Tahamna Nunavut Igluliqiyiit Kuapatkut tahamna amigaittukkut piyumayunut hannaihimayunik atungniaqtaat tikittumaplugu Nunavut 3000 tamainnun igluliurutikkut.

Hapkua piyait: • Titirauyakhimayunik napaqtirilutik taimaalu titirauyaqhimayunik kiinauyakkut pinnahauqlugu iglukhaq taimaalu uqaqatigiiklutik tittirauyaqhimayunik napaqtirilutik havaktigilugit. • Piyumayauquplugit igluliuqtuqangnikkut havaqatigilugit nauvalliaquplugit akituqyuangittullu tuniyakhallu iglut taimailiuqlutik titirauyangnikkut iglukhanik nutaanik akittuqyuangittunik piyumayaukpat auladjutikhaanik aadjikutavyaa piyauvaktuq Kanatap Akiliqtuqpaktuutigutlu Iglutigutlu Kuapatkuutigut. • Ikayuklugit Kuapatkut igluliqiyiit tahapkualu akituyut aimaviit Kuapatkutait. • Ihuahaqlugu igluhamingnik nanminiqarumayut uukturumayut niuvirumaplutik nutaamik akiliqtaaqtamingnik tahapkualu tuniyauyukhat iglut aimavikhatik. • Ilaupkaklugit igluliuqtuqangnikkut havaqatigiiktut ilauyumayut igluliuqtakhainnik taimaalu tuninahuahimalutik akiliqtaaqtunik igluhanik tamaanun nunamingni tunilutik Tautuktauyut Piyumayut (EOT) qinikhimalutik nutaanik ihumagiyamingnik ilihimapkaklugitlu nunallaani iglukkut qanuq ayukhautiqaqtut.

Tikittumayut Nunavut Igluliuqtittigut Kuapatkut ilihimapkarumaplugit tamaita inillaat Nunavutmi nakuuhittiangniaqtuq taffumuuna nutanik igluliuqtukkut. Taimaa aallangungniarunahiyuq auladjutikhaa aullaqtirumi taimaalu nutaanik havaqatikhamingnik nanihigaigumik, kihimi igluliuqtut ikayuktigiyumayait Kavamatkut inillaani igluhaniklu hannaihimayut uuktuqtut.