ᓄᓇᕗᑦ 3000 ᐱᕕᒃᓴᖃᕐᓂᐅᕗᖅ ᐱᓕᒻᒪᒃᓴᐃᓂᕐᒥ ᓄᓇᕗᒻᒥᐅᓂ ᓄᓇᕗᓕᒫᒥ ᐊᒻᒪ ᐊᖏᒡᓕᒋᐊᖅᑎᑦᑎᓗᓂ ᑲᑎᙵᓂᐅᔪᒥ ᐱᓕᕆᓕᒪᔪᓂ ᐱᓕᕆᐊᖃᖅᑐᓂ ᓴᓇᔨᐅᔪᓂ. ᐱᕙᓪᓕᐊᑎᑦᑎᒥᓂᖅ ᐊᒻᒪ ᑐᓂᓯᓂᕐᒥ ᐱᓕᕆᐊᖑᔪᒥ ᓄᓇᕗᒻᒥᐅᓄᑦ ᑮᓇᐅᔾᔭᒃᓴᓂᕐᒧᑦ ᐃᓕᑦᑎᑎᓪᓗᒋᑦ ᐱᓪᓚᕆᐅᓪᓗᓂ ᐊᑐᖅᑕᐅᔪᒪᔪᑦ ᑐᕌᒐᒃᓴᐅᕗᖅ ᓄᓇᕗᑦ 3000−ᒥ ᐸᕐᓇᐅᑎᒥᒃ.

ᓇᑉᐸᖅᑎᕆᓂᕐᒧᑦ ᖃᓄᐃᓕᐅᕐᓂᐅᔪᒥ ᐊᐅᓚᑕᐅᔪᒥ ᓄᓇᕗᑦ 3000−ᒥ ᓄᓇᓕᖕᓂ ᑭᒡᓕᖃᖅᑎᑕᐅᓂᐊᖅᐳᖅ ᐃᑲᔪᕐᓂᕐᒧᑦ ᐊᖏᒡᓕᒋᐊᖅᓯᓂᖓᓐᓂ ᐅᓄᕐᓂᐅᔪᓂ ᓯᕗᓂᐊᓂ− ᐃᓕᓐᓂᐊᖅᐸᓪᓕᐊᔪᒧᑦ ᐃᖅᑲᓇᐃᔮᖅᑖᕋᓱᐊᕐᓂᕐᒧᑦ, ᐃᓕᓐᓂᐊᖅᐸᓪᓕᐊᔪᒧᑦ ᐃᖅᑲᓇᐃᔮᖅᑖᕋᓱᐊᕐᓂᕐᒧᑦ, ᐊᒻᒪ ᐊᔪᙱᓐᓂᓕᖕᓂ ᐱᓕᕆᐊᒧᑦ ᐃᓄᖕᓂ ᓄᓇᓕᖕᓂ ᐃᖅᑲᓇᐃᔭᖅᑎᖁᑎᐅᔪᓂ ᐊᒻᒪ ᐱᐅᓯᒋᐊᕐᓗᓂ ᐊᑐᐃᓐᓇᐅᓂᖓᓂ ᐊᔪᙱᓐᓂᓕᖕᓂ ᓴᓇᔨᓂᑦ.

ᐅᖃᐅᓯᐅᔪᑦ ᐱᔾᔪᑎᖃᖅᑐᓂ ᐱᓕᒻᒪᒃᓴᕐᓂᕐᒧᑦ ᐱᓕᕆᐊᒃᓴᐅᔪᓄᑦ ᐊᒻᒪ ᐃᖅᑲᓇᐃᔭᖅᑎᐅᔪᓄᑦ ᐃᓚᐅᖃᑕᐅᓂᖏᓐᓂ ᐃᓚᓕᐅᔾᔭᐅᓂᐊᖅᐳᖅ ᑕᒪᒃᑭᓄᑦ ᐊᑑᑎᓕᖕᓄᑦ ᑳᓐᑐᕌᒃᑖᕋᓱᐊᖅᑐᓄᑦ, ᐊᖏᕈᑎᓂ, ᐊᒻᒪ ᑳᓐᑐᕌᖕᓂ ᓴᓇᓂᕐᒧᑦ ᐊᑯᓂᐅᔪᒥ ᓇᑉᐸᖅᑎᕆᓂᕐᒧᑦ ᐊᒻᒪ ᐋᖅᑭᐅᒪᑎᑦᑎᓂᕐᒧᑦ ᐱᔪᓐᓇᕐᓂᖓᓂ. ᑖᓐᓇ ᐅᐸᓗᖓᐃᔭᐅᑎ ᐃᑲᔪᖅᓱᖅᑕᐅᓂᖓᓄᑦ, ᓴᓇᔪᖃᓚᐅᖅᑐᖅ ᐊᖏᖃᑎᒌᒍᑎᒥᒃ ᑐᑭᒥᐅᒪᖃᑦᑕᐅᑎᓂᕐᒧᑦ (MOU) ᐃᑲᔪᖅᑕᐅᓂᖓᓄᑦ ᓄᓇᕗᒻᒥ ᐃᒡᓗᓕᕆᔨᕐᔪᐊᒃᑯᑦ ᐱᓕᕆᖃᑎᖃᕐᓂᖏᑦ ᓄᓇᕗᒻᒥ ᐃᒡᓗᓕᐅᖅᑏᑦ ᑯᐊᐳᕇᓴᙵᑕ ᐱᕙᓪᓕᐊᑎᑦᑎᔩᑦ ᑎᒥᖓᓂᒃ ᐊᒻᒪᓗ ᐱᓕᒻᒪᒃᓴᕐᓂᕐᒧᑦ ᐃᓚᒋᔭᐅᔪᑦ ᓲᕐᓗ ᐃᓄᓕᕆᔨᒃᑯᑦ (ᐃᓕᓐᓂᐊᖅᐸᓪᓕᐊᔪᓕᕈᔩᑦ) ᐊᒻᒪᓗ ᓄᓇᕗᑦ ᓯᓚᑦᑐᖅᓴᕐᕕᖓ (ᓴᓇᓂᕐᒧᑦ ᐃᓕᓐᓂᐊᕐᕕᒃ).

ᑐᕌᒐᕆᔭᐅᔪᑦ ᐊᖏᖃᑎᒌᒍᑎᒥ: • ᐃᖏᓛᒃᑰᖅᑎᓪᓗᒍ ᐱᓕᒻᒪᒃᓴᕐᓂᕐᒧᑦ ᑮᓇᐅᔭᓕᐅᕈᑕᐅᓇᓱᒃᑐᑦ • ᑐᑭᓕᕇᓕᖅᑎᑕᐅᓗᑎᒃ ᐃᓕᓐᓂᐊᕈᑎᒃᓴᓄᑦ ᐊᒻᒪᓗ ᐱᓕᒻᒪᒃᓴᕐᓂᕐᒧᑦ ᐊᑑᑎᒃᓴᑦ ᓴᓇᔭᐅᓂᖏᑦ • ᐃᑲᔪᖅᓱᖅᑕᐅᓂᖓ ᐃᖅᑲᓇᐃᔭᖅᑎᒃᓴᖅᓯᐅᕐᓂᖅ, ᐊᒻᒪᓗ • ᐱᕙᓪᓕᐊᑎᑕᐅᓂᖓ ᓄᓇᓕᖕᒥ ᖃᔅᓯᐅᓂᖏᑦᑕ ᐃᖅᑲᓇᐃᔭᕈᓐᓇᖅᑐᑦ

2023−ᒥ, ᓄᓇᕗᑦ 3000−ᒥ ᓴᖅᑭᑎᑦᑎᓚᐅᖅᐳᖅ 40−ᓂᒃ ᐊᔪᕈᓐᓃᖅᓴᒐᒃᓴᓂᒃ ᓄᓇᓕᖕᓂ ᓄᑖᓂᒃ ᑭᒃᑯᑐᐃᓐᓇᓄᑦ ᐃᒡᓗᒋᔭᐅᔪᓐᓇᖅᑐᓂᒃ.

ᐃᓕᑦᑎᒃᑲᓐᓂᕈᒪᓗᓂ ᐱᓕᒻᒪᒃᓴᕐᓂᕐᒥᒃ ᐃᖅᑲᓇᐃᔮᒃᓴᓂᒡᓗ ᓄᓇᕗᒻᒥ ᐃᒡᓗᓕᐅᖅᑎᓄᑦ, ᐅᐸᒃᓗᒍ https://www.nccig.ca/we-are-hiring/

ᐃᓕᑦᑎᒃᑲᓐᓂᕈᒪᓗᓂᑦ ᐃᓕᓐᓂᐊᒐᒃᓴᐅᔪᓐᓇᖅᑐᓂᒃ ᓄᓇᕗᒻᒥ ᓯᓚᑦᑐᖅᓴᕐᕕᖕᒥ, ᐅᐸᒃᓗᒍ https://www.arcticcollege.com/trades-and-technology

Iᐃᒡᓗᓕᐅᖃᑎᒌᖕᓂᖅ ᓄᓇᕗᑦ 3000 ᖁᕕᐊᓲᑎᖃᖅᐳᖅ ᑲᔪᓯᑦᑎᐊᕐᓂᖓᓂᒃ ᐱᓕᕆᖃᑎᒌᖕᓂᒃᑯᑦ ᐱᔪᓐᓇᕐᓂᕐᒥᒃ ᐱᕙᓪᓕᐊᑎᑦᑎᓂᕐᒧᑦ ᐱᓕᕆᐊᒃᓴᕐᒧᑦ ᐆᒃᑑᑕᐅᔪᒥᒃ.