ᓄᓇᕗᑦ 3000
ᐋᖅᑭᒃᓱᖅᓯᒪᔪᒥᒃ ᐱᓕᕆᐊᒃᓴᒥᒃ ᐊᑐᐃᓐᓇᖃᖅᑎᑦᑎᓂᖅ
ᓄᓇᕗᒻᒥ ᐃᒡᓗᓕᕆᔨᕐᔪᐊᒃᑯᑦ ᐊᑐᓲᖑᕗᑦ ᐊᔾᔨᒌᙱᑦᑐᓂᒃ−ᑐᕌᖓᔪᓂᒃ ᓂᐅᕕᖅᐸᓪᓕᐊᔾᔪᓯᕐᓂᒃ ᐊᓂᒍᖅᑎᑦᑐᒪᓪᓗᒋᑦ ᓄᓇᕗᒻᒥ 3000−ᒧᑦ ᑐᕌᒐᕆᔭᐅᔪᑦ ᐊᓯᔾᔨᖅᐸᓪᓕᐊᔪᓄᑦ ᐊᒻᒪ ᐃᒡᓗᓕᕆᔨᒃᑯᑦ ᐃᒡᓗᖁᑎᖏᓐᓄᑦ.
ᑖᒃᑯᓄᖓ ᐃᓚᒋᔭᐅᕗᑦ: • ᓴᓇᐅᒐᖓᓂ−ᓴᓇᔭᐅᓂᖓᓂ ᐊᒻᒪ ᓴᓇᐅᒐᖓᒥ ᑳᓐᑐᕌᒃᑖᕋᓱᐊᕐᓂᕐᒥ ᑐᓂᓯᓂᐅᔪᒥ ᐆᒃᑑᑎᐅᔪᓂ ᐊᒻᒪᓗᑦᑕᐅᖅ ᐋᔩᖃᑎᒌᒃᑐᒥ ᓴᓇᐅᒐᖓᓂ−ᓴᓇᔭᐅᓂᖓᓂ ᑳᓐᑐᕌᖑᔪᓂ. • ᐊᔭᐅᒋᐊᖅᑎᑕᐅᓂᖏᑦ ᐃᓗᓕᕆᖃᐅᕙᒃᑐᑦ ᓴᓇᓂᕐᒧᑦ ᐊᑭᑐᓗᐊᙱᑦᑐᓂᒃ ᐊᒻᒪᓗ ᓂᐅᕕᐊᒃᓴᐅᔭᖅᑐᓕᕐᓗᑎᒃ ᐃᒡᓗᒃᓴᐅᔪᓂᒃ ᓴᓇᓂᒃᑯᑦ ᓄᑖᓂᒃ ᐊᑭᑐᓗᐊᙱᑦᑐᓄᑦ ᐃᒡᓗᓕᕆᓂᕐᒧᑦ ᑮᓇᐅᔭᖃᖅᑎᑦᑎᖃᑎᒌᒍᑕᐅᔪᓄᑦ ᐱᓕᕆᐊᒃᓴᓄᑦ ᐊᔾᔨᐸᓗᖃᖅᑐᓂᒃ ᑲᓇᑕᒥ ᓇᖕᒥᓂᖃᕐᓂᕐᒧᑦ ᐊᑭᓕᐅᑎᓄᑦ ᐊᒻᒪᓗ ᐃᒡᓗᓕᕆᔨᕐᔪᐊᒃᑯᑦ ᐱᓕᕆᐊᒃᓴᖏᓐᓄᑦ. • ᐃᑲᔪᖅᓱᖅᑕᐅᓂᖏᑦ ᑯᐊᐸᐅᔪᓄᑦ ᐃᒡᓗᒃᓴᐃᑦ ᐊᒻᒪᓗ ᐃᒡᓗ ᑲᑎᙵᔪᓂ ᓇᖕᒥᓂᕆᔭᓄᑦ ᑯᐊᐸᕇᓴᐃᑦ. • ᐋᖅᑭᒋᐊᖅᑕᐅᒃᑲᓐᓂᕐᓗᑎᒃ ᓇᖕᒥᓂᖅ ᐃᒡᓗᑖᕐᓂᕐᒧᑦ ᐱᓕᕆᐊᒃᓴᑦ ᓂᐅᕕᕈᒪᔪᓄᑦ ᓄᑖᓂᒃ ᐊᑭᑐᓗᐊᙱᑦᑐᓂᒃ ᐃᒡᓗᓂᒃ ᐊᒻᒪᓗ ᓂᐅᕕᐊᒃᓴᐅᔭᖅᑐᓕᕐᓗᑎᒃ ᐃᒡᓗᒃᓴᐅᔪᓂᒃ. • ᐃᓚᐅᖃᑕᐅᑎᑕᐅᓗᑎᒃ ᐃᓗᓕᕆᓂᕐᒥᒃ ᐱᖃᑕᐅᕙᒃᑐᑦ ᐱᔪᒪᓂᖃᖅᑐᓂᒃ ᐱᑕᖃᖅᑎᑦᑎᓂᕐᒥᑦ ᐊᒻᒪᓗ ᐊᑐᐃᓐᓇᖃᖅᑎᑦᑎᓂᕐᒥᒃ ᐊᑭᑐᓗᐊᙱᑦᑐᓄᒃ ᐃᒡᓗᓂᒃ ᓄᓇᕗᒻᒥ ᓴᖅᑭᑦᑎᓂᒃᑯᑦ ᑐᒃᓯᕋᐅᑎᓂᒃ ᐱᔪᒪᓂᕐᒥᒃ (EOI) ᖃᐅᔨᓴᖅᑕᐅᓂᐊᕐᒪᑕ ᓄᑖᖑᔪᑦ ᐊᒻᒪᓗ ᐃᓱᒪᒃᓴᖅᓯᐅᑦᑎᐊᕈᑕᐅᔪᑦ ᑲᒪᒋᔭᐅᓂᖓᖏᓐᓄᑦ ᓄᓇᓕᖕᓂ ᐃᒡᓗᒃᓴᑭᓗᐊᕐᓂᖅ.
ᑐᕌᒐᖓ ᓄᓇᕗᒻᒥ ᐃᒡᓗᓕᕆᔨᕐᔪᐊᒃᑯᑦ ᐊᑐᖅᑕᖓᑦ ᐱᖁᓪᓗᒋᑦ ᓄᓇᓕᓕᒫᑦ ᓄᓇᕗᒻᒥ ᐃᑲᔪᖅᑕᐅᓗᑎᒃ ᓄᑖᓂᒃ ᐃᒡᓗᓂᑦ. ᓈᒻᒪᒃᑲᓗᐊᖅᖢᓂ ᐊᓯᔾᔨᖅᑐᓂᑦ ᓂᕆᐅᒋᐊᒃᓴᖅ ᐸᖕᓇᐅᑎᒥᑦ ᐱᕙᓪᓕᐊᑎᓪᓗᒍ ᓄᑖᓂᒡᓗ ᐱᓕᕆᖃᑎᒌᖕᓂᖕᓂᑦ ᓴᖅᑭᑦᑎᖕᒪᑕ, ᓯᕗᓪᓕᖅᐹᒥᑦ ᑎᑭᑕᐅᓇᓱᒃᑐᑦ ᐃᒡᓗᓕᕆᓂᖕᒧᑦ ᓇᓗᓇᐃᕐᑕᐅᓚᐅᖅᑐᑦ ᐃᑲᔪᖅᑐᐃᓂᐊᕐᓗᑎᒃ ᒐᕙᒪᒃᑯᓐᓂᑦ, ᓄᓇᓕᖕᓂᑦ, ᓴᓇᕝᕕᖕᓂᓪᓗ ᐸᖕᓇᐃᓂᖕᓂᑦ.
