklugit ayuihaqtukhanik inillaamingni iglunik nappaqtirinahuaqtuni.
Igluliuqatigiingniq Nunavut 3000 quviahuqatigiigumayut piyamingnik attauttitut havaqatigiikhutik aulaqigamik havagumayamingnik.