ᓄᓇᕗᑦ 3000
ᐱᓕᕆᔾᔪᓯᐅᓕᕐᓂᖅ ᐊᒻᒪᓗ ᐱᓕᕆᖃᑎᖃᕐᓃᑦ ᐊᖏᒡᓕᒋᐊᖅᑎᑕᐅᓂᖓᓄᑦ ᓄᓇᕗᑉ ᐃᒡᓗᑖᕐᕕᐅᔪᓐᓇᖅᑐᑦ ᐃᓅᖃᑎᒌᓄᑦ
ᓄᓇᕗᑦ 3000 ᓄᓇᕗᒻᒥᐅᓄᑦ ᐃᒡᓗᒃᓴᒃᑲᓐᓂᕐᓂᒃ ᓴᓇᓛᖅᑐᖅ ᐊᒥᓲᓂᖅᓴᓂᒃ ᓄᓇᕗᒻᒥᐅᓄᑦ ᐱᖃᑎᖃᕐᓂᕐᒥᒃ ᐋᖅᑭᒃᓱᐃᓂᒃᑯᑦ ᐊᒻᒪᓗ ᑮᓇᐅᔭᖃᖅᑎᑦᑎᓂᒃᑯᑦ ᐱᓕᕆᔾᔪᓯᕆᔭᐅᔪᓂᒃ ᓴᓇᓂᕐᒥ ᑲᔪᓯᑦᑎᐊᕐᓂᖅᓴᐅᔾᔪᑕᐅᓂᐊᖅᑐᓂᒃ ᐊᒻᒪᓗ ᐊᑭᑭᒡᓕᒋᐊᕈᑕᐅᐅᓂᐊᖅᑐᓂᒃ.
ᐃᒡᓗᓕᐅᖃᑎᒌᖕᓂᖅ ᓄᓇᕗᑦ 3000 ᓴᖅᑭᑦᑎᔪᓐᓇᕋᔭᑐᐃᓐᓇᕿᐊᖃᖅᐳᖅ ᐊᑯᓂᐅᔪᒧᑦ ᐱᓕᕆᖃᑎᒋᔭᐅᕙᖕᓂᖏᑦ ᐃᓄᐃᑦ ᑎᒥᖏᑦ, ᓇᖕᒥᓂᖅ ᐱᓕᕆᕝᕕᓖᑦ, ᐊᓯᖏᓪᓗ ᒐᕙᒪᐅᔪᑦ ᐊᖏᒡᓕᒋᐊᖅᑎᑕᐅᓂᖓᓄᑦ ᓄᓇᕗᑉ ᐃᒡᓗᑖᕐᕕᐅᔪᓐᓇᖅᑐᑦ ᐃᓅᖃᑎᒌᓄᑦ ᐊᒻᒪᓗ ᐊᑐᐃᓐᓇᐅᑎᑦᑎᓂᕐᒧᑦ ᐊᑦᑕᕐᓇᙱᑦᑐᓂᒃ, ᐱᔭᐅᔾᔭᐃᖅᓯᒪᔪᓂᒃ, ᐊᑭᑐᓗᐊᙱᑦᑐᓂᒡᓗ ᐃᒡᓗᓂᒃ.
ᐱᔾᔪᑎᖃᖅᑐᖅ ᐱᓕᕆᖃᑎᒌᖕᓂᕐᒥᒃ ᐱᐅᓯᕚᓕᖅᑎᑕᐅᓂᖓᓄᑦ ᐃᒡᓗᒃᓴᖅᑕᖃᕐᓂᖅ ᐊᒻᒪᓗ ᒪᑭᒪᔪᓐᓇᕐᓂᖅ ᐊᒡᒋᖅᑐᓄᑦ ᑭᖑᕚᒃᓴᓄᑦ. ᑐᕌᒐᕆᔭᐅᕗᑦ ᓄᓇᓖᑦ ᑎᑭᐅᑎᓂᖏᑦ ᐱᔪᓐᓇᕐᓂᕐᒥᓂᒃ, ᓇᓕᒧᒌᓕᖅᑎᑕᐅᓗᓂ ᑕᒪᐃᓐᓂᑦ ᓴᙱᓂᕆᔭᖏᑦ ᐋᖅᑭᒃᓯᒪᓪᓗᑎᒃ ᐃᓚᒋᔭᐅᖃᑕᐅᔪᑦ ᐊᑯᓂᐅᔪᒧᑦ ᓄᓇᕗᒻᒥᐅᑦ ᐱᒻᒪᕆᒋᔭᖃᖅᑎᑕᐅᓂᐊᕐᒪᑕ.
